我好欣賞呢度既片皮鴨，因為佢片d皮係唔會痴住d肥膏同埋唔會連埋肉，夠脆夠香，咁先好食呀!另外叫左蟹粉菜苗餃, 蟹粉都幾好味。小籠包，都算皮薄餡靚，湯汁鮮甜。上海小吃馬蘭頭，一陣草青味，幾清新，試下無妨。仲有個鴨肉絲小炒，因為個片皮鴨係兩食的。
 

於商場內地下新開張既餐廳。。
店內食品有華嫂既影子。。
雖然店子不大，但一向係華嫂fans既我當然要一試啦！
我地叫左皮蛋芫茜湯豬扒雞翼烏東，特色菠蘿包，羅宋湯，凍檸茶。。
食品即叫即製，需耐心等候！大概5-10分鐘，皮蛋芫茜湯豬扒雞翼烏東先到。。飲啖湯都幾清。。皮蛋味道略嫌弱左d...
但豬扒唔韌又夠味。。要求另外上既雞翼亦餣到入晒味。。唔錯！
下次再黎要試埋蕃茄湯底...特色菠蘿包即係鮮油菠蘿加太陽蛋, 一切開,蛋黃流出黎, d牛油又係慢慢流出黎, 如果要同華嫂相比...不相伯仲,同樣好食最估唔到係羅宋湯足料夠味! 有心機之作! 但好似話唔係日日都有煲...下次去之前打去問定喇!
唔錯..下次再試下其他野先!