去諾士佛台，都未必一定要夜晚先可以？有時日頭去，仲會多一番風味。同Sister放假，最好，當然係Hea住咁食。唔想食Afternoon Tea，黎「酒吧街」一樣可以！揀Assembly係因為，呢度可以揀坐出面，會有歐陸風味！怕熱，都可以坐入面架！甜蕃薯條

HK$68每次黎Assembly，一定一定係要食呢個甜蕃薯條！粗壯的薯條，不是用上一般的薯仔，改以用上甜的蕃薯整成條狀再拎去炸。甜度更加優越，外脆而內裡有一點點的甜粉感覺。再點上芝士醬，一流！下晝，唔飲酒，改飲這個特飲！咩名？唔記得啦！因為係叫店員推介！酸酸甜甜，透心涼！芝薯炸丸子

HK$68

喜歡食芝士，又點可以唔試呢個！用上原粒芝士，混上薯蓉。外層炸得十分香脆！！再混上了香蔥蒜蓉，食起上黎更加惹味！！芝士炸後，有著半溶狀態，食起上黎，更加正！！大蝦盒子酥

原隻大蝦，配上新鮮酥皮，焗至香脆。下晝時間，食啲唔好太Rich的嘢食，揀呢類小食，也是不錯之選哦～～
Assembly
尖沙咀諾士佛臺6號Mira Cube地下及1樓

