Lunch係OpenRice叫外賣自取，一落到餐廳，一個食客都冇，得廚師同一個冇戴口罩嘅阿叔(應該係廚師朋友或者員工)，但就滿室煙味。唔知係邊個食煙？ 呢下感覺已經唔好。 然後廚師入去整我嘅食物。 我係一邊等嘅時候，望住個阿叔，仍然keep住唔戴返好個口罩，仲一路大大聲同入面廚師傾計，仲有時走入廚房。 我先忽然醒起啱啱見廚師好似都冇戴口罩....不過我又唔太肯定，驚自己記錯... Fine, 咁我唯有當佢入廚房點都會戴返個口罩先整野食啦，做飲食嘅... 點知，攞我個餐出到黎，哈哈，真係冇戴口罩嘅。 我打咗個突，問，”你冇戴口罩架？” 佢好理所當然咁答我，”室內喎”。 我: (???)....你整野食唔洗戴口罩架？ 廚師: 有，有戴 我心諗，哦，即係你入廚房有戴口罩，一出黎就除返口罩。咁嘅大話你都講得出。 然後我話我唔想要個餐，我想取消。 佢仲話，”你驚啊？” ”ok你咪自己取消囉” 最後我係搵咗openrice cs 取消咗。 全程廚師一句sorry都無講過。其實如果佢當下有認錯，你同我講話係唔記得戴口罩都好，我都應該會就咁算，當自己唔好彩，始終我明白疫情令餐飲業真係生意難做，我都唔想話取消你個訂單。雖然我係攞自己的健康風險黎幫你。 最後提返你地，同埋所有餐飲業從業員，法例規定 : 任何人身處任何餐飲處所內，除於在該處所內飲食時外，須一直佩戴口罩 即係廚師同果位阿叔，你地犯咗法架 希望大家唔好成日有僥倖心態，同埋唔好累人累己。

早前見馬家開飯介紹一間既健康又滋味的 <鯛魚湯專門店>！ 於是約兩位姊妹一齊去！ 有兩間分店，由於鰂魚涌分店對我們來說太遠嘞！灣仔絕對方便上環上班的我、銅鑼灣上班的她、還有尖沙咀上班的她！當晚，我們三個靚女一個墟，走到灣仔 <鯛魚湯專門店> 食晚飯！ 簡約企理而和風裝潢的店子，環境夠光猛，舖位長而深！ 梳化位桌子在兩旁，中間條走廊好寬闊！相信方便店員送上食物吧！ 湯底是湯麵的靈魂，這裡打正旗號以鯛魚湯作主打！店內售賣湯飯及拉麵，全部以鯛魚湯做湯底！ 發現大多數配料以海鮮為主！那麼！令本身鮮美的鯛魚湯，鮮味昇華至另一種層次！ (全日免加一！)  據餐牌資料介紹：雜魚湯不及鯛魚之營養價值高，鯛魚低脂肪、高蛋白質、菸鹼酸...，促進血液循環、消除疲勞、降血壓...等功效！ 供應：烏冬 $68~$138、湯飯 $88~$138、定食 $75~$105、 小食 $38~$78 及飲品 $16~$32 ，此外，烏冬/ 湯飯可追加配料！ 三個女人的飯局，我們選擇了湯飯及烏冬，然後追加小食，飲品是奉送的！ 落單後，店員隨即用個店子訂製的夾子夾起張單！慳位又方便大家！ 鯛魚湯飯 $82 奶白色的鯛魚湯底，富骨膠原，炒過的白芝麻添香氣，鯛魚片輕帶鮮味，飯粒並非用日本米，卻盡吸鯛魚湯精華！簡單而鮮美！美味在於真材實料的湯底！ 皇帝蟹腳海膽湯飯 $168 + 鮑魚一隻 $28 皇帝蟹腳湯飯及海膽湯飯特價每客 $138！付多 $30 的皇帝蟹腳海膽湯飯可以一次滿足兩個願望！同時更可滿足味蕾啦！ 超豐富的材料鋪滿湯飯上，而且限量發售！當然不容錯過！ 以明火爐送上，可把湯保溫，隨住水份蒸發，魚湯會變得越來越香濃！湯飯是要趁熱食！ 單是配料已經好豐富！包括：芝麻、豆卜、蔥花、娃娃菜、木耳絲... ，湯味鮮甜濃厚！至於，輕輕浸在湯飯上的海膽軟滑甘香甜美！口感順滑豐腴；皇家蟹腳肉彈牙味美！ 鮑魚花膠羽衣烏冬 $116 + 象拔貝三件 $18 當日，我的智慧齒牙痛！ 店方供應稻庭烏冬，亦可選擇羽衣烏冬或素麵；我選擇了店員推介的羽衣烏冬，扁身的羽衣烏冬非常滑溜，口感非常好，似刀削麵！ 材料是一抽花膠，份量已經交足貨！象拔貝分開上，其口味的確幾似象拔蚌，純粹是縮水版而已！ 鱈魚豆腐 $38/ 5件 炸至金黃焦香，外脆內軟，鱈魚豆腐爽口彈牙！特色的小食！ 飲品色彩繽紛，令人有選擇困難症！ 夏威夷陽光 (跟餐+$15) 生薑與紫貝天葵多麼新穎的口味！紫貝天葵味道似利賓納的酸甜程度！ 星海之戀 (跟餐+$15) 檸檬加藍蝶花，近年來，開始有食肆選用藍蝶花，成品吸引！沁甜樂園 (跟餐+$15) 玫瑰花與柚子茶的配搭，混合起來，淡淡的橙紅色，坊間較少機會嚐到！ 

