神出鬼沒嘅影子Auntie自疫情留美後終於學識上網睇YT，無意間發現天后區有間「鐵板燒．鑄」連續多年榮獲米芝蓮一星，仲要係全港唯一有星嘅鐵板燒專門店，得知姨媽們回港，即令XO賢姪務必要安排陪同一試。乖巧嘅小肥當然係立即行動，並早於一個月前以電話訂座。八人用餐必先選定晚餐及預繳訂金（$300/位）。晚市套餐共有兩款可選，第一款廚師發辦「Omakase – Chef’s Recommendation」（$2,280/位）共有十道菜。由於長輩們食量有限，結果就揀咗少兩道鵝肝及手卷嘅「I M Tasting Menu」（$1,800/位）。名店剛剛遷往天后新建嘅食廈一樓，據悉為舊舖嘅兩倍。步出升降機門，暗黑嘅環境帶著神秘，時尚嘅燈飾及巨型嘅透明玻璃酒櫃於接待大堂剛巧照出餐廳所獲贈嘅八粒米芝蓮星星同餐飲獎狀，明顯係焦點所在！佔用面積全層嘅餐店空間感足，抽氣系統強，中央嘅鐵板舞台有氣勢得黎不失高雅。飲品牌共有五頁之多。因深覺$500/樽標準裝紅、白、汽、清酒之開瓶費唔係咁值，飯前已諗好會叫枝獺祭三割九分純米大吟釀（$850/樽），點知用餐當日被告知此酒已售罄，同牌子嘅只剩獺祭二割三分純米大吟釀（$1,388/樽），決策人姨媽話冇問題，所以就照開。晚餐有幾點好奇怪，話就話小肥訂位時已定好菜單，但同行嘅家人其實大多都唔知詳情，姨丈埋位只見自用餐具，冇餐牌睇又唔洗點菜，仲誤以為係食廚師發辦料理所以冇菜單提供。感覺好似一夠鐘開工，師傅就將啲食材放上枱度曬；冇錯係零對話，靜曬！直到第一道菜上場，先由妹妹仔介紹前菜為海膽拼三文魚籽。是日前菜：橙亮鮮美嘅海膽幼嫩鮮濃，無奈晶瑩嘅三文魚籽爆裂於口腔時滲出微腥，似乎米芝蓮粒星俾少咗個「月」字邊喎！甘鯛魚配海膽忌廉汁：交由甘鯛魚接棒時，面前嘅鐵板爐其實都仲未開過！如相所示，大廚嘅角色竟然只係玩擺盤，碟上嘅安鱇魚肝忌廉醬，甚至件甘鯛魚都係喺其他廚房煮備嘅，唔怪得知場內冇乜油煙味啦！零油煙備製嘅甘鯛魚最正係香脆酥化嘅魚鱗，墊底嘅海膽忌廉汁調味甚為討好，敗筆在於厚厚嘅魚肉只屬微暖，食落偏實且有過熟之嫌，既食不出嫩滑，更吃不到鮮甜，請恕小弟直言，完全感受唔到任何鐵板神髓嘅存在。日本活鮑魚配海帶黃油汁：第三味終於令師傅同時開爐及開金口，介紹鮑魚源自北海道蝦夷，伴配嘅汁液由鮑魚肝醬秘製而成。已預先切成一件件嘅鮮鮑厚潤有彈性，黏上濃縮嘅肝醬即倍添鮮濃惹味。龍蝦配蝦膏味噌汁：每人半隻嘅法國藍龍蝦質感爽脆，生熟程度恰到好處，配角意粉麵條煙韌有嚼勁，不過個蝦膏味噌汁偏咸帶苦，失分在個澀味。日本時令蔬菜：節令雜菜分開兩段上，其中細細粒嘅洋蔥仔最甜美多汁。炒芽菜都好爽脆。特選A-5和牛：和牛登場之時即代表晚餐已接近尾聲。有少少意外，星級鐵板嘅蒜片唔係即場由生蒜起煮出，入口時仲已經腍哂；其實都唔應該意外嘅，因為之前道甘鯛魚都係由後廚房攞出黎，蒜片應該算係小角吧！粉嫩嘅和牛粒油脂唔算多，食落鬆軟又夠肉汁，只係份量好似少咗啲啲。炒飯、味噌湯、醃菜：炒飯可以話係成餐炒得最耐嘅一味，足料且夠乾身，但就唔係好夠味。醃菜清爽脆口。味噌湯用藍龍蝦殼熬製，飲落都好甜。時令水果：結尾簡單嘅蜜瓜清甜香潤。香港唯一一間星級鐵板料理「鐵板燒．鑄」環境格調高級，服務生亦相當有禮，可惜二千多元嘅海陸晚餐冇乜火候，差不多一半菜式並非即場烹調，鐵板靈魂欠奉，講真唔係好明點解咁威可以摘咗八年星星囉！