前排約左個一段無見既中學同學出來聚一聚，

當然係搵個地方坐下，食下野，傾下計，先去行

街，而我地就揀左尖沙咀諾士佛臺一號五樓的泰

燒遙嘆返個tea~而當日我地就揀左個 HK$338 的 tea set，裡面有好多野食，

仲包埋2杯飲品，仲有韓國 KAJUYO 送o忝~而野食未到我地就叫左野飲先啦，分別叫左珍多冰同

青檸梳打~大約等了十多分鐘 Tea set就上桌，份量也幾多，

2個女仔就剛好~這個北海道元貝配青木瓜沙津上帶子鮮味，木

瓜絲好爽口，味道是酸酸辣辣的，好開胃，我

個人幾喜歡，但若唔食得辣的人可能會覺得太

辣。泰式香辣肉碎生菜包

肉碎夠乾身，好多香料，好像有辣椒、蔥及香茅，

入口好香好惹味，但就咁食會覺得較辣，但加埋生

菜一齊食就剛剛好~泰式串燒虎蝦配香烤法包

炭燒的虎蝦咸味剛好，而且香口得來又保留到蝦

的鮮味，喜歡食蝦的我，啖啖肉好味~~燒西班牙黑毛豬頸肉

這個是整盤中較遜色的，一來凍左，二來有D韌，

但配埋醬汁其實味道不錯的~這個泰式燒雞翼朋友仔食完大讚，熱辣辣得來

外皮夠香脆保留到肉汁，入口肉質非常鮮嫩~最後來到甜品時間，這個拼盤裡有椰汁西米糕、

芒果椰汁糯米飯、班蘭糯米糍、七彩糯米糍，

而當中我最喜歡是椰汁西米糕及班蘭糯米糍，椰

汁西米糕甜度剛好且有淡淡的椰香味，而班蘭

糯米糍外皮煙煙韌韌加埋外層椰絲及芝麻、花生

、砂糖等餡料，非常香口，食完之後好想再食~最後到付款時有韓國KAJUYO護膚套裝送，當中有

洗面乳、面膜同Eclado 試用裝及 coupon，$338有得

食有得拎，抵到爛~

跟屋企人提早慶祝Xmas
遷就爸爸係觀塘食
揀咗地點最方便APM旁邊
都係食好嘢嘅
選擇多又經濟

爸爸雖然係老人家
但勁鍾意食魚生刺身
所以我哋奉陪到底放題啱晒一家人嘅口味
大江戶地方夠晒寬敞有好多日式燈籠
好有情調
地方真係好大
由頭行到落尾要D時間 XD夜晚食放題人手都算夠充足
我地6個人都比8個人嘅位置我哋
大家坐得好舒服人多點嘢食就多花款
我仲聽到店員講有抽奬飲料可以自己到冰櫃取最後我地lucky嘅上帝之手抽到一盆海膽
Wow 超級大件
新鮮又冇腥味
用紫菜卷住黎食
真係回味無窮肥腴甘香
有口感第一round刺身
雖然唔係叫咗好多
但係賣相真係啱晒喜歡影相嘅我哋
又靚又新鮮之餘
已經感覺今晚可以歸本甜蝦～象拔蚌～響螺片
希靈魚～三文魚～北寄貝
帶子全部都好新鮮爽口鮮甜仲要難得連媽媽都想食泰式生蝦
絕對拍得住九龍城泰姐嘅出品
鮮生蝦加上生蒜辣椒
又辣又開胃串串都仲要有海蝦
燒得好
熱辣辣先好食又可以食蟹粥暖肚就算連汁煮帶子都一啲唔輸蝕
好甜好入味好大隻
連啲洋蔥都好好味鍾意食熱暈既朋友
又可以考慮北海道海鮮 牛奶丼仲有好多創意壽司
好得意豆紙也可以食的
水準不錯
啱晒like新奇刺激嘅 小朋友就算係點熟嘅壽司
都有黑松露。凡立貝
強烈的黑松露味道
海膽蝦
海鰻魚肥美
好多花款選擇
仲要係好味個隻仲有香脆嘅芝麻炸雞翼同埋天婦羅媽媽鍾意食嘅燒魚大B 嘅一口牛真係入口即溶我其實已經full到差不多
最後要留返個胃
食我最愛嘅Haagen-Dazs雪糕
真係感動囉
每人可以揀一杯放題的甜品都ＯＫ食物新鮮
花款種類又多

依個為食小小豬仲乜食到咁古靈精怪(其實係好話我要影相，阻住佢食嘢)？咪就係去左尖沙咀食泰式下午茶啦~其實我地三口子今日主要都係去九龍公園行下，等小小豬放下電。放完電嘅佢就緊係肚仔餓，而我就企到腳仔攰，要搵個舒服地方俾我休息下。

記得之前係FACEBOOK睇見話食泰式下午茶，有小禮物送，所以師奶仔嘅我就嚟試下啦~一坐底小小豬就急不及待要點菜呀~今次我地就點左依個二人餐，都幾多嘢食呀~先嚟兩杯飲品先，我當然就係飲我至愛咸檸七，老公就飲青檸梳打~等左一陣，我地豐富嘅下午茶就送到，單睇賣相都已經好吸引啦~

北海道元貝配青木瓜沙津 - 元貝好味就一定(因為我鐘意食)，個青木瓜沙津都唔錯，佢地應該加左少少辣汁，幾特別呀~ 泰式香辣肉碎生菜包 - 依個都唔錯，份量都好足，如果個辣度可以輕返少少，應該會仲啱唔太好辣嘅我~ 泰式串燒虎蝦配法包 - 蝦都算幾新鮮，好彈牙呀~

燒西班牙黑毛豬頸肉 - 肉質唔韌，而且都幾入味，小小豬一個人仔都食左一大半呀~

泰式甜品 - 基本上幾款都OK，不過最得我歡心就一定係白色透明嗰一件，我估應該係椰青糕(因為餐牌冇列明)，嗰一種清甜椰青味真係十級好味呀~仲有泰式燒雞翼，因為唔夠為食小小豬快手，所以影唔切相。不過兩隻都俾小小豬好快咁KO左，都應該係好食嘅表現啦！

食物好食之外，其實都要留意一下佢個醬汁，四款都唔同味道，配返唔同食物，更加帶出個味覺呀~舒舒服服咁歎左一個下午茶，最好就係有一系列 KC KOREA嘅護膚禮物包：有KAJUYO洗面膏同面膜、ECLADO體驗裝仲有一COUPON，今次仲唔係又食又拎~

有一大班港島區的朋友，有時就要屈服一下，過海飯聚。 不過，我有條件的，要吃特別的。

這次朋友選了位於銅鑼灣駱克駅的八寸 酒食 串燒 私房料理，日本菜，我最愛。遲了點到，一坐下便見九小碟送上桌，看到已經很興奮。

店員介紹九小碟有牛蒡蒜頭、麵豉青瓜帶子、明太子沙甸魚苗、磯燒鮑魚、小女子魚乾、木魚絲苦瓜、雞絲和牛蒡紅蘿蔔。

其實九小碟味道都不錯，配搭也有點新鮮。

個人最喜歡磯爆鮑魚，味道濃淡適中，口感很爽。苦瓜也是很甘不太瓜，很合我口味。另外醃製的蒜頭完全沒有蒜的辛辣，口感又爽，很新鮮呢。 而小女子魚乾，濃味但甜甜的不會咸，很想要來伴飯吃。海之幸卷

材料有帶子、海膽、櫻花蝦及三文魚子，再用昆布捲著，上面鋪上和金箔，觀感已經很得分，感覺精緻又矜貴。

食材新鮮沒有腥味，一口吃掉不同質地的剌身，口感豐富。昆布包著的卷物，非常清新。燒牛小排(左)及燒牛舌(右)

