原本開開心心慶祝生日，睇到堅尼地城呢間餐廳食評全部都係哈哈笑，諗住梗係好野，點知...

去到環境一般。食左那個海鮮餐，有海鮮拼盤、藍青口、龍蝦湯、意大利飯、肉眼扒同心太軟。拼盤除左生蠔ok，其他一d鮮甜味都沒有、藍青口可接受但少鹹。那個龍蝦罐頭湯，湯上沒有加上少少忌廉去增加吸睛效果同口感層次，冇野講；其他開飯友所講湯內既龍蝦粒：很細小且透明，口感可以，但那個透明物我食唔出有龍蝦味，唔識煮餸既我都知，龍蝦肉煮熟左應該係白色的。

算吧！識食當然食主菜，意大利飯：鹹、堅鹹！你可以想像我原本係想加水攪勻食去洩憤示威的，但諗落太失禮既情況下，我唯有一啖清水一啖do 既情況下堅持惜食do埋佢。肉眼扒：品評唔掂，叫 medium 但冇血水又冇口感兼鹹，視評那厚度等同大家樂牛扒早餐切開一半疊埋一齊咁。

到甜品心太軟，好彩合乎標準。服務ok，連另叫飲品埋單$8xx，堅唔值。我係開飯友，但無乜時間去寫食評，但呢間餐廳... 我唔想再有人中伏才堅持寫呢個食評... 畢竟大家出街都係想食餐開心飯...

同意就like呢個食評吧！

第一次寫食評，真係忍唔住要分享下，食得好唔滿意！
同朋友食飯選擇左呢間。一開始入去見到餐牌每樣野都唔平。紫菜卷$90  算，叫其他野。
先講前菜，有幾碟，份量都一般。最好笑係蓮藕，人頭計，每人一塊，真係佩服師傅嘅刀功，每塊都好透光  我去之前已經睇左少少食評，知道只有泡菜可以refill一次。朋友叫左佢refill,開頭侍應都話只可refill一次，但轉頭佢走返來話無得refill...點知隔離枱話想refil,佢攞左2碟前菜俾佢！ 點解會咁！！
主菜：
因為每樣野都差唔多要100蚊，諗住叫個湯有飯會飽肚d,上菜個下真係大大伏，無飯不單只，個辣味牛脯絲湯同我係屋企hea煮嘅泡菜湯無分別，芽菜，蛋花，少量粉絲，極微量牛肉碎同絲，牛肉嘅份量連一塊吉野家肥牛都唔夠，少得可憐，說好的牛腩呢  最後要加10蚊叫個白飯，先叫有野食。食到最後真係唔想食。。以後都係去返食開個2間韓國菜。.at least食得飽又平d.埋單加一要120。。但係好似無食過咩咁。
另外，朋友叫左豆腐鍋，結果等左30分鐘有多，仲要追左好多次。。侍應有等於無。叫佢加水都要叫幾次  服務真係麻麻，下次請都唔來。前菜（注意份量，3個人）辣味牛腩絲湯（味道好一般）