經過中環嘉咸街有一間coffee shop出面畫左好多colourful buildings嘅壁畫，打卡一流，入到去會聞到陣陣咖啡香味，坐係度同朋友邊食邊傾係好舒服嘅事。 1.Black Tea Apple Crumble Waffle with Ice Cream $80 之前食過大圍夏雪嘅窩夫已經覺得整得好脆好好味，果然中環呢間都無令人失望。 窩夫依然好脆帶有種淡淡嘅茶味，暖笠笠嘅窩夫加上凍冰冰嘅雲呢拿雪糕好夾，而apple crumble對我黎講偏甜，但夾埋窩夫就岩岩好！ 2. Buzzed Tiramisu $80 每日限量供應嘅tiramisu係有好大嘅驚喜，層次好分明，手指味嘅酒味好濃，食得出浸左濃而香嘅whiskey，口感好濕潤；而芝士忌廉打得好滑順，加上面頭帶點澀嘅朱古力粉，每食一啖都有三個層次，味道又唔會太甜，滿口酒香，好欣賞呢個花左咁多心機嘅tiramisu！ 3.Iced Black Coffee $40 簡簡單單嘅咖啡配上冰，口感簡單，食左甜品，再飲啖冰咖啡，好match！ 冰嘅量唔會溝淡咗咖啡嘅香味，反而冰慢慢溶化後嘅濃度更加岩岩好，飲落有種苦澀回甘嘅味道，仲有淡淡嘅酸度。

上星期太多人離唔到而去左板長，今個星期決定要再離食佢既半價壽司，同阿媽兩點四倒到達，同上星期完全兩回事，排隊既人數比上次少左成半有多。

準時兩點半入座，今次唔似之前幾次離咁多野都冇，得赤貝系同上幾次一樣依然系話未有。價錢方面，冇離個幾月，加左價，每種碟加左$1至$5不等。但有D款加左價之後份量亦多左。

先講服務，服務真系一般，人手唔系太夠。不過禮貎都算OK。侍應工作亦算有效率同少出錯，落單都好少有留單之如情況出現，算系合格。

野食方面，今日主力系壽司，冇叫到刺身︰
海膽︰一般，以原價$45兩件離講算系偏貴啦咁既質素，但半價左之後就超水準﹗﹗﹗

三文魚腩ｘ7︰三文魚好食﹗﹗夠肥，夠新鮮，完全食得出系上料。食過咁多次，呢到三文魚既貨源質素每次都令我好滿意而且質素一直KEEP到咁好。

三文魚籽︰大大粒，卜卜聲，好過出面好多同等迴轉店。每次離都必叫

炙り間八﹙燒章紅﹚ｘ2︰呢個媽子大讚，我覺得OK，幾香口。就算唔配佢奉上既柚子同鹽都一樣好食。

大トロ︰呢個加左價之後，以前$40得一件，宜家$45變左有多件 トロ 蓉軍艦，都算佢啦。如果系正價，我就覺得唔抵了，但半價後算系超班﹗﹗﹗

鯛︰呢個系全餐之中最差，唔新鮮，唔合格﹗﹗﹗

仲叫左凡立貝，鰯，鯖，鰹，イカ，甘蝦，牡丹蝦....等等，加加埋埋兩個人消秏左廿多碟壽司-.-

整體離講，半價同正價時段都食過。初初同朋友離食佢半價時仲怕佢價錢半價後質素亦都會一樣半價，但出乎意料，半價既質素竟然同正價系一樣，只系少左D當日既日本魚系列同當日特別推介，食過幾次之後反而令我覺得第一次正價去食真系好唔抵﹗﹗﹗

兩個人埋單原價$742，半價後$371。如果正價食咁既野就真系偏貴了。一定會再離食半價時段^^

食完德發又食完little mermiad 面包，但途經和花亭，見到佢做緊tea 50% off~真係無可能抵抗！

同阿媽兩人帶着6-7成飽ge肚入去食。
佢限定最低個人消費為$100，先可以半價，即每人at least 半價後要俾$50，no problem~

由於都幾飽，所以叫D貴價野食。
兩人叫了6碟。壽司飯不會一夾就散，而且醋味適中。
特大帆立貝($28)：很新鮮，而且很夠凍；但size稱不上是特大吧。
特大吞拿魚腩($45)：一其中一件係以軍艦型式上。都很新鮮，且魚味濃，但有筋。紫菜新鮮脆口。
海膽($45)：阿媽話都ok，不過份量少了點
半熟蝦蟹膏($28)：半熟蝦黏黏地又帶點爽口，味鮮，上面還有蟹子同蟹膏點綴。
貝三味($35)：有海螺、小柱貝同帆立貝。海螺好正，爽口又鮮甜；小柱貝以軍艦型式上，有三小粒，欠鮮甜
吞拿魚($28)：都幾新鮮，鮮紅色，幾凍，無筋，且很濃吞拿魚味

埋單加一折後：$120
真係超級抵，尤其係食貴價壽司，更覺抵！
服務都中規中矩，入座前會話清楚半價優惠ge detail~