師傅連醬汁和黃芥末一起上，但說我們可以隨自己喜好點或不點，甚至2款齊點。可以吃得出來用了好料來做這個燒牛小排，肉味很鮮很豐富，肉質也很好，但個人偏好生一點，這道燒牛小排某些部位稍微燒過了火。個人更喜歡燒牛舌，燒得剛好，保持了牛舌的軟度和爽度，牛味濃，不點任何醬料也可以。紫蘇魷魚卷

味道特別的紫蘇醬和紫酥葉，配本身沒什麼味道的魷魚，很特別。燒魷魚很難控制，但這個完全沒過火，還是很嫩呢。側看魷魚卷，捲得很好看呢。燒茄子

我不吃茄子的，無法說些什麼，但朋友評價不錯。燒雞掌中寶

其實是雞的掌心肉，第一次吃，原來口感很爽，燒過後更是香脆。燒粟米看似普通，但師傅說上面帶綠的是秘製牛油，混合了蒜和蕃茜，配合粟米的清甜，味道很特別，而粟米掃了少許秘製醬汁，味覺更豐富。美好的一餐要用甜品作結，今天是紅豆牛奶豆腐，紅豆很香很軟，甜甜的好味道，和味道清淡的牛奶豆腐夾得剛好。

如果喜歡精緻食物，又想有一定水準，這裡會是個不錯的選擇呢。

早前趁週末, 去了尖沙咀行街. 行完後, 有點肚餓, 我地便去了食嘢. 我地想靜靜地食下嘢, 傾下計, 便去了諾士佛臺覓食, 最後去了泰燒遙食.

在店外見到有個泰燒遙和KC
Korea期間限定, 只要點指定 Tea Set, 可以得到護膚品套裝, 當中包括洗面膏, 三片面膜, 購物Coupon和三包Samples.所以我地就試下這個.

店內裝修不錯.由於製作需時, 等了大約二十分鐘.

飲品我點了熱的香茅茶.入口時有淡淡的香茅味道, 令人感覺清新.

這個套餐算幾精緻.北海道元貝配青木瓜沙律.元貝幾彈牙, 但不太食得辣的我, 青木瓜沙律對於我來講太辣.泰式香辣肉碎生菜包.肉碎帶有辣味, 但辣度可以接受.

配合生菜一齊食最爽, 生菜夠爽脆, 也可以中和一下肉碎的辣度.這個幾惹味.

燒西班牙黑毛豬豬頸肉.豬頸肉好腍身, 而且味道調教適中, 不用點醬汁已經夠入味.鍾意食瘦肉的我, 這個豬頸肉啱晒, 食多一點都不怕肥.

泰式串燒虎蝦.配法包條.虎蝦幾有口感, 又夠彈牙.

得一隻唔夠喉, 若能多一隻更好.

一口氣食了多款肉類和濃味的款式, 係時候食甜品.

用來承載甜品的器皿也好有傳統風味.當中放有數款不同的甜品.芒果糯米飯.糯米煙韌得來有咬口, 但不會太過乾身.

單食糯米難免令人有點膩, 所以配上芒果是最佳拍檔.

芒果甜中帶少許酸, 非常好味.

西米糕.有芒果和椰汁.

我自己食左椰汁味.入口有淡淡的椰香味, 而西米軟硬適中.椰青糕.

我自己是首次食, 口感有點似大菜糕, 最愛內裡有椰青肉. 愛食椰青的朋友要一試呀~

晚上就來到為於銅鑼灣的Castello 4和男友二人世界放鬆一下心情正中間是一個酒吧吧台位置，有駐場調酒師即場調製飲品Green Apple Tree Mocktail HK$84
嫻不喝酒，就點了一杯Mocktail
這杯以青蘋果和奇異果作主打的Green Apple Tree，酸酸甜甜的，很開胃Breaded Portobello in Rose Sauce HK$64
炸雜菇炸得夠香脆又不油膩，配上特製的玫瑰番茄醬汁，會讓人一件接一件不停口Spanish Paella HK$234
意大利飯很口感也很好，不會太軟但又吸收了醬汁的味道
而兩隻大蝦則爽口又彈牙Braised Short Rob HK$284
牛肋肉以紅酒燒汁慢煮而成
配上蕃茄雜菜粒以及加了奶的薯蓉作伴菜肉質非常軟腍，濃味的牛肋肉配上淡口的薯蓉，味道很相配Dessert-Apple Crumble Opera HK$64
最後來個Apple Crumble ，不過甜品相對主菜來說就教為失色了