從前，長沙灣荔枝角一帶都是工廠大廈，所以區內的食店都是平民一點的，想找高級一點的都有難度。直至D2 Place的落成後，多了幾間有質素又有氣派的店子，其中一間就是鵜舞了，專門供應日式和食料理，每逢晚上都坐無虛席，是次再臨全為了限定的「割烹盛宴」。這個大阪的傳統料理「割烹」是由行政總廚友利伸治以即日新鮮的材料即席烹調，每晚只接受9位客人享用，而整個菜單會是9道菜，由頭盤開始，以甜品結束，正因是師父發辦，所以每日都不會相同。【先付】

這個三味拼盤分別是納豆拌山芋蓉、南蠻黑曹魚及腐皮刺身。納豆不是人人愛吃，加上山芋蓉及納豆兩者都是黏黏的，整體都很黏口，可是小弟卻不怕吃，還覺得味道很鮮。接著的南蠻魚塊入口甜甜的，吃到魚肉的鮮香，不錯的。起初對腐皮刺身感到一般，可是嚐了一口後，就發現了腐皮很鮮嫩滑溜又富豆香，然而加入了酒盜後，味道變得不一樣，越吃越停不了口，可惜只有少少的份量。【向付】

平想吃吞拿魚刺身，絕少會點赤身，不但肉質粗糙，而且又缺乏油香，點上拖羅的機會更多一些。可是這個以野生的本鰭吞拿魚作刺身，雖然是赤身的位置，但卻感到有一份油香及肉質更是細緻幼嫩，再以金箔點綴，升華十倍。【椀物】

這道怎樣看都是一個平凡的蒸蛋，可是一嚐之下，高低立見了，無論上層還是下層都很滑溜，而且海鮮用料甚足，木魚湯的清香完完全全與蛋香混為一體，好味。【小付】

小小的一件鮟鱇魚肝鮮味十足，入口即溶，沒有半點腥味，油脂的甘香更是歷久不散，蘿蔔配酸汁更可中和了那份油膩。【溫物】

平時吃蠔不外乎是生食及燒烤，但以熱水灼過來吃的卻不常見，蠔味更為濃縮了，配合現在是食蠔的季節，十分Creamy，更添鮮味。【肴強】

有時候食和食就能體驗到那份華麗，鯖魚味噌煮並不是什麼高級的菜式，可是經師父的擺盤下，感覺華麗。味道方邊，以味噌來煮過的鯖魚沒有汁燒的結實，以輕輕又咸又甜的味道來帶出鮮味，加上豐富的魚油下，更感美味。旁邊的配菜也是同樣地好吃，特別是那塊煮得腍滑的大根。【食事】及【止椀】

基本上立魚釜飯及蜆味噌湯也差不多同時上來，一邊喝湯，一邊吃飯，狀甚歡喜。湯味鮮甜，蜆的份量更是驚人，大半碗都是蜆來的。以釜來煲飯甚考火喉的，否則就不能煮成煙煙靱靱帶點點油潤的飯來。飯粒軟硬適中，還有脆口的飯焦，鮮味得很，能將整尾魚的鮮味完完全全溶於飯，每一口飯都吃到拆了的魚肉，滲著濃郁的魚鮮，非常滿足的結尾。【甘味】

最後就以師父自製的厥菜餅作結，最喜歡就是吃厥餅了，它的質感既非軟又非硬，帶點QQ的爽彈感覺，灑上黃豆粉，美味極了。是晚的盛宴用料新鮮又當造，加上氣氛熱鬧，總廚控制的時間相當好，一道接一道，中間沒有太多空閒的時間，大家都相當滿意。

