按著手機的外賣平台App，呢間有堂食七五折，之前其實幫襯過一次，本來已不欲回頭。但快到晚上十點的銅鑼灣，原來好多食店都已打烊，於是我同頭先散場嘅電影女主角一樣，俾多次機會佢。 店員推介我食招牌花膠魚翅雞麵。九十二蚊，係平價餐廳食扮上菜嘅貴價野，咪俾次機會，試下佢虛實囉。那片厚而無味的花膠，就像剛散場啦電影般平淡。不難食，但非鮮甜驚豔。翅嘅質地同味道，又硬又腥，就好似《神探大戰》勇奪金像獎導演同編劇一樣令我一頭霧水。至於雞，咪雞囉。有啲肥，有啲油，有啲癡牙有啲韌。刀削麵係碗野入面最好味嘅。 總結，難食又未至於，同套戲一樣令中容易遺忘。唯一令我記得係佢個價錢，打折後，七十八蚊連豆漿。夠我係譚仔食碗米線，再加碟皮蛋，但滿足感卻比呢度高幾倍囉。

還記得當初太子白楊街，初次食到花膠湯麵的感動。作為本地花膠雞湯麵的先鋒，當年甫開業已大排長龍，周末情況更甚。當年一碗麵賣五六十蚊，不便宜，但呷一口花膠湯，味道濃厚黏口，骨膠原滿滿，雞肉不算嫩滑但份量也不少。當然，膠不是真花膠，雞也是冰鮮貨，但呢個價食到呢個味道，絕對是驚喜而超值。 時光流逝，小店愈做愈大，花款愈來愈多。登龍街開業後幫襯過幾次，水準雖有下滑但味道仍是合格的，偶爾支持回憶也當回憶當初的感動。但疫情影響，收店時間提早了，夜遊人的我近兩年都無再幫襯…直到昨晚（28/2），全城除罩的前一晚，神推鬼㧬之下，食咗相信係最後一次嘅樂湯雞… 一份口水雞，一碗花膠雞湯粉絲。 口水雞上枱就知出事，口水醬色澤偏淡，無辣椒粒，一睇就知係大陸平價醬。花生量少，雞皮深黃，肉質韌，懷疑是熟食來貨或隔夜，睇見都唔開胃。 花膠雞湯一望也看得出比之前的淡薄，但入口仍算ok，最大問題是配料，雞肉較口水雞更差，嚡口無味，完美的刷膠口感；花膠連鱈魚膠都稱不上，浸發到極大嚿但零味道，且口感偏硬。一碗八十幾蚊，份量尚可，但一餐飯的飽足除了份量還講求味道，單是這點已經令身為開業Fans的我大失所望… 「店做得愈大，味道自然愈差」大概是本地食店的不變真理。言而食客也有自己選擇的權利，花膠雞近年也新開了不少小店，當小店失去初心，我又何必戀棧回憶？一口氣打了五百多字告別文，也算對得起這回憶的味道吧。

我最近去咗一間餐廳「春水堂」，係一間人潮湧湧嘅餐廳，見到好多年輕女生排隊入餐。我排左30分鐘先入到去。 餐廳嘅野食都好貴，最平都要80多元，而且野飲都唔包括在內。我叫咗滷排骨飯，但係黎到係炸豬排，份量又細又油。我唔明點解有咁多人食呢間餐廳。 個飯有貢丸海帶湯附贈，但味道好有日本味道。 最尾仲要加一埋單，真係勁唔建議食 總括而言，我對呢間餐廳唔推介。雖然人潮湧湧，但係貴價，份量細，味道亦唔夠好。如果你想食啲好野，我建議你可以找其他餐廳。 --- AI

早幾日經過藍田街市，見到豬手新鮮出爐，咁就買咗一隻返屋企食，返到屋企都仲熱熱地，咁就即刻開嚟食，啲皮係好脆，肉質都ok，但係食多兩嚿，真係覺得超級無敵勁鹹，鹹到不得了最後為咗身體著想，真係唔敢食 食完之後真係好口渴，真係冇必要整到咁鹹呢！

