行經突然走左入去,開頭真係有D驚,個場好大,但得4-5台客.
不過,冇所謂啦,我不入地獄誰入地獄呀!
叫左:金銀菜豬展煲豬肺湯,菠蘿咕嚕肉,金銀蒜茄子蒸鮮魷
金銀菜豬展煲豬肺湯:一打開個煲就飄出好重金銀菜味,好香!個湯煲得好夠味好濃,足有成10碗,兩個人飲真係飲湯都飽.可惜小小,湯渣見唔到豬肺,不過真係好好味.
菠蘿咕嚕肉:真係估唔到,HK$28有噉嘅質素同份量,菠蘿香甜夠味,酸酸甜甜好開胃,咕嚕肉唔會似出面得個炸粉,好有肉地又夠多,真係超級正.
金銀蒜茄子蒸鮮魷:份量又係唔細,茄子好淋又夠入味,金銀蒜好香夠野味,用來送飯真係一流.鮮魷爽滑份量又足,十分好味.
食完真係好飽,坐下飲杯茶,欣賞一下可以比美IFC嘅夜景,十分舒適.
侍應走近貼心地查問:食飽未,先生可以上糖水嗎?雖然好飽,真係都要作戰到底,來吧!紅豆沙,味道都OK,如果,果皮味再重D就真係太好啦!
飯後報告:物超所值,一定會再來.

之前食過都覺得唔錯,所以再去.
叫左:羅宋湯,烤焗豬柳意粉配西班牙野菌汁,忌廉汁白菌焗鮮三文魚粒配珍珠飯
羅宋湯:酸辣好味.麵包普通.
烤焗豬柳意粉配西班牙野菌汁:烤焗豬柳好淋又夠味有小小似食鹹豬手,意粉彈牙幾淋,西班牙野菌汁味道好香唔錯.
忌廉汁白菌焗鮮三文魚粒配珍珠飯:忌廉汁香滑好濃味,白菌味道可以,焗鮮三文魚粒好大粒又夠香口唔太乾,飯焗得剛剛好,值得encore.
整體:值得再來,好食又底食.

今日忙到午餐都冇啖好食,所以提早去開餐.
叫左:熱情果橙香特飲,意大利風乾火腿沙律,雜菜湯,醬燒雞翼配香脆薯角,雞肉蘑菇意大利雲吞天使麵,泰式咖哩雞飯,夏威夷薄餅,咖啡味意式奶凍
熱情果橙香特飲:香橙味足幾好味,可惜有小小過甜.
意大利風乾火腿沙律:風乾火腿味太淡,沙律一般.
雜菜湯:份量太小,味道酸酸十分開胃.
醬燒雞翼配香脆薯角:辣醬野味帶小小酸,雞翼肉質滑.薯角香脆可口.
雞肉蘑菇意大利雲吞天使麵:雞肉嫩滑,蘑菇爽口,意大利雲吞普通,天使麵幾滑又爽口.
泰式咖哩雞飯:香辣好味,雞肉夠滑.
夏威夷薄餅:薄批好香脆,個汁唔會過酸,幾好味.
咖啡味意式奶凍:咖啡味太淡,一般,奶凍都算滑.
食完真係好滿足.

 

之前試過都ok,所以再來幫襯.
叫左:蘑菇湯,醬燒辣味雞翼配脆薯角,烤美國有骨豬柳伴天使麵,流心蛋.芝麻包.雞肉腸.意式沙律煙肉配挪威煙三文魚,抺茶意式奶凍
蘑菇湯:幾creamy好香菇味又夠滑,片麵包好好味,好脆.
醬燒辣味雞翼配脆薯角:辣醬好野味帶有小小酸味,雞翼肉質滑.薯角好香好脆.
烤美國有骨豬柳伴天使麵:烤豬柳好大件肉質好滑,個汁好重黑醋味好開胃,天使麵爽口唔硬.
流心蛋.芝麻包.雞肉腸.意式沙律煙肉配挪威煙三文魚:流心蛋做得好juicy,芝麻包香脆味美,雞肉腸粗嚡味道普通.意式沙律普通冇咩特別,煙肉鹹香幾好味,煙三文魚味濃夠鹹香味.
抺茶意式奶凍:抺茶味太重太甜,一般.
整體:出品唔錯,可以再食.

