到荃灣介紹製造商給朋友認識，經過達兩小時的洽談，總算功成身退，是時候與太座吃午餐，街上氣溫達三十二度，胃口受影響，想吃碗麵。離遠看見 Mee，知道是南洋國家叫「麵」的意思，想起南洋的香料，胃口頓開，我們的腳步不期然走向這店。店子是長長的，裝飾簡約但設計獨特，我最喜歡牆上貼著幾卷不同顏色的線。行至身水身汗，先叫兩杯凍飲降溫，點了檳城桔仔冰和黑白椰。太座愛喝酸，杯中有鹹柑桔，青檸和檸檬，冰涼感覺使暑氣全消，最特別是這飲品有甜，酸和咸三種味，其複雜性令人開胃。我喜歡椰子的味道，黑白椰是來自馬六甲的黑椰糖漿加椰奶，超濃郁的椰香味，也很解渴。餐牌以粉麵為主，也有椰漿飯和小食，太座點了蝦麵，而我最愛吃牛，二話不說選了牛麵。這裡有六款粉麵可選，米粉，米線，生麵，粿條，油麵和板麵，人總是多心的，我又想吃板麵，又想吃粿條，可選「滲滲」，即是可選任何兩款粉麵，太座則選了油麵加米粉。蝦麵材料豐富，有兩隻大蝦，腐角，蜆，馬拉小白魚丸，還有些通菜。吃粉麵我注重湯底，好的湯底，麵才會好吃，看著漂浮在湯面紅色的蝦頭油，食慾大增，先呷口湯，味道很濃，很鮮，繼而試油麵加米粉，質素不錯，油麵有韌性，而米粉爽，兩種不同質感同時在口中同室操戈，過程是享受的，大蝦很爽，有彈性，腐角經油炸過，很好味，而魚丸是來自馬拉的，也見爽口彈牙。若是喜歡吃辣，不妨加入附上的一小匙參巴醬，辣中帶鹹鹹香香，也很醒胃。牛麵的材料有美國肥牛，腐竹，蘿蔔和爽柏葉，同樣先喝口湯，有很濃的肉味，與及甘甜的荳蔻香料味，我選的是油麵和粿條，粿條是幼河粉，很爽滑，油麵是煙韌的，兩種不同質感也是很有趣，肥牛不韌，很肥美，輕炸過的腐竹質素奇高，好味到無朋友，爽柏葉也見驚喜，蘿蔔爽甜無渣，整體很滿意。看見鄰座吃炸雞，我們也想來一份，看餐牌原名是香酥脆皮雞，無骨雞塊以魚露醃製，上粉漿炸，外層入口酥脆鬆化，內裏雞肉嫩滑仍帶濕潤，嚐到魚露的鹹香，若點辣味的蛋黃醬，更添惹味，賣$32 一份，相當抵吃。太座回想多年前我們到吉隆坡旅遊，每天都吃 roti 和 teh tarik 作早餐，回味無窮，所費無幾，何妨故夢重溫？Roti 是馬拉拍手餅，粉團在手中拍來拍去，拍至薄薄再重複多層疊好在熱板上烤熟，非常香脆，塗上咖央醬，甜香有緻，確是有水準，而teh tarik 其實是拉茶，紅茶加奶和肉桂經多次拉撞，變得香滑，最特色是用紙盒盛載，內藏杯子，冰凍可口。食物夠地道，會再來。

本來一心想黎食街食辣魚, 點知勁多人排隊..
朋友就決定過隔離串燒店食燒物啦..
天寒地凍, 見到依間拉麵店..好似新開
就決定外賣一碗過串燒店, 暖一暖胃 (特別一讚串燒店老闆, 真好人)
一碗諗住暖下胃既拉麵, 我都唔會特登走上黎寫食評
不過真係幾驚喜..
因為一開頭睇佢餐牌, 都係大路野,
豚肉拉麵, 餃子拉麵呀咁…先50幾蚊..小店一間..
店員都係年輕人多..客人亦唔算太多 (以依條街計)
見到佢即柯打即煮, 見到廚師都幾用心, 慢慢整下麵, 又好細心咁切開個溫泉蛋..
外賣拎走, 雖然都係行去隔離食店即食.. 但紫菜已淋, 無辦法...
拉麵個麵質都不過不失, 最令我驚喜係個湯底..
夠熱, 辣咀的.. 仲要好鮮甜(好似係魚乾湯底..唔記得全名).. 食得出係用心熬出黎,唔係味精水..
塊豚肉亦係高質素, 入口juicy唔韌
估唔到依個價錢, 都真係有流心既溫泉蛋
最後..好難得我會清晒成碗麵
相信留係店入面食會更加好味..50幾蚊找數.. 實在驚喜..
天寒地凍都係一個好選擇..
不過我見條街食店好多.. 老實講,如果唔係辣魚要等…我最初亦未必會試食依間新店..
希望依間小店, 會keep住咁用心整拉麵.. 多d人識欣賞啦!