一班舊同事晌疫情幾年都無約齊過出嚟聚一聚，就趁農曆年咁就梗喺乘機出嚟食番餐啦！因為就番大家關係，所以，定喺星期五晚，然而，好多酒樓都會有時限，結果，偏少少搵到嚟「都會廣場」嘅「彩福」，無時限之餘，又就得到部分住喺新界東嘅老友。雖然成日聽到話啲人北上搵食，不過，今晚嚟到「彩福」都算喺幾爆場。因為我哋有排傾，坐咗成晚，眼見有啲細枱翻咗一、兩轉。至於呢度嘅環境，同傳統酒樓差唔多，燈火通明，唔好見張相以為地方得咁細，其實有一邊間咗俾人搞宴會。同枱嘅舊同事對食都無乜要求，所以，我哋都喺叫返啲慣常小炒，本應佢有一張大嘅點菜紙，不過，忘記影低。大家眼見呢幾張餐牌都喺當其時「求其」影，實際當然唔止咁少款式。片皮鴨 $288
呢道菜要預訂，唔訂未必無，訂咗就穩陣啲。由於我哋坐咗晌個角落位，所以，阿姐晌出面遠少少位置度片隻鴨，用咗隻「鴨仔」碟，配上大蔥、青瓜、甜麵醬，成份片皮鴨幾有睇頭。隻鴨燒得幾唔錯，皮脆肉嫩，油香豐腴，加埋啲配料以餅皮捲起嚟食，好有風味。不過，負責片皮嘅阿姐絕對好業餘，因為片到厚薄不一，有啲直情得層皮，有啲就連住嚿厚肉，多多少少都影響咗個口感。七彩炒鴨絲 $88
叫得片皮鴨，無理由唔加少少錢揀二食，不過，話就話「七彩」，應該改為「銀翠」，因為喺以銀芽同韮菜去炒鴨絲。實際嚟講，炒得夠鑊氣，都幾好食，而且，大大碟夠份量。上湯焗西澳龍蝦 $388
話晒當喺賀年，梗喺食豪少少，所以，揀咗一客龍蝦，並加埋伊麵底（+$30）。講明喺澳洲貨，又標明會有幾重，感覺都有信心啲，出嚟嘅成品亦都好唔錯，睇落絕對足秤，龍蝦肉非常之爽彈，而且好鮮甜，用咗上湯焗，無芝士咁「漏」，不過，略嫌啲伊麵有少少碎濕濕。鹹菜胡椒豬肚鯛魚片煲 $118
除咗個龍蝦，揀多個海鮮類菜式，就喺呢個魚片煲，最搞嘢喺襯埋個鹹菜胡椒豬肚湯，感覺好似一個價錢食兩度菜咁，更好嘅喺呢個煲熱住食，啱晒呢排天寒地凍嘅日子。本身個鹹菜胡椒豬肚湯已經幾好食，加上啲鯛魚片好嫩滑，份量亦唔少，呢道菜可以講喺性價比高。石鍋珍菌百福豆腐 $98
老友們食嘢都喺相對比較健康，所以多菜少肉，蔬菜類菜式都會揀多啲。先喺呢個石鍋豆腐。因為用上滾熱燙嘅石鍋盛上，所以由頭食到尾都夠晒熱焫焫，而裡面有好多菇菌，啲豆腐又夠滑，個醬汁調味道啱啱好，確喺唔錯。金銀蛋浸菜心 $96
另一度蔬菜菜式就要清淡啲嘅，就揀金銀蛋浸時蔬，時蔬就揀咗菜心，因為阿姐話今日啲菜心靚，又即管試下，食落又確喺幾甜，而金銀蛋大家都知喺乜唔多講。原個椰皇燉燕窩 $52
甜品方面呢度有好多選擇，不過，原個椰皇需要預訂，同樣地，無訂嘅話唔一定無，視乎當晚供應情況。我哋就預訂咗兩個，再加埋其他甜品一齊共享。講返個椰皇，打開蓋都睇得到非常足料，啲燕窩唔會碎濕濕，而下面嘅椰皇燉奶熱呼呼，好嫩滑，非常清甜，陣陣椰香，食完真喺好潤。紅豆桂花糕 $24
一般嘅桂花糕賣相都比較晶瑩，但呢份桂花糕外觀就比較沉實啲，因為加咗紅豆，又喺可以講一個價錢食到紅豆糕同桂花糕。啲紅豆煮得幾綿，而且夠香甜，加咗桂花所以滲出陣陣桂花香，味道都幾夾。金箔芝麻卷 $30
一碟有成6件，都只喺買$30，晌酒樓中都算抵食，再者加咗少少金箔，睇上去自然貴氣好多。而入口個人嚟講，都真喺算唔錯，口感夠挺身，咬落又帶點爽口，最重要就喺芝麻味夠濃郁。若非有啲老友住得遠，否則我哋仲有排傾，始終太耐無見，同埋今晚又喺最齊人，喺難得嘅機會。不過，依家已經復常番晒，相信第時出嚟再聚嘅日子都會多啲。

三年前, “預約困難店” 遙不可及, 今時今日終於可以逐步解鎖, Decree by T 係目標之一, 尖沙咀原店已結業, 緣份未盡, 今日嚟到中環店.