因信用卡換領免費晚餐.
包括有:香蒜肉絲意粉,蒜蓉包,意式雞皇飯,夏威夷風光鬆厚批,煙肉菠蘿芝士酥,汽水
香蒜肉絲意粉:香蒜味重特別野味,肉絲及火腿絲都好夠味,意粉煮得好滑唔乾身.
蒜蓉包:包好淋唔硬,蒜蓉味重好好味.
意式雞皇飯:白汁香滑夠cream,雞肉唔嚡幾夠味.
夏威夷風光鬆厚批:用料普通,批底比較油,菠蘿香甜好味.
煙肉菠蘿芝士酥:煙肉香口,菠蘿清甜,芝士味濃,酥皮香脆野味.
整體:唔錯,可以一食.

假期冇嘢好做,走去食太興,入去飲個下午茶Hea下.
叫左:星洲炒米,燒肉鵝飯,老火湯,西多士
燒肉鵝飯:個皮幾脆,肉味鹹香肥瘦適中,鵝肉香滑,但個皮好硬,鹵水汁唔錯好夠味.
老火湯:冇咩特別.
星洲炒米:用料足,炒米好入味,份量又夠,蝦都彈牙,整體幾香口咖哩味濃.
西多士:炸得好香,唔會燶,冇小小鹹香味,幾特別,反而這個最好.

叫左:忌廉湯,香辣醬燒雞翼配香脆薯角,烤美國有骨豬柳伴天使麵,流心蛋芝麻包.雞肉腸.意式沙律煙肉配挪威煙三文魚,抺茶意式奶凍
忌廉湯:打得個湯好cream有水準,味道香口重菇味,份量大小小更好,麵包新鮮香脆好有口感.
香辣醬燒雞翼配香脆薯角:醬汁好有醋味唔太辣,有小小似食韓式雞翼嘅做法,肉質幾滑大大隻.薯角香脆野味,唔錯.
烤美國有骨豬柳伴天使麵:豬柳肉質好淋鮮嫩又有咬口,天使麵做得唔錯配上醋汁十分開胃好味.其他配菜都好新鮮.
流心蛋芝麻包.雞肉腸.意式沙律煙肉配挪威煙三文魚:流心蛋做得好好夠juicy,芝麻包香脆味美,雞肉腸粗嚡味道一般.意式沙律清新味美,煙肉鹹香肉質唔嚡幾好味,煙三文魚都算厚身鹹鮮味美.
抺茶意式奶凍:自家製造,奶凍香滑,抺茶有小小過甜,都算唔錯.
整體:好睇又好食,可以再試.

叫左:叉燒米粉,家鄉咸水角,蜜汁叉燒包,山竹牛肉球,鳳瓜排骨飯,腐竹薏米糖水,上湯鮮竹卷,蟹籽燒賣皇
叉燒米粉:叉燒肉質好淋味濃,米粉唔錯湯底做得鮮味.
家鄉咸水角:用料十足,炸得唔油,味美香口.
蜜汁叉燒包:叉燒味濃汁野味,蠔汁做得出色,包好乾身唔會濕超好味.
山竹牛肉球:牛肉大大件,腐竹又淋又夠香.
鳳瓜排骨飯:鳳瓜好淋排骨香滑,肉質唔錯.
腐竹薏米糖水:同外面食到嘅好唔同,似食麥米粥,味道過甜.
上湯鮮竹卷:湯底清甜味美,鮮竹卷做得出色.
蟹籽燒賣皇:大大隻蝦幾彈牙,豬肉香滑做得出色.
整體:質素唔錯,價錢合理.

今日又係冇飯開走左去本人嘅飯堂.
叫左:火腿豬排飯
火腿豬排飯$30:豬排大大件,肉質好淋又有咬口醃得好夠味,火腿一般貨色冇咩特別,例湯都算有味,送嘅都算係噉囉!
整體:有飯有餸有湯包熱飲,都係$30真係平到冇野講啦!

轉左地址第一次幫襯.
叫左:南乳雞球米線,鮮豬潤撈麵,青瓜海蜇,菜心
南乳雞球米線:雞球香脆肉質嫩滑,南乳醬十分野味帶小小酒香,米線好滑唔會爛,雪菜超好味夠鹹香味,湯底係現成清雞湯底所以一定好味.
鮮豬潤撈麵:豬潤處理得好好,爽口唔嚡唔會有異味,份量唔小.粗麵口感幾滑幾彈牙.
青瓜海蜇:好多海蜇超底食,幾爽口彈牙,個麻油好香.
菜心:清甜嫩口,好正.
整體:真係底食又好食,繼續支持平民小店.