同朋友在旺角食完晚飯，當然想食一食甜品 來填補女士的第四個胃，之後上openrice搵推介，見到呢間係米芝蓮甜品食府，再望一望價錢又唔算太貴喎，所以就過咗嚟諗住試下。 時間係晚上八點半，人唔算多所以唔需要等位，門面幾靚 內在裝修都好新淨 侍應好熱情招待，當然佢都係推介我哋食呢度嘅特別重點~芒果拿破崙，而我就叫咗~燒菠蘿雪芭 ，因為想醒醒胃，唔想食雪糕怕太甜，所以我哋冇打卡 (呢度喺fb打卡會有雪糕球送) 芒果拿破崙~多超甜芒果不用多說，佢嘅餅皮鬆脆又香，食得出非常新鮮，好食過x度酒店出名嘅芒果拿破崙。 燒菠蘿雪芭~塊大菠蘿係新解菠蘿，面層再加焦糖，外脆內軟又超甜超juicy，加埋菠蘿雪芭，double菠蘿口味，好新穎嘅感覺 米芝蓮甜品~價錢唔算貴 就算食完，侍應都唔趕人走，又有禮貌，真心講而家好多餐廳為生意未必做到，所以抵你地攞到米芝蓮