中環呢間「令酒場」都幾高質,呢日食lunch時間黎到都幾多人,記得要book位,都幾full🤷🏻‍♀️Lunch Set除左有主食之外,前菜有沙律,茄子同麵豉湯,茄子調味得唔錯,幾開胃,沙律🥗都幾爽口👍🏻 《野菜牛肉壽喜燒 $168》 牛肉壽喜燒性價比幾高,份量一啲都唔吝嗇,牛肉都有成五大片,而且上枱時仲係粉紅色,可以根據個人喜好選擇生熟程度,食落幾嫩滑,肉質唔錯,入面仲有大量蔬菜同一隻蛋,絕對唔會食唔飽啊😋 《拖羅蓉·海膽·魚子丼 $198》 海膽食落幾鮮甜,魚子大大粒,配埋啲拖羅蓉好清新!食得屾啲刺身係幾新鮮既🙈 整體而言對呢間餐廳評價中上,性價比都幾高,食物質素唔錯,幾推薦既一間餐廳☺️ 令酒場 中環閣麟街46-48號Foco23樓 [⭐️5分為滿分] 味道⭐️⭐️⭐️⭐️ 環境⭐️⭐️⭐️⭐️ 服務⭐️⭐️⭐️⭐️ 價錢⭐️⭐️⭐️ 推薦⭐️⭐️⭐️⭐️

恢復堂食之後同朋友去幫襯，餐廳推儲值卡。好啦支持下，買了五仟價值。可以用在放題,散餐,堂食,外賣。有一晚(平日)去，當時仲有枱未full，我哋話堂食散叫。職員回答：今晚做放題，唔做散叫。同佢埋論先放張枱俾我地。有一日(假期)落單叫外賣，知道數量多所以要求一個半鐘頭後取。職員同我反白眼，話好忙,唔想落單，又同佢理論, 再俾多D時間佢哋準備。支持你哋換來受氣。餐廳無能力做orders就不要賣儲值卡，賣得就要提供食物，一係就退款。

疫情稍為好返少少，就完全唔聽電話，今朝10:45開始打電話諗住外賣自取早餐，一路打到11:00都冇人聽，總共打咗70次，生意有冇好到咁誇張？可以15分鐘完全唔接外賣電話？這是敘福樓集團做生意的方式嗎？還是員工同老細鬥氣呢？呢間永華日常開業初期都唔錯，覺得乾乾淨淨，係間好舒服嘅高級茶餐廳，後來生意多了，員工就好像越嚟越不願做。

等了二個月，終於來到這間昔日的舊記憶，無論環境座位都是比從前更舒適，更乾淨這是毋庸置疑的，但是食物的水準真的差很遠，失望😞電子落單基本上大部份食物都出錯，不出色，水準可以說比普通還普通

住喺附近今日行過終於有機會試新開嘅榮華日常，由於已經接近六點所以叫外賣，非會員外賣有九折。 點左兩份下午茶餐，一個係長嘆西多士，另一份係牛肉鄉村羅宋湯。長嘆西多士打卡一流，不過我因為叫外賣所以冇影，但係食落去只不過係一份好厚好厚嘅竹炭花生醬多士，中間溶咗嘅棉花糖係有帶出甜味，不過整個味道都俾花生醬蓋過，做呢個多士嘅白麵包質素係好嘅，竹炭外層亦都香脆，不過整體食落唔係太特別，屬於試過一次就算。 另一個牛肉鄉村羅宋湯韓國即食麵下午茶餐，外賣有將湯同面分開，可惜羅宋湯太少，放咗個麵落去撈左一段時間啲羅宋湯會掛喺麵度，成個感覺似撈麵多個似湯麵，如果可以俾多少少湯就好啦。 整體感覺一般，下次都係食返傳統食物例如雲吞麵。

好感動，本人現正減肥行緊high protein low carbs diet , 竟然喺呢度食越南粉有翠玉瓜麵提供，即係用翠玉瓜泡絲，適合我減肥人士，味道仲要好好味，翠玉瓜麵爽脆，並冇煮得太林，可以冇負擔食越南風味偽河粉真係好賞心樂事，只需加$20便可轉翠玉瓜麵，我個人覺得係值得。希望多啲餐廳可以提供翠玉瓜麵。

母親節brunch buffet 的食品選擇跟平時Sunday brunch buffet一樣，唯一多加了一些小驚喜，每半小時至一小時有D特別menu, 一開始有2位廚師姐姐去每枱問要唔要shooters (pineapple 同grapefruit vodka)，跟住有pizza，小點心，又安排個executive chef 送魚子醬俾所有女仕，同你講happy Mother's Day, 最後有另2款shooters ( hazelnut coffee 同 baileys )，都ok geh. 唯一comment 係對於一般香港人媽咪嚟講收朱古力會開心過收魚子醬。btw 佢個virgin colada 非常好飲，有好香的椰子味加一點pineapple 味，俾一般出面飲的好飲十倍😋 唔知平時Sunday brunch 有冇呢。價錢同平時一樣hkd 858 +10%, 不過冇credit card offer.

當晚臨時決定要出街食...就臨時BOOK位, 夜晚9:30先到...

侍應整左個臨時位在走廊位置, 不太舒服, 後尾有客人走, 就可以坐窗邊...

幾幸運可以望到少少海景

order野食既時候, 因為好多想食既野menu都冇, 所以不停問侍應,

侍應又不停用流利既日文問師父, 都幾helpful架~~

每樣我想食既野menu冇, 問完有的話, 又要再問價錢, 都幾麻煩...

不過唔緊要啦...如果好食都冇所謂...最後我地嗌左個sashimi platter...

每樣都好新鮮, 之後試左雜菜tempura, 味道比較特別...

因為係dip 海鹽而唔係蘿蔔容, 都可以接受....

又order左個海膽手卷, 估唔到d海膽係由頭排到落尾都係好juicy既海膽呀!!

食得出係好新鮮, otherwise會好腥我一定吐出來...

今次都可以吞哂...$120 算唔算貴呢? 如果好食既話, 一次半次都ok!

反而個海曼壽司就麻麻地, 冇乜驚喜, 同一般壽司店水準差不多...

估唔到成餐飯, 我最鍾意既唔係食物, 而係杯綠茶同埋醋飯呀!!!

綠茶唔係茶包果d, 而係粉磨的, 好香, 好濃郁綠茶味...我飲左應該都有10杯...

醋飯個口感好好, 有d黏性, 夾的時候不會散開, 而且酸度適中, 同魚生好配合~

就係晚餐menu唔抵食, 埋單收到張20%off coupon...下次要試lunch set!!!