幾年都唔黎一次西灣河，難得出黎就梗係處理一下口袋名單，揀左華記士多。華記士多都算近太安樓，小店一間，有瓦遮頭嘅只有幾個位，其餘喺後巷開枱仔，有心理準備環境就一般，但比起我去過一啲有坑渠嘅後欄，比下有餘。週日下午茶時間坐滿人，搭枱係基本。姐姐們幾好笑容，由於已經食左野先黎，我地兩人分享一個飯，都冇任何不悅，用餐愉快。 餐牌只有三款飯：芝士咖喱蛋包飯、咖喱蛋包飯、台式滷肉飯，定價$38/43，附送茶/啡/菜蜜，凍飲同價，去邊度搵。如果唔係後巷，一般茶記都收4、50蚊啦。9成9人都點咖喱飯，廚房不停製作，上菜速度快。 咖喱蛋包飯 $38 蛋包飯賣相讚，一啲都唔頹，滑蛋緊緊包裹飯粒，淋上滿滿咖喱汁，見到都流哂口水蛋奄列薄身、好滑溜，完全唔老，油就點都有架喇。揭開奄列，裡面有滿滿熱辣辣嘅豉油飯粒，好似有少少豬油咁；仲有雞肉，有誠意。配典型盒裝嗰種日式咖喱塊開成嘅汁，醬汁稀身，想像得到嘅，唔會好辣，少少甜，好好送飯，講真自己一個都輕鬆食得哂 可能我食得多頹頹茶餐，真係唔會太harsh，我覺得值得一試，性價比高；當然如果對環境、後巷呢啲好反感嘅，就唔建議啦

今年生日好想食燒肉 老公睇晒評語 揀左呢間黎歎高質和牛 無點套餐 因為套土餐有豬、刺身果d 黎到淨想食牛 所以續樣叫 淨歎牛！ 兩個人叫左鳥取西冷、牛柳及肉眼拼盤、厚切牛舌同內臟拼盤～好夠食！ 首先講牛拼盤！！不負所望！ 脂肪同肉既比例好好！吾會太油膩食到滯左咁 食到尾都仲食得好和味！ 再叫厚切牛舌好爽！好厚身！ 大大啖咬落去真係好正！ 內藏拼盤都好好味！牛小腸好香口 配合啤酒飲一流！ 呢間環境清靜 服務幾吾錯！服務生會不定時自動過黎斟茶執野 下次再想食燒肉會再揀呢間！

收工又係搵好嘢食嘅時間 Openrice搵吓太子有咩好嘢， 諗住搵間平平地， 見到呢間叫小蓉麵家， 評價又唔錯，所以試一試。 店內乾淨企理 嚟到當然要試吓雲吞麵啦 果然湯甜麵正 雲吞又係好好味 重點係...有韭黃 豬手撈粗都幾好 豬手好入味 叫埋芥蘭，$16大大碟 建議你可以試吓佢地嘅醃蘿白同辣椒醬 又係唔錯 呢個係可以再食嘅食店 順便一提，呢度嘅服務都唔錯

已經食過幾次， 終於決定寫感想， 因為每次去光顧水準都有保証。事原路過時剛巧餐廳4周年， 便同朋友內進，打算飲一杯， 點知佢嘅白酒係超好飲，然後同老闆傾談咗幾句，才知道他會周圍去搜羅，當然果晚我同朋友點止一杯走人喔😋當晚食物及酒的質素算是上環區幾好級數。之後的日子我同我朋友分別都有光顧。今晚我食的 burger 稱number 2 , 食物、肉汁、甚至連薯條都配搭一流，大大好滿足！不用多言

自己係煙韌控，又鍾意食紫薯🍠，因為海記合桃坊只有九龍區先有，我係港島人遲遲都未去試。終於去開尖沙嘴，即刻plan左去食飯後甜點。 當然一定試紫薯芋圓豆腐花，其實芋圓味道好似種種一樣，無咩味，只係煙韌。紫薯味道普通。 另外叫咗芒果腸粉，同其他甜品店質素差不多，芒果好甜。 又係嗰句，去開一試無妨😃

第一次寫食評就顯俾ICONIC H吧。 熱狗本來就不是我杯茶，但呢間熱狗店已不是小妹第一次光顧，佢已經成為我每次去紅磡必定幫襯既食店，除左有唔同種類既腸仔熱狗，佢仲有其他熱食選擇。 今次我就揀左魚柳包，魚柳炸得好香脆，唔會好似其他快餐店咁得層炸漿無魚肉。再配薯條同凍飲做COMBO，就非常滿足了。 最鍾意幫襯小店，特別有人情味，好鍾意老闆娘親自介紹食品俾客人。呢期出左紫薯系列，眼見當日都有唔少人買，可能因為好多女生都係紫薯控吧！等我下次又試下先，希望呢個期間限定無咁快完啦。

健康素食私房菜🥗 呢間素食私房菜都食左好多年，每次的菜式都會有些改動，晚膳有十餸兩個甜品，以前啲人覺得素會好油，但呢間私房菜絕對唔會，頭盤，燒茄子，咖喱豆腐雜丸同藜麥食都是我比較喜愛

係尖沙咀食野，就算係連鎖餐廳都會比其他地方貴 因為要賺盡遊客錢 呢間快餐店人流好多 由於係快餐形式，所以就係門口收銀處點餐，然後自行領取食物 地方不算太太，衛生一般 不過價錢可以彌補 9成以上係國語人客 職員能說三種語言（中，英，國語）叫號碼取餐 食物價錢$50-$70一定能醫飽肚 係尖沙咀，真係算係咁 我地點左一個芝士海鮮焗飯同雜扒鐵板，雜扒好似差少少，份量不算大、有雞扒豬扒火腿同腸仔 配以蒜蓉汁，真係一般 另外呢到原來出名係米線

以前總認為車仔麵間中吃就可以，雖好吃但始終油膩及有味精。自從於九龍城吃過榕記後對車仔麵的印象改觀，原來車仔麵都可以做得好健康的。

分店鄰近寶林站，吃過車仔麵後再過斜對面聰嫂吃甜品很就腳。

女友選腐乳唐生菜而 L 則比較重口味選了滋味拼盤，當中有豬大腸、南乳豬手、雞中翼及鹵水蛋。特別是豬大腸及豬手最好吃， 不騷彈牙而且很有口感。


女友的白果胡椒豬肚湯驅寒都不錯，胡椒味重但可能因加入白果中和所以很易入口。油麵軟硬度適中，而酸齋及鮮牛肉(柔軟度剛剛好) 份量都算多。



L 則選了姬松茸蟲草花養生湯底，基本上這就是一碗可獨立喝的湯。 湯料極多有粟米
、紅蘿蔔、老黃瓜等。最適合平粗麵蘿蔔的 L ，配上粗麵、蘿蔔 (無渣)、酸齋 (甜酸度剛剛好)、 魚肉春捲 (口感不錯)、 秘製豬軟骨 (另上而且醬汁正)。



L 清碗了，湯底夠味濃郁而且不油膩。亦沒有味精，吃後不覺得口渴。

可能因為鄰近電視城，不少大台藝員都有幫襯呢!


吃飽後肚子都沒有空間再吃甜品了。

今天跟女朋友到了元朗鳳琴街一間西餐店。餐廳有很多食物選擇，有意粉、飯及扒類，亦有提供很多小食。我和女友分別叫了一份牛扒及一份意粉。牛扒五成熟，肉質鮮嫩，十分容易入口。