🤗 餐廳位於中環 FOCO, 沿半山扶手電梯直達, 搭𨋢上22樓, 玄關又掛畫又玻璃, 玩唒藝術. 再進用餐區, 設長形十二人壽司吧枱, 一字排開, 玻璃窗望樓景.

🥢 開年飯, 梗係一步攻頂, 點咗午餐, $880+10%, 包六道料理, 八貫壽司, 玉子燒, 卷物, 湯, 甜品, $680 版本少三道料理. 另點清酒, $350+10%.

吞拿魚腸粉
鮟鱇魚肝雪糕筒
富山白蝦
北海道帶子
櫻魚鯛
茶碗蒸
劍魚腩
深海池魚腩
梭子魚
大拖羅
白子
赤羽太
海膽
右口魚邊
吞拿魚太卷
玉子燒
粟米魚蓉湯
白桃乳酪🐟 料理一… 吞拿魚腸粉. 腸粉皮用豆乳製, 包住吞拿魚醬油漬, 配辣根. 菜式設計具心思, 好食嘅, 但埋沒咗醬油漬嘅甘香.🍦 料理二… 鮟鱇魚肝雪糕筒. 鮟鱇魚肝, 無花果墊底, 山楂皮, 柚子胡椒. 貌似西餐嘅餐前小食, 賣相加分, 食落少似泡芙, 一體感超讚.🦐 第一件壽司… 富山白蝦, 昆布漬, 竹炭鹽. 黐𥹉𥹉口感, 有趣, 但係冇乜味. 🐚 第二件壽司… 北海道帶子, 煎酒醬油, 柚子汁. 帶子爽甜, 醬油味略淡.🍣 第三件壽司… 櫻魚鯛, 柚子胡椒. 煙煙韌韌, 魚味略淡, 味道由柚子胡椒帶領.🍥 料理三… 茶碗蒸. 用蟹殼熬湯蒸蛋, 蟹肉蟹膏放面, 柚子皮. 蟹肉蟹膏味道極度鮮甜, 非常出色!🍚 料理四… 叉燒飯. 劍魚腩 (扮叉燒), 蛋黃醬. 又幾似叉燒喎, 有趣.🍣 第四件壽司… 深海池魚腩. 魚油充足, 肉質緊實.🍣 第五件壽司.. 梭子魚. 調味似三升漬, 帶蒜香芝麻香, 搶了味.🍣 第六件壽司… 大拖羅, 兩星期熟成. 非常肥美, 又唔腬.🐚 料理五… 香煎白子, 意大利青醬. 麻麻地, 我鍾意原味.🐟 料理六… 赤羽太, 立鱗煎, 白麵豉, 蔥油. 魚肉爽彈, 口感少少似白鱔, 魚鱗翹起, 十分脆, 調味汁似西餐嘅忌廉奶油, 神級之作. 🫖 京都焙茶. 解一解肥膩, 舒服晒.🐚 第七件壽司… 北海道小川海膽, 配紫菜. 忌廉口感, 鮮甜, 出色!🍣 第八件壽司… 右口魚邊. 炙燒迫出油香, 絕配脆脆紫菜, 掂!🍙 吞拿魚太卷. 吞拿魚, 吞拿魚蓉, 白身魚, 乾飄. 一啖食晒, 正! 我覺得好食過 “雲隱”. 🍮 玉子燒. 玉子燒嘅材料一般係蝦同埋魚, 今次全用墨魚, 加山芋蓉, 低溫焗. 口感軟綿, 讚!🥣 粟米魚蓉湯. 魚味非常濃郁, 渴身, 驚喜之一.🍨 白桃乳酪. 無加糖無加奶, 扮雪糕. 完美結束.🤗 總結: 食得多傳統 “江戶前” 壽司, 可以試下 Decree by T. 環境裝修走高檔路線, 聽講掛畫杯碟全部名牌, 打卡一流. 今日副將招呼, 大將間中客串搭嗲. 服務人手充足, 但壽司吧枱太深, 苦了師傅同埋服務員. 初嚐日法混血料理, 擺盤搶鏡, 加分, 菜色設計充滿驚喜, 十分過癮. 但係呢, 某幾道食材, 例如赤身, 白子, 我更期待原味, 哈哈. 

📖 翻查資料: “江戶前” 原指 “江戶城前的河灣”, 即現在嘅東京灣, 當時魚類品種豐富. 另一個意思係 “江戶前” 嘅 傳統壽司製作方法 或者 手握壽司哲學. 江戶時代尚未出現如今先進嘅交通工具同埋雪櫃, 人們想出不同嘅方式保存海鮮食材, 包括煮, 醃, 浸泡等, 演變出一套製作壽司嘅哲學 .