老公有節目，所以趁帶小小豬去踢足球之前，出去行下街街，順便食個下午茶，等我地兩母子SWEET SWEET一番。

落左APM又見好多地方都好多人，最後醒起我地上次去過KC CAFE學整韓式親子紫菜飯班(按此重溫)，所以最後就決定去食一轉啦~

我地兩點幾嚟到，估唔到都已經好多人~好在我地等左一陣就搵到個靚位，可以同熊大一齊坐添，依隻百厭豬當然又拎住啲公仔不停玩啦~係小小豬發傻同公仔玩嘅時侯，我當然係睇下有咩食，估唔到款式都幾多哦~超想試之前雜誌介紹嘅西瓜波波冰，不過今日冇貨，所以冇得試添，唔緊要下次再嚟試過啦！

哈哈哈...去左收銀處點單俾錢，之後就拎個震震機，乖乖係個位度等食啦~韓式紫菜飯~睇小小豬個為食樣就知好味，材料好足料呀~再嚟我地嘅特飲先，我就係薄荷朱古力，小小豬嘅係雜莓乳酪沙冰~我嗰杯就好重薄荷味但又冇蓋過啲朱古力味，幾好飲唔錯。小小豬話佢嗰好好飲哦~仲有芝士火腿法式軟包~即叫即整，微微暖咁食，都真係唔錯呀~哈哈哈...今次依個下午茶又真係幾好，好食之餘又夠足料，最好就係都唔算貴，加埋一百蚊都唔洗就可以食飽飽咁離開。

小小豬已經講好左話下星期去踢足球前一定要再嚟TEA一TEA先呀！

秋高氣爽除左係郊遊好季節之外，亦都係擦大閘蟹嘅好時機。由於老公唔太"好"大閘蟹，所以就相約好姊妹齊齊嚟個華麗蟹逅啦~ 由於大閘蟹係即叫即蒸，熱熱地食就最好味，所以我地等左一陣就有得食啦~我嗰隻大閘蟹有個笑哈哈樣呀~打開蟹殼，嘩....好多金黃嘅蟹羔呀~蟹身都佈滿蟹羔，真係好惹味呀~蟹羔好香口，而且滑啫啫流入口，真係好回味呀。雖然蟹仔細細，但蟹肉都好鮮甜味呀！

當然我地唔止食大閘蟹，仲叫左啲小菜，整體上味道都唔錯。

燒味拼盤~

雲耳炒時菜~

翠塘滑豆腐，豆腐表面灑滿滿嘅蝦子，原來佢地兩者一齊食個口感又幾夾哦~貴妃雞~羊腩煲，依個可以話係全日第二個亮點，羊肉完全沒有羶味，而且一舊都係厚厚的。加上煲內配材份量都好足，樣樣食材都入哂味~秋風起當然唔少得臘味飯，臘腸唔算油但又香味依然，配埋啲醬汁，都唔錯呀~最後緊係有我至愛嘅蟹粉小籠包啦~開開心心又一餐，最令我懷念嘅一定係嗰啲滿滿蟹羔嘅大閘蟹，真係好想快啲再嚟大擦特擦呀！

星期六下午在家懶，突然想食韓式多士！

醒起離家不遠的KC Mall內的KC café有不同的韓式小食，索性捉大少一齊去tea 一tea~

KC Mall 是賣韓國護膚品的，店內的一角就是KC café，就像處身韓國一樣，韓國也有不少一店兩用的café。 大少不大愛甜品，所以點了兩個鹹的、一個甜的多士，分別是❤煙肉蛋多士❤、❤芝士蛋多士❤及邪惡軸心❤棉花糖烤多士❤

❤ 煙肉蛋多士四塊煙肉、一隻蛋、多士，不單是早餐，組合起來便成了惹味小食。煙肉煎得香脆，中間有一隻的熟蛋。多士中和了煙肉的油膩感，罪惡感減少了～多士很香脆，配在一起非常好吃~

❤芝士蛋多士❤芝士緊緊的包著太陽蛋，芝士控大愛！ 但因懷孕中不吃生蛋，我主攻圍邊的蛋白，但也很好吃！！多士同樣非常香脆，抵讚！

吃完這個已經很飽了，但還是要食甜品！

邪惡軸心❤棉花糖烤多士❤大受歡迎的甜品，我係旺角見過甜品店賣$5x, 這裡只賣$16!! 平到離譜！！

多士上排滿9粒大大粒棉花糖，焗過後棉花糖溶溶地，燶燶地，配上朱古力醬及香脆多士。一口咬下去後，滿滿的幸福感湧上來！！

但一定要朋友分著吃，我最多只能食上三舊，不然會很膩~ 剩下的都是不大愛甜品的大少KO掉，哈哈！

現在想起來也想再吃，下次來要試其他的東西喲～