******************************
更多有趣的分享，請到
Blog (www.jamelchui.com)
Facebook Page (facebook.com/jamel.food)
instagram (instagram.com/jamel_zysk)
Email 聯絡 (zysk@ymail.com)

今天氣最高氣溫已達三十二度, 現在只是六月中, 還有幾個月要涯, 諗起....想死… , 但話時話, 今年西曆6月22日就是”夏至”, 雖然香港不是位處黃河流域, 但廿四節氣 仍有某程度指標性. 冬至一陽生, 夏至一陰生. 冬至之日, 太陽直射南回歸線, 過後便開始日漸長夜漸短, 相反, 夏至是太陽直射北回歸線, 過後就是開始日漸短夜漸長. 冬至有春天來臨之意, 但過了夏至, 並沒有秋臨之徵喎..., 還有極其討我厭的小暑和大暑, 我噏緊嘜….? 無錯… 我其實係發緊噏風… sorry, 講翻正題..燒野食…三十二度的氣溫, 想搵朋友去燒野食, 就好似問人借錢一樣, 係無人會睬你! 企係條街, 就算無太陽射落嚟,  唔行唔郁, 身體都會標汗, 如果重要對住個火爐, 直情係"虎豹別墅"裡面既地獄圖一樣, 痴咗線先會應承...當然, 我無痴到線, 因為友人話燒烤地點有冷氣供應.... 即係有冷氣房的燒烤場地, 除了學生時代去長州宿營時試過, 出嚟搵食後, 都未有嘗過了… 今日終於有機會.先於門口櫃位登記, 交錢後, 服務員會安排燒烤場地.行入內, 一整條路排滿房間, 房間外有大型帳篷, 不怕太陽晒, 不怕風雨狂…(唔好話..知道這首歌, 會出賣你的年齡秘密…).一系列的房間, 每一間都看到海景, 心情特別舒暢.位於我們房間的對出, 還有一個大水池, 專為小動物而設, 愛狗人士最開心…唔係… 係隻狗最開心…房間內設有卡拉OK, 我們無唱, 聽隔離房的美妙歌聲, 就足夠令氣溫下降兩至三度了…見微知著, 經營者用最貴的大金冷氣, 可以聯想到其供應的產品也不會將貨就價吧.這個兩呎乘兩呎的不鎸鋼爐, 非常骨止, 底部可拉出放蕃薯, 側位已準備位置放蜜糖, 有心思.每戶獨立房間有自己專用的水喉, 這個真係無得頂了, 燒野食, 成用要用手攞食物, “常洗手”成了必然要做的事.驚你唔識燒, 重送你一本燒烤說明書, 夠晒體貼周到.
啱晒低能既消費者… 例如?? 米就係我囉…哈哈.…香港燒野食, 先後次序唔使教吧, 先燒腸仔和魚蛋是常識吧…. 起碼燒兩輪後, 才到雞翼、豬、牛扒.雞翼都未燒夠兩次, 已經手軟軟, 幸好有金屬網, 直情放在上面, 開行自動波, 燒到扇貝卜卜聲, 味道都係無蒜容粉絲蒸得咁好食囉….哈哈哈… 但雞翼就一流, 雖然細隻, 但肉質有水份, 不鞋口, 軟身, 味道不鹹, 漢堡扒屬平超市雪藏貨, 但經過燒一燒, 好味過你屋企煎好多呀.青口夠大隻, 燒完後的縮水情況不明顯, 但都係個句, 蒜容粉絲蒸好味D, 下次要買定一樽”李錦記”. 中蝦夠大隻, 絕對夠誠意, 燒後雖香口, 但海鮮類食物, 醃製上很難吸味, 最好都是一邊燒一邊加醬汁. 肉類最好, 尤其是豬扒, 軟度高但醃製得宜, 口感彈牙之餘, 不覺太淋身.今天主角是乳豬, 一隻賣六百幾蚊, 街外燒味店都是差不多價, 但當然, 燒味店會燒好後才交比你, 這裡要自己燒, 不過, 燒野食, 都係鍾意自己燒啦, 否則, 不如去串燒店吧. 自己燒的乳豬特別鮮味, 皮脆唔使多講吧, 中間的肥膏很薄, 不需要做手術, 斬開後, 成件入口, 上層脆爆, 中層軟綿, 下層肉質軟熟, 還有最底的一層薄骨, 中環”龍景軒”都無得揮呀!! 哈哈…