雖然係黃店，但覺得有大量進步空間🫤🫨 我叫左個泰式濕炒海鮮河，朋友叫左個辣椒炒牛河。我個碗濕炒海鮮河嘅海鮮份量超級少，得少量蝦仔同一粒青口，而且河粉係痴埋哂一pat口感麻麻🫤仲要一上枱個賣相都好唔吸引，全部都係菜、菇同蘿蔔係面😳但$72一碗🙄🙄 朋友嗰碟牛肉河就相對好少少，牛肉份量都ok，河粉偏辣，都惹味～另外我哋分別叫咗一杯芒果沙冰同埋椰汁珍多冰，呢兩杯野應該係呢一餐入面唯一比較滿意嘅😐🥲由於唔太好食嘅關係我同朋友都冇食晒，仲要出左餐廳之後再係九龍城食其他野嚟填飽個肚嘅空虛💸🫣

突然間想食泰國菜，經朋友介紹搭的士到九龍城泰皇閣試下，一行五人叫了六款菜一湯，當時檯面只得六對筷子，叫傳菜員再畀多2對公筷子,都不算過份,他說“你哋成枱都係筷子仲要攞”跟住行咗去,無理我哋.難怪現在個個都北上消費，服務態度好，價錢平，食物有新鮮，我一定唔會再去食這間，畀錢食嘢都要受氣

完全唔明白，點解咁多好評，碟燒牛肉乾到似牛肉乾，無曬肉汁，最失敗係連上面果幾片青檸都唔新鮮。金邊粉淡而無味，完全無泰菜應有既香和味，極之後悔的一餐，我敢講九龍城求其一間泰菜都好過佢，最差沒有之一，仲有果杯沙冰，嚴格啲嚟講個杯唔係「沙冰」，啲冰大粒到好似玻璃碎，期望你用真芒果整沙冰，點知得個死甜。去餐廳食飯我一向好少寫食評，但今次我真係忍唔到，每碟都唔過板，食咗幾佰蚊，換嚟既係一肚氣，絕對真實食評！！！

昨晚約朋友共5人，餐廳沒有訂枱服務，有2個朋友早點去攞位，餐廳負責人話要5人到齊才可入座，當時餐廳內完全沒有客人，餐廳內全是空枱都不讓我朋友進入，當時天還下着大雨，這樣的餐廳及負責人及做生意手法，真的令人費解。我們齊人後他們立即安排入座，我們當然不會入座啦！九龍城不是只有你一家泰國菜，好好反省做生意手法！

我絕少寫食評，不過試了過十次，並唔係個別情況下，我決定要破戒寫。 鋪頭標榜係黃而吸立好多年青人幫襯。正正咁，我都去試下份情義。老實講，食物真係一般。甚至比不上好多附近的泰菜。但可能偶然失手，耐何去了起碼十次，當中亦有外賣。最後都搵唔到藉得再比機會既原因。可能食物份量係大。如你重量不重質，係可以接受。以下係個人意見：- 1. 員工態度愛理不理； 2. 冇水冇紙巾，要叫先比； 3.午市食套餐（平價）既可以去左邊鋪，食正價才可去右邊。耐何午市睇落套餐平，諗住泰式差極有限，而且佢真係泰國菜嫲。點知，午市套餐衰過2餸街市飯，食完超口渴，冇諗過爭咁遠。 4. 外賣通菜莖多過葉。多油，叫咗少油都一樣。可想到，已經比了好多次機會。 5. 外賣收$1明白的。但估唔到膠袋再收多$1...酒樓都唔會咁。幫襯咁多間外賣，佢係第一間，不如收埋餐具啦。。 有時，用黃來做號召力，但唔該唔好亂來。真係會影響晒真黃架。

放假諗住同屋企人去九龍城食餐好，之前食過小曼谷，覺得都唔錯，今次想試下新野，順便幫襯黃店，換來滿腔怒火！ 先講餐廳環境，座位唔算寬敞，但去得九龍城食飯都預咗。表面睇算乾淨。但係食物真係10萬個失望。 首先黎個柚子沙律，味道偏淡，份量都少，勉強叫正正常常，點知原來已經係全晚最好食嘅菜式！ 冬陰功：份量極少，冇爐一齊上而且唔熱，唔酸唔辣 再黎一個粉絲蜆肉湯（唔記得咩名）連埋爐上，但完全冇味，蜆肉完全冇鮮味，肉質粗鞋，食咗一半已經唔想食 椰汁海鮮焗飯：飯上面一督鼻涕汁，最神奇係竟然入口咬都分唔開啲汁，好似食緊一舊生粉咁！ 最嚴重係咖喱軟殼蟹，份量都係超級少，蒜蓉包一啲都唔脆，冇蒜蓉味， 軟殼蟹亦一啲鮮味都冇，全部似係雪藏貨，個咖喱汁除咗核突、難食都諗唔到其他形容詞，是但一間任食嘅軟殼蟹都好食過佢，竟然賣$220？！😡 老實講，對黃店本身會多一份包容，舖頭的確見到好多文宣，講聲多謝先，但係好食係良知，逼人75分鐘食完都唔緊要，真係手足嘅話，唔該落少啲味精，我全家人返到屋企係咁飲水，嬲嬲地都忍唔住要寫第一篇食評！麻煩手足盡快改善！

