原本同老公帶住開開心心嘅心情黎食宵夜放題, 點知真係用一肚氣同埋好失望黎形容。為左今次唔愉快嘅經驗,我專登開左個openrice account..就知我有幾唔高興。

落左一大埋食物(絕對唔係多,因為我地兩個都唔係浪費食物嘅人), 第一round淨係黎左個清酒煮蜆, 跟住等左成五分鐘黎多六件壽司,其實都知佢一定會有漏單, 我心諗等多兩分鐘我就出聲, 點知等左兩分鐘, 就有個侍應過黎話不如埋左張單先啦, 唉..算..你地都係想準時收工,我見仲有半個鐘先last order..好啦..同佢講叫佢追追啦, 之後都係等等等....

明明話十一點先last order...又有個侍應10:50pm 走過黎話last order 啦喎...EQ再高都要出聲呀..我都忍唔住講...我食左三碟野就叫埋單..食多碟就話last order..我好似無食過野咁囉...我第一次食放題食到咁餓, 真係離晒譜, 連隔離位唔識嘅兩母女都出聲同的地做證「話佢地真係無食過野咁呀,我地兩個都好少少」..之後個侍應都算你咁,問我地仲想要咩, 結果尾聲係叫咩都唔係黎齊..好在最後寫紙叫左一個飯同一個冷麵先夠飽

做放題做到咁小家,喪cut人單,不如唔好做啦...如果唔係見荃灣無咩放題........食放題食到咁..真係要大聲講句... 無下次.....請我都唔會再黎

食物味道描述：
～清酒煮蜆同埋鐵板蜆, 味道唔錯,值得推介
～壽司，新鮮
～羊扒，好味，夠林
～炒飯，過硬

之前聽同事講漁屋的放題選擇夠多夠齊, 所以即管試下訂個位試試. 星期六下午訂即晚位, 只餘下9:30, 並表明11:00last order, 11:30關門. 都ok 啦!
9:30 到達, 不用等位就有得坐下了. 點了頭一轉約十項左右食物, 大約15分鐘才有第一樣野送到, 約25分鐘才齊晒. 有數項食物漏單, 不過算吧! 等第二輪才入單吧! 可能剛剛開始, 單太多了吧!
食物質素真的ok, 魚生, 金菇牛肉巻, 花之戀人, 羊架, 雞軟骨, 天婦羅, 等等都非常美味.
但炒九菜好難食, 千祈唔好點! 另外, 有個叫小女子定雞泡魚乾的, 都唔太好味.

到了第二輪, 漏單情況持續. 體會最深的, 是食物偏鹹, 口有點渴, 點了兩杯玄米荼. 但等了20分鐘都沒來, 真的渴死了. 再點了了清酒同玄米荼, 再等10分鐘才來, 真的渴死了. 最後要求渴要水, 才真係有水......

有個職員會耐唔耐走來問你有冇東西過了15分鐘仲未來? 條~~~  鬼記得咩! 最多咪記得幾樣, 不如每張單跟清楚尐啦!

明明講明了11:00是last order. 但10:30已有人叫你埋單, 這個ok. 但到了10:40 就last order了, 這個不太合理. 

總括來講食物質素真的ok, 但漏單情況真的很嚴重, 出食物的時間亦偏耐, 提早了last order 是不滿的地方.