💌情人節當然要搵一間比較浪漫嘅西餐。喺OpenRice見到呢間Green Orange，評分都好高。咁就嚟試吓啦。

滿心歡喜嚟到，發覺呢間餐廳真係好迫。枱同枱之間嘅距離非常之細。

本身侍應安排咗我哋坐喺呢一個位置。我見到都有少少驚訝。因為呢間餐廳價錢唔平，平均過$1000一個人。 呢個位係會個頭頂住個吧枱。😓要坐啲咁嘅位成個用餐體驗自然唔會好得去邊。

之後，侍應都安排咗我哋係卡位，但係枱同枱之間都仲係非常之擠迫，差唔多同隔離檯痴住咁滯 🥲

講埋野食。情人節特別餐單

價錢都算偏貴。但係情人節要加價都理解既。講真，啲食物其實幾吸引🤩。加埋個價錢同埋評語，我地都幾有期望。

首先，上左法國生蠔🦪。第一隻生蠔其實味道最濃，但係其他個啲味道好淡，味道唔同到我懷疑係兩批唔同既貨。不過起碼唔會有腥味。不過質素真係比較普通 😕

下一個係shrimp Sambuca and tomato bruschetta. 個麵包🥖部份真係好硬。調味ok，但係蝦個汁真係唔得，完全蓋住蝦個鮮味。蝦似係急凍蝦。完全係一個係屋企都可以做得更好食既菜色 🤦🏻‍♂️

沙律都係普普通通，醬汁係意大利醋，講真就真係冇乜特別。分分鐘喺屋企做都係差唔多嘅水準。
洋蔥濃湯，呢個同我期望上係有少少出入。因為我以為係法式洋蔥湯。但係點知係嚟咗一個忌廉湯嘅款式。又係冇乜驚喜，唔算太過出色。

呢個牛扒絕對係今餐嘅”驚喜”。先講咗配菜，除咗個薯仔有少少”暖意”之外，啲配菜全部都係凍冰冰，好似啱啱喺雪櫃攞出嚟咁。我食咗個蘿蔔，我都冇再食過。

我以為西冷牛扒應該唔會差得去邊。點知佢喺上邊加咗一個好濃嘅蒜蓉牛油，完全蓋過晒啲肉味。而且令到滿口油。牛扒偏韌。最重點就係切到一半嘅時候，佢竟然係凍冰冰，真係用手都可以感覺到佢嘅”寒意”🥶。所以係完全失望。

呢個朱古力mousse可以話係全餐最好食嘅。紅色嘅唔好以為係脆餅，只係蛋糕碎如果係加脆餅，可能個味道同口感會更加好。

總括嚟講，呢一餐係充滿着尷尬”體溫”同埋”寒意”嘅一餐。完全估唔到收過千蚊一位嘅情人節套餐竟然會係咁嘅水準。

侍應嘅服務態度其實唔錯，只係個氣氛唔似一間西餐廳或者Bistro，似係茶餐廳。

😢應該都冇下次㗎啦，不過都希望餐廳可以改進。

𝟚年前黎食婆婆有四品料理 今次是第𝟚次回訪轉左新餐牌 點餐跟之前有點唔同😂 主打日式家庭料理 有蝶豆花水及青瓜水免費任飲 而裝潢以昭和的復古風格 精緻家具、掛牆電話、昏黃吊燈 令人置身於日本昭和時代🌟 前菜 啤酒柚子蘿蔔漬🥙 (免費) 蘿蔔切成細細粒，加上酸甜的柚子醃製，食落清爽又開胃，但食唔到啤洒味道 自選午市套餐 (主食+配菜組合+米飯/蔬菜+以𝟠折追加飲品) 1️⃣主食 芝士茄子豆腐田樂燒🧀🍆 鍋裡面配料豐富有大量枝豆、茄子、豆腐及車厘茄被鹹香的燒芝士覆蓋住，食落有好濃郁芝士味，但後來越食越覺得鹹😳，呢道菜一定要配飯食😂 配菜組合 桂花冷蕃茄🍅 原個蕃茄已去皮，配上香甜桂花糖漿又酸又甜幾開胃，但淨食蕃茄覺得好酸🫢 梅子牛油果冷豆腐🥑 牛油果醇厚配搭冰冰涼涼的冷豆腐，但豆腐口感結實唔係滑溜質感，上面有少量梅子醬超酸好醒胃，食豆腐感覺都幾清新健康 米飯 牛油木魚絲飯🍚 日本人受歡迎的貓飯，將大量木魚絲及牛油撈埋米飯再自行加入醬油添增風味 飲品 番石榴蜂蜜綠茶🍹 好奇怪🤔，第一啖入口有一大陣類似醋味的物體差啲嗆到😲，但後期聞到及飲到好香的番石榴味，而茶底是發酵茶，有少少酒精成份，好好奇有冇加醋😂 2️⃣主食 日式滑蛋吉列豬扒🐷 吉列豬扒外層黃金酥脆，但內裡肉質偏乾柴較為遜色，配搭新鮮香滑的日式滑蛋，用黎送飯一流👍🏻 配菜組合 秋葵豚肉向風沙律🥗 大量秋葵口感爽脆香黏及生洋蔥絲越食越辣，豚肉口感軟身，配上酸酸甜甜的醬汁幾開胃 梅酒啫喱昆布螺肉🧆 一開始以為係甜品杯，啫喱酸酸甜甜幾開胃，但食唔出梅酒味，螺肉爽口彈牙，呢個配菜幾特別 米飯 明太子茸飯🍚 米飯混入明太子茸，味道鹹香帶點微辣 飲品 香桃茶(熱)🍵 茶包帶有濃濃的蜜桃香，飲落甘香撲鼻及解膩 整體來講食物質素不過不失，大致上每道菜有幾種不同的味道感到獨特新奇，朋友覺得奇奇怪怪麻麻地鍾意，但我接受能力高，而價錢相對貴左少少，但食物賣相及環境勝在打卡一流，可以試試😂 店內另設婆婆雜貨店有日系商品擺設🎏售賣，食完飯後可以逛逛，記得要上網預約😌