小資族如果想偶然奢侈一下來個Date Night既話🥂 呢間餐廳絕對係首選🥰主要食扒 但係裝潢精緻坐得舒服🪞唔會太大陣牛扒味😅 味道同樣有質素👍🏻 ⭐️ NZ Angus Rib Eye 🇳🇿 肉眼叫左5成熟 切開熟度啱啱好😋 Juicy 得黎唔會缺少牛肉味 就咁食已經好夠味🤩 加上燒汁更加濃郁💛 ⭐️ Peri Peri Spring Chicken 🍗 燒雞份量超級豐富🔥雞肉燒得嫩滑唔乾 葡式辣醬超級惹味🌶 松露薯條係另一亮點🍟 用燒雞醬點黎食更加好食🥳 ⭐️ Choc Mud Truffle and Macaron Mess 🍫 朱古力Brownie好濃郁🤩 加上棉花糖同Cookies and Cream雪糕🍦 甜到入心🤍 用返少少水果做點綴十分好🍓

今日覆完診，一切指數都算穩定，咁就同屋企人去附近GRILL ROOM食餐好既獎勵下先得LUNCH時間已經好多人來到餐廳，餐廳環境好舒適，而且簡約餐牌亦都好易明
同屋企人各自點左個LUNCH SET，每次都必定加錢配忌亷蘑菇湯，因為真係好濃郁，每啖都好CREAMY
主菜未到，各自點杯飲品提提神
因為想身體健康關係，呢排進行生酮飲食，所以我就點左👇🏻 燒紐西蘭肉眼扒配薯角蔬菜 肉眼扒就揀左7成熟，燒得岩岩好，而且鎖住左D肉汁，所以好juicy，肉質亦都好鮮嫩，點少少醬汁，可以帶出塊扒既鮮肉味😍
葡式香辣雞配沙律薯條😋😋 唔駛去葡萄牙都食到呢個香辣雞，半隻份量足夠一人食用，表面掃左一層peri peri辣椒醬，顏色烤得幾靚，不過唔算太辣，好香脆，雖然雞肉厚身，不過一d都唔韌，都係好juicy，非常惹味再加埋熱辣辣脆卜卜薯條及沙律，真係無得頂

又去番本? 係! 因為朋友詢問那間放題好吃, 我就說了番本, 因為上次吃過, 覺得食物質素很好, 點的每樣食物也十分美味, 漏留情況沒有發生在我身上.

肚餓到極點, 看著這兩份點菜單, 瘋狂得起勢咁剔~ ~ 但考慮到二人枱的面積有限, 加上上菜速度不慢, 若所有食物一次過或密集式送來, 枱面一定容不下, 要不我以秒速地吃光, 要不分幾次下單, 我當然選擇後者啦~有得任飲梅酒、清酒、啤酒, 是番本的買點, 所以我都點了一瓶冰梅酒. 杯中加不加冰, 視乎個人喜歡甜及濃的程度, 我就只加兩粒冰. 朋友就要半杯冰, HAHA今次同樣加$50享受升級體驗. 我必點的蟹粥, 大大煲, 自己一個吃光….份量真不少, 足足有半隻蟹, 雖然肉質有些鬆散及過軟, 不及上次般好, 但粥底仍然香甜及綿.皇牌特大日本赤蝦刺身、帶子刺身, 這個份量夠我吃了. 赤蝦很大隻, 微爽又帶少少黏, 沾些wasabi吃就最滋味, 吃3隻其實已覺膩, 因為很有筫感; 帶子較遜色, 肉較實又缺少了應有的軟腍, 黏度是有的, 但味道普通.升級食物我只吃了以上啊~ 其他的例如羊架、藍青口、油甘魚、北寄貝我不感興趣. 或者你會認為, 加得錢就梗係要食盡, 但淨係赤蝦都唔止呢個價啦, 所以個人認為可接受.

幾時都是吃過好東西後就有對比, 說的是甜蝦跟赤蝦的size, 簡直不能相提並論, 但味道同樣鮮甜, 甚至比我上次吃的還要吃. 冰刀貝依然爽口, 朋友首次吃, 也讚不絕口.清酒煮蜆, 吃極都未清碗~ 清酒味夠、蜆肉實淨、無沙、細細粒, 好易食下食下唔多覺. 但一定不會暈既~燒物方面我很推价串燒海老, 要吃固然有點棘手, 因為要把蝦從竹籤中取出, 但我有特別的除殼方法, 所以無難度. 蝦殼鹽味十足, 連蝦肉也很夠味, 最緊要是肉不霉~ 炸芝士年糕沒有預期的好, 因不夠煙韌, 更有些少粉狀.沒有熱切的心要吃天婦羅, 只是點了天婦羅蝦及日式紫薯, 這是我今晚吃到第三款蝦, 蝦身爽爽的, 粉漿不會過多, 剛剛好啦, 有適當的脆度. 唯一失望是紫薯是外紫內奶白….為何不是裏裏外外也是紫色呢? 只能估計是品種問題.燒菠蘿是輕輕的燒過, 所以咬下仍然有大量菠蘿汁, 不是不好吃, 但點得燒菠蘿, 當然想吃到應有的燒烤味.愉快的兩小時幾乎接近尾聲, 當然要點甜品. 香芋及綠茶雪米糍走唔甩啦~今次還點了朱古力炸香蕉, 都幾有在泰國街頭吃朱古力香蕉pancake的味道.