呢一餐係好友的生日飯，之前都有聽過R&B水準唔錯，所以朋友們揀左佢我都絕無異議，地點係尖沙咀區勁方面，地鉄既話佐敦站會近d。見到餐牌上既飲品都唔知點揀好，最後揀左Bloody Babe，可惜佢既蕃茄+tabasco既味道實在受不了，好彩有朋友幫我頂左，我有機會order第2款飲品啦。 第2次再落order，叫左Home Made Soda Pop (ginger lemon味)，又幾好味喎，仲輕微有d酒精添，我中意啊！朋友就奶左野啦！佢order左Ice Cube+Milk (Chocolate味)，實情係朱古力奶，一舊朱古力倒d熱奶，我睇見到唔想飲，朋友話叫錯左，咁大家知咩事啦 Starter叫左Fisherman Chips, 有炸尤魚，幼幼薯條，配埋個蒜泥蛋黃醬，都幾好味啊！多人食先真好，可以點多幾樣野食，好開心啊！ELOTE好正，我好中意食粟米架，呢個煮法岩哂我重口味+芝士控囉，烤粟米上面灑滿芝士碎，我一個人食一條絕對冇問題囉 (笑)拿拿拿...呢個100分，我自己超中意Cheese & Onion Biscuits，不過係有少少漏既，平日食scone係甜既，呢個係咸既，煙肉&牛油味極香濃，加埋大大pat既bacon butter，嘩...不得了，冇得輸，煙肉+牛油+芝士，真係攞我命啊！ Grilled Lettuce, 咁樣整羅馬生菜都係第一次食，白麵豉+芝麻，好鬼濃味，切開時依然係"索索"聲，唔係grill到熟哂咁浪費棵生菜架，不過白麵豉點得太多會有d咸，重口味都要適可而止啦 (笑)。Uni Gnocchi 海膽加上fresh cream，配合埋煙煙unun既湯糰，已經好味架啦！上面果塊cheese真係殺左我囉，好香好芝士好好味，身為芝士控既我一個人隊左半塊，肥婆就係咁樣鍊成的唷… 呢個唔記得名既Bacon一定要食，一層肥一層瘦，燒到d油都出哂黎，面層有d甜甜似蜜糖，嘩...救命啊！好正啊！怕肥食一小件，我就吔左2件...死未 其實食到呢到已經好很飽，不過有人叫野唔洗諗，叫埋burger...OMG...其實佢個漢堡扒唔乾好juicy，好香牛羶味，可惜我真係太飽，隊到1/4件咋，連包都食唔到了，下次一定會再黎挑戰自己個胃，哈哈！最後就係送既蜜餞橙連皮，明明見到食評既相有古古力架噃，今次冇添，any肥，送既就係咁架啦，冇得選擇，味道ok啦！我唔係好愛咁甜，但都吔左一塊，嘻嘻！

之前食過大喜屋覺得幾好食, 近排原來有間高級版叫極尚大喜屋, 忍唔住就黎試下啦~
人地話好FULL, 因此我早2星期已BOOK 定枱食下午放題.
價錢為$238 + 10% 任食3小時. 比大喜屋貴少少。
12點準時入座, 拿拿淋tick 晒d 至愛,但我覺得d 款比大喜屋還要少.刺身竟無吞拿魚, 沙律又無中華沙律.
款雖少,但刺身新鮮同厚, 最愛三文魚。刺身我地叫叫左2 轉, 轉轉都30,40 件, 好満足呀!
燒物最好味係燒羊架, 燒得好淋, 好入味, 唔鞋口。燒菠羅好正, 超甜! 燒雞翼脆卜卜, 熱la la 好味!
天婦羅, 有冬菇, 有茄子, 有蝦, 有南瓜, 不過就差dd, 粉漿唔脆, 上枱已淋身。
壽司我推介蟹棒, 鰻魚, 黑松露帶子, d 飯細細舊, 食多幾舊都唔易飽, 正!
另外他們有自家創作的壽司, 樣很別緻.
呢到比大喜屋吸引係....有haagen dazs食, 一人限叫一杯,今期仲有季節限定既blueberry 味! 正~
總括, 呢到環境唔錯, 坐得闊落, 服務OK, 食物新鮮! 讚好~~