平日晚上去到人流不多，輕鬆坐到餐廳關門為止，可以和朋友慢慢歎。 🧡菲律賓春卷 $68 即叫即炸，香脆可口，餡料充足，沾上酸甜醬作開胃前菜就最好不過😊 🥜花生醬燉菜 $158 必試菜式！玉米筍(粟米仔)、豆乾、茄子和西蘭花沉浸於花生醬汁上，看上去好像有點膩，但實際非此。花生醬汁比一般吃到的中國擔擔麵的醬汁來得沒那麼濃稠，但仍然帶着淡淡的花生香，無論送飯還是送蔬菜也令人樂此不疲🤗 🧄香蒜椰菜花飯 $48 本來不打算叫這個，但店員知道我們點花生醬燉菜後問我們點不點這個，所以就試試看吧，反正也很便宜！雖然只是切成如米飯般細小的椰菜花，但確實用花生醬「撈飯」好正，無介紹錯👍🏻 🥩美國牛脊肉 $258 牛脊肉軟熟多汁，配上香口炸蒜和酸酸甜甜的青柑桔醬，特別開胃，而且吃上去也不會覺得油膩。配菜焦糖洋蔥和香蒜亦不讓牛脊肉專美，吸盡肉汁和醬汁，所以最後我們也是全盤吃清光😋 🦀軟殼蟹玻璃粉 $158 比較偏向菲律賓的口味，除了軟殼蟹，還有香蔥、鹹蛋粒和花生碎，整體偏鹹，個人認為似是河粉的玻璃粉充滿着蝦醬的海鮮鹹味和微辣，所以不太合我們一行人的口味🫢 🍨自家製雪糕三文治 香芋/牛油果味 $58 麵包被烘香過，非常軟熟，特別是溫熱的斑蘭味麵包配襯冰凍的、味道天然不造作的香芋雪糕，冰火交融，放入口就是滿滿的幸福感，難怪為招牌甜品！牛油果味雪糕亦帶淡淡的牛油果香，而且顏色也貼近牛油果本尊，同樣值得一試🤤 🍊柑桔梳打 $38 💜香芋咖啡 冷/熱 $38 前者味道清新，後者可以不試。冷/熱的香芋咖啡都沒什麼香芋味。我喝那杯熱香芋咖啡的紫色更加不突出，味道好像比平時的三合一咖啡還要難喝🙇🏻‍♀️

