我呢個大鄉里好少過海﹗因為男友要去維園拎馬拉松衫﹐所以提早上開飯望做定research﹐去下D想去既地方大吃一番~呢度係我一直好想試的乳酪~因為大象呢個logo好可愛呀﹗開頭以為好貴﹐點知價錢OK﹗同出面差唔多﹐仲有靚裝修加襟章送添﹗二話不說﹐叫個chubby裝兩個人食先﹗收銀附近有個牌寫晒有咩topping架喇﹐所以我倆一早已揀定(玄米燕麥同朱古力布朗尼)。收銀話chubby可宣兩隻味乳酪﹐是日係原味﹐草梅﹐黑加侖子。其實我想試原味的...但又覺得原味日日有﹐可以下次先丫﹐所以就要左兩隻梅味了~

揀topping係為與店子既右手邊﹐老老實實﹐多人真係唔知點算﹐尤其是前面個位三心兩意。等了一會﹐排到自己了﹐親眼見到D topping後﹐突然轉呔﹐想要芝士蛋糕同朱古力薯片...但最後都係點左前者加布朗尼。店內有數十個坐位﹐但老實所有位應該都係好睇唔好坐。店內右邊係幾張矮檯矮凳﹐當時已左滿了人。所以我地坐係左邊的高凳﹐我相信比矮凳好坐~使試乳酪﹐頗creamy頗滑﹐我覺得比crumbs更滑更奶﹐兩隻梅味由顏色到味道都唔太出﹐都好既﹐至少知道好乜人造色素丫。chubby真係好大杯好重﹗$38送兩topping價錢很不錯﹗﹗topping呢﹐芝士蛋糕唔難食既﹐但真係配乳酪就十分搞笑囉﹐一定無下次...至於brownie﹐好似下面一位食友話齋﹐有怪味。男友一食就話怪﹐我又試﹐我覺得有油炸鬼味。男友都覺﹐總之係油益味﹗好失望呀...明明不錯的乳酪配上兩款搞笑的toppings...下次經過的話﹐一定會再黎試下其他topping﹗我見有食友話有朱古力味乳酪呢...好想試呀﹗總聒而言﹐價錢合理﹐裝修可愛﹐味道(乳酪)不錯﹐非常值得一試。不枉我特意造訪呀﹗