近來出親尖沙咀都人頭湧湧，尤其海旁、天星一帶，連帶搭天星過海都要排長龍。唔想同人逼，可以走入「海運大廈」，裡面有唔少高質素嘅食店，其中主打馬拉菜嘅「安娣瑪萊 」就是其一，單睇門面已好洋溢一股南洋風情。近鋪面嘅用餐區裝修得比較少女風，除了因為以薄荷綠襯紫色之外，更刻意設計成鳥籠花園咁，有點夢幻嘅感覺，大大提升打卡度。而另一邊主用餐區，由泥黃色嘅地磚、牆上嘅大型彩繪，以至精緻嘅吊燈及翠綠嘅植物，營造出一片盎然悠閒嘅氣氛，很有舒適感。而且，餐廳尾嘅幾排位，透過落地大玻璃窗更可以欣賞到維港景致，感覺怡人。雖然都喺賣馬拉菜，但睇見啲菜式名稱，就見有唔少心思在其中。以分類而言，有齊招牌海南雞、特色飲品、前菜、海鮮、麵飯、肉類、蔬菜、甜點、花草茶、汽水、餐酒……等等。但溫馨一提，店家收取餐前小食、茶芥等費用，餐牌亦有標明。荔枝紅茶 @$8
茶芥收$8位，送上嘅喺荔枝紅茶，茶味非常之幽香，入口散發出陣陣荔枝清香味，感覺好唔錯，尤其配以一啲濃味嘅食物，嗰種清膩嘅感覺更明顯。此外，餐具亦都好靚、好精緻，仲印上店名。迷你魚醬蝦米春卷 $12
而餐前小食我就覺得好有誠意，因為賣相的骰又好講手工，店員介紹呢款小食叫魚醬蝦米春卷，喺大馬常見嘅過年小食，入口香脆帶微辣，原來裡面喺加咗少少辣椒醬炒嘅魚仔，香口惹味，叫人食到唔停口。斑蘭紅豆冰 $68、菠蘿熱情果沙冰 $68
因為提供咗荔枝紅茶，所以，唔嗌嘢飲都OK，不過，啲特飲又幾有特色。紅豆冰就飲得多，加入斑蘭元素就第一次，當然要試試，賣相好靚，好有層次感，以椰汁、斑蘭汁、紅豆組合而成，單喺椰汁溝上斑蘭汁已經飲落清香怡人，加埋清甜夠綿嘅紅豆，自然輸唔得去邊；另一杯菠蘿、熱情果喺一對勁清新嘅組合，酸酸甜甜的確醒胃，夾一陣個黃金軟殼蝦真喺絕配，再者，沙冰嘅質感打到好綿滑，令人飲落夠晒暢快！瑪萊沙嗲 $128 / 6串
沙嗲可以揀雞肉或豬肉，亦可以兩溝，而馬來沙嗲一向有特色。睇到啲串燒嘅燶邊位，已感受到嗰份炭火香，無論雞肉，抑或豬肉，肉質軟腍，又富肉汁；當然，另一亮點喺個沙嗲醬，自家炒製非常之惹味，充滿花生香，細心位喺仲伴有少少醃菠蘿、青瓜、洋蔥，酸香味十足，作為間場就最好不過。黃金軟殼蝦 $288
睇見啲海鮮菜式都幾特別，所以，揀咗一款黃金軟殼蝦，一來喺店家推介，二來軟殼蟹就食得多，軟殼蝦都喺第一次試。啲蝦本身都幾大隻，每隻都沾滿鹹蛋黃醬，所以，入口非常之惹味，再加上咬落啲蝦殼真喺軟身可以直接入口，而蝦肉又好鮮甜，確喺一道美味海鮮菜式！此外，啲南瓜亦唔好錯過，又粉又甜，加上鹹蛋黃醬，別有一番風味。海南雞鑊仔飯 $368
又喺另一道店家推介嘅菜式，個人覺得最大嘅亮點就好似一次過試咗「煲仔飯」同「海南雞飯」咁，一嚟到真喺好大陣仗，店員先會即場將鑊仔飯加入醬油同蔥油撈勻，之後，再加上半隻海南雞，而襯番啲海南雞，仲好傳統伴有薑蓉、黑醬油同辣椒醬。份量上，夠晒3-4個人食。先試啖飯，飯粒清爽，仲有少少飯焦，而味道好豐富，除了因為啲醬油同蔥油之外，飯面更放上班蘭葉、南薑、薑……等等一同蒸煮，飯內仲混有唔少臘腸、蝦乾、芋頭，所以，單喺個飯已經食味一流；至於啲雞，既有雞鮮味，又嫩滑到不得了，更已經去走晒啲骨，食落啖啖肉，最鍾意沾上帶少少甜味嘅黑醬油，寧舍好味。班蘭咖椰多士 $58
去食馬拉菜，不時都會食番件咖央多，大多數都喺中間夾上一大片鮮牛油，勁邪惡，但呢度就變相輕怡好多，減少罪惡感，因為主要以班蘭汁加入咖央中做成醬，既令多士賣相靚仔咗，食落咖央多咗份班蘭清香，妙哉！一份多士裁成3件，啱啱好3個人分。除咗啲沙嗲，今次食到嘅馬拉菜跟以往有啲唔同，配搭或煮法都幾有特色，最緊要啲出品有質素，加埋啲服務又幾好，店員非常之有禮，用餐環境又舒服，值得「安」哥！

位於將軍澳南嘅Cafe 🌟GoNuts.🌟，除咗有☕️靚啡之外，食物🍔同樣美味，值得推薦！ 🍔手打西冷牛肉漢堡配薯條 $154 疊到勁高嘅手工漢堡，竹炭麵包烘至脆身，漢堡扒厚肉結實！薯條香脆可口！ 🥚班尼廸蛋配煙燻三文魚 $118 班尼廸蛋一切即湧出流心嘅蛋黃，荷蘭醬微酸開胃，不錯！ 🥞梳乎厘班戟配蜂巢牛油黑糖漿 $98 即叫即製嘅梳乎厘班戟入口即綿化，蛋味香郁！配搭嘅蜂巢牛油同埋黑糖漿帶來天然兼夾討好嘅甜味，正！ ☕️鮮奶咖啡 $45 🍵鮮奶綠茶 $39 GoNuts.嘅飲品出品都唔錯，又濃又滑！

早前同狗狗🐕行南豐紗廠時留意到呢間提供素食法國菜的餐廳，覺得幾特別，喺情人節一試佢哋嘅winter menu😋。

情人節🎀晚餐分2輪：1800-2000；2000-2200。我同狗狗爸爸係第一輪。Winter menu跟法國菜的順序🍽️：開胃酒、開胃小食、前菜、主菜、甜品同餐飲。所有飲品、菜式各2款，每款1份，應該預咗2個客人share食，好處係可以試多啲菜式，適合我哋呢啲首次光顧的生客。

先講食物：
（開胃酒）橘香梳打🍹：普通啲，係味道濃郁啲嘅橙味梳打；冬日特飲🍷：飲品裡面有青檸片同蔓越莓，酸甜，幾好飲、開胃

（開胃小食）羊肚菌釀鵝肝凍：醬汁香，後尾先知係白松露油。素鵝肝份量少，本身冇乜味，加上釀咗喺羊肚菌裡面，食果時唔覺食緊素鵝肝，但個醬汁好特別👍🏻，豐富咗食材的味道。碟上有頗多醬汁🫗，但唔肯定係咪要𢳂埋嚟食，因個汁睇落幾油膩。食完睇番介紹先知啲油係白松露油，食剩啲汁好嘥呀，唔知餐廳日後會唔會考慮提供軟麵包🫓配搭呢？

（開胃小食）煙燻三文魚🐟牛油果他他：味道特別，入口鮮味，隔離檯食完讚有煙燻三文魚的味道，我唔肯定似唔似，但個小食幾驚喜

（前菜）油封鴨髀🍗：造型逼真，焗完嘅腐皮要切嚟食就比較困難；點咗香橙🍊的酸甜味醬，令層層腐皮濕潤啲，味道亦豐富啲。食到呢道菜的時候，不由得讚嘆餐廳的醬汁真係好出色👍🏻👍🏻👍🏻

（前菜）勃艮弟焗田螺🐚：上菜時勁熱；牛油蒜香薯蓉🥔雖然係墊底菜，但好夠味、入味，好食過素田螺🐚；薯蓉放上法包一齊食好好味；遺憾係餐廳有部分菜式跟法包🥖，但每人只有一小件。隔離2檯客相繼提出想要多一份法包🥖，餐廳都滿足佢哋嘅願望，但我亦聽到侍應預告話廚房工作䌓忙，焗唔切，所以要等；我哋唔想加重廚房負擔，雖然真係想要多少少法包，但都冇提出喇😅~~

（主菜）寶雲酥羊架🍖：造型同樣逼真，勁似沙漠風味的羊架，食落有少少孜然粉般的香料味，奶白色醬汁甜甜哋，配素肉（impossible lamb chop）都好夾。伴菜的烤蕃茄仔🍅好甜、爆汁，而焗薯🥔就爭啲，較硬身



（主菜）酥皮烤狼鱸🐠：同上一道菜隔咗15-20分鐘，主因係餐廳漏單，最初我哋都痴痴地等，點知等極都冇🤷🏻，差唔多同時入座的客人經已開始食甜品，於是就問侍應，而呢個菜係一問即上~~可能食物一早焗好然後保溫，所以酥皮腍咗😔、微暖，反而切開入面的素魚柳仲熱。如果酥皮脆啲應該好食好多。不過，配搭的醬汁又係一絕，濃稠帶微酸蕃茄味🍅，同素魚柳好夾

（甜品）蒙布朗🌰：我鍾意食粟子，但呢個甜品有啲平平無奇，雖然忌廉同粟子蓉夠滑，但呢點應該係basic；杯底有塊好硬淨的餅🍪，唔知係咪正宗做法，但塊餅太硬，好難咬，亦冇乜味

（甜品）法式杏奶凍🍮：入口有驚喜，杏仁味香，似糊狀杏仁霜，只係賣相麻麻，而texture仲有少少倒胃口，半糕半糊狀；食曬會覺得有少少甜，但算係好食既

（餐飲）熱朱古力☕：飲唔到架，好杰，可以當甜品𢳂嚟食🥄；似心太軟的流心餡，黑朱古力味🍫，甘而不苦，甜度剛好，加上勁滑的忌廉，超好味

（餐飲）經典蘋果熱飲☕：好飲與否見仁見智，香料味重，肉桂、八角的味道濃烈，飲落有冬日氣息，似圍爐取暖會點的飲品，但未必好適合而家香港的天氣😅

整體嚟講，餐廳的食物質素無容置疑係極高⬆️⬆️⬆️，醬汁尤其出色，但有一點要提，食完幾道菜，我開始腳腫，應該係食物的鹽份太高。可能我平日主要食蔬果、豆腐，以前有買過impossible meat、beyond meat同onmi等素肉，但後來發現素肉的鈉含量高，就冇乜再食。餐廳要煮出一啲似肉的法國菜，所以大部分肉食都係採用素肉，再加埋醬汁，我自己身體好快出反應，不過我冇覺得口渴，所以餐廳應該冇用味精。食完餐飯，狗狗爸爸話8成飽，我就「到頂」，winter menu的菜式好豐富，2個人食一定夠飽。撇除食材可能高鈉，餐廳的食物水準係超高，味道、層次豐富，令我好想再試其他菜式。

留番餐廳的環境同服務喺最後講（寫出嚟的原因係想餐廳進步同留意）：（1）以中價餐廳嚟講（二人套餐連加一~$1540；$770/位），座位🪑距離太近，欠私隱度，放袋🛍️唔夠位，而隔離檯講乜都聽到；（2）入座後發現所坐位置燈光昏暗，原來有盞球型吊燈燒咗💡，再望下，同一範圍仲有4盞有罩吊燈💡💡💡💡只有非常微弱的光線，同店內其他位置的吊燈亮度明顯有別；（3）食咗幾道菜，侍應冇主動換碟🍽️。每道菜的醬汁同處理手法唔同（好似2款開胃菜，先上的羊肚菌配搭creamy+油份重的醬汁，而跟住上的三文魚他他就冇醬），變咗撈埋嚟食，當食完第3道菜，我提出想換碟，侍應有滿足我的要求，但換完補充：「餐廳啲碟數量唔夠，係最後2隻碟，洗唔切🧽，所以之後冇得換喇~」佢係帶有少少抱歉，但餐廳唔夠碟用🍽️，呢點係超出我的理解同想像；（4）侍應唔清楚上菜速度同順序，佢哋初時可能冇記低每檯食到第幾道菜✔️，之後好多時我哋要等好耐🕑，間唔中侍應又會逐一問：「你哋食咗XXX未？」亦因為咁，試過有侍應拎咗2碟食物出嚟，問：「邊檯未食？」然後，3張檯6隻手🖐🏻🖐🏻🖐🏻🖐🏻🖐🏻🖐🏻同時舉起，雖然場面幾搞笑，但坦白講，食法國菜食到呢個氛圍都幾尷尬🙈；（5）時間控制有待改善，1810入座，最後食到2030，原本預約2000的客人變相要等，主因係上菜混亂，交唔到場。慶幸我哋食頭圍，如果尾圍，應該食到夜晚11點；（6）食到尾聲，隔離檯的客人食飽離座，侍應重新set位🍽️，詳情唔多講，但set位流程係有少少衛生疑慮，我睇到呆咗😦，唔識反應。冇幾耐有2位客人被帶咗入嚟坐低，佢哋當然唔知情，但坐低前都為另一樣嘢表現出少少不滿：梳化椅🛋️上有張上手食客用過的紙巾。最後，我喺離開時（個客未食嘢）將set檯一事講俾餐廳另一個職員聽。論服務同環境，餐廳離fine dining有啲距離，當然如果預咗菜式共享，咁可能餐廳唔係行fine dining路線，不過佢嘅價位又比較尷尬~~可能我太少出街食飯🙈，我會期望消費接近$800/位的話，服務可以到位啲。想補充一句，啲侍應態度唔錯，只係人手不足，加上可能餐飲管理經驗唔夠，所以一full house就踢曬腳，場面混亂（我哋果輪好似有19檯客，未到40位客人）。

深夜狗狗爸爸收到餐廳電話📞，了解番佢的用餐體驗。佢老實講番我哋留意到的情況，而餐廳都有交待原因，冇推搪。佢哋主動締造雙向溝通都抵讚嘅👍🏻🙂❕

寫咁多嘢，部分原因係想餐廳繼續用心經營落去💪🏻！可能1、2個月後，我哋帶埋狗狗🐕嚟食多次啦！😁

馬鞍山嘅🌟555 Thai Fusion🌟係泰式🇹🇭Fusion菜餐廳，剛開業不久🆕！晚市有♨️泰式火鍋一人前，份量豐富！ ♨️泰式火鍋 $198 🥥原個椰青椰子雞湯 勁多椰子肉，味清香，為食材附上一浸清幽嘅椰子味！另可選冬陰湯底！ ♨️火鍋食材 一碟有齊晒蝦、花蛤、泰國牛肉丸、泰國豬肉丸、魚丸、豬肉片、雞肉、唐生菜、秀珍菇、蕃茄魚、青通菜、粟米芯、泰國米粉，份量豐富！ 🦀泰式咖喱軟殼蟹 $118 咖喱汁又香又濃，少少少少嘅辣味恰到好處！軟殼蟹香脆而且鮮味！入面嘅薯仔入晒味，正！咖喱汁仲可以成為火鍋嘅蘸料，一物二用！ 🐖豬頸肉 $78 燒得夠香口，肉質軟嫩，唔錯！ 🍹冬陰鮮椰香荔枝特飲 $58 帶淡淡椰香同埋荔枝甜，泰式香草嘅味道啱啱好！用香茅做飲管，更能突顯泰式嘅感覺！ 🍺啤酒 $42 供應象啤或者勝獅啤！