上年同朋友食過一次印象唔錯，今次同朋友慶祝生日再次回訪，試左$490一位嘅Chef Feed Me Menu，由廚師決定我地食咩，充滿神秘感之餘仲抵食過散嗌。雖然表面上好似係廚師決定晒，但其實order嗰時都可以同店員express吓自己有啲咩想食，通常都會盡量滿足返大家嘅喜好😜 估唔到平日夜晚都咁full，睇嚟好多人都鍾意喺呢間餐廳慶祝生日，因為店員會好熱情咁唱生日歌，我地成晚聽左差唔多10次生日歌，氣氛真係好熱鬧🤣 Tuna & Watermelon Tartare 🍉 個人非常鍾意依道開胃菜式，切好嘅吞拿魚粒配搭爽甜的西瓜，出乎意料地夾，口味十分新穎，食落亦清新自然！ Maguro Nuevo 🍣 吞拿魚牛油果卷，以顏色鮮豔的紅菜頭蛋黃醬點綴，擺盤十分吸睛，但味道未有太大驚喜。 Grilled Cod 🐟 鱈魚煎得熟度恰好，魚皮焦脆，肉質嫩滑juicy，簡單嘅調味已經帶出鱈魚嘅鮮味，味道不俗，可惜分量比較細，兩個人share太少🥲 Pan Con Chicharron 🍔 慢煮豬腩肉漢堡包，腩肉烤過後油香十足，配埋辣辣地嘅醬汁，十分惹味😋 Tacu Tacu 🌶 秘魯炒飯好重香料味，炒到非常香口，不過材料只有素，就唔係咁啱食肉獸啦🤣 Picanha🐃 牛臀肉脂肪平均，燒烤過後肉質依舊非常軟腍，而且熟度剛好，肉味濃郁～Oye Papi 🥥 清新嘅椰子雪糕，中和了朱古力brownie的甜膩，係一個唔錯的配搭👍🏻

首先講香格里拉酒店呢個名！五星級酒店係咪！你俾人食既野係低級過3-4星級酒店既食物！ 先講冷盤海鮮！龍蝦🦞一般！咸！貝殼類！成口沙！麵包蟹還好！好多膏！近門口位置有一堆沙律菜！一樽樽既生果！冇咩特別！蜜瓜係冇既！只得低級水果！火龍果，哈密瓜，勁酸既菠蘿！ 熱盤～原隻牛扒係一咬落去可以成排牙可以報廢！蒸海鮮最差嘅賴尿蝦～啲肉係梅既！其他貝殼🐚類係成口沙！勁差！跟住唔知點解係冇蒸魚既？居然呢個價錢係食蒸茄子，龍利柳，薯仔粒！四季豆！最莫名奇妙係將2款中湯西湯放係熱盤入面！蒙混過關!仲有！自助餐食燒味嫁！燒鵝 叉燒 鼓油雞！仲有咩鵝肝！腥臭味！食完要飲一杯水！仲有！食咩雞扒多士！ 基本上就完啦！之後咪食甜品囉！蛋撻有蛋撻食呀！幾巴閉！ 留意返$788係得2個小時食野嫁咋！準時埋你單！提醒你7:30要離開咁囉！ 總結！不知所謂既五星酒店！俾呢個價錢食茶餐廳既野！食完2個大人又屙又嘔！！不知所謂！ 千萬不要中計！🤢🤮🤮🤮🤮🤮🤮

其實上環中環嗰邊都有好多好嘢食，佢哋嘅位置相當佢係比較偏僻，但係其實果邊小店嘅食物質素係好高下👍👍今次等我為大家介紹下佢哋呢一間係食法國菜嘅餐廳，佢哋門口出面樓梯間嗰度，入夜嘅時候係會開咗啲串燈，如果入夜嘅時候過嚟打卡係會好靚㗎✨💗

🔸龍蝦湯牛角包 +$28
真係未試過食牛角包入面係包住龍蝦湯🦞一切開龍蝦湯係嘭嘭聲流出嚟（睇圖）一係唔鍾意食包嘅我，但係入面包住咗湯，夾埋嚟食嘅時候，個包就唔覺得好乾，牛角包外層做得好鬆軟 ，口感分明👍😊

🔸蟹膏牛角包 +$48
哩款食物都係一樣震驚到我，佢入面切開就係有好濃烈嘅蟹膏🦀，而且份量一啲都唔孤寒，絕對值得一試😛🤣

🔸龍蝦汁蟹肉伊麵 $148
龍蝦汁極多，平時食意粉就食得多啦💞伊麵相對係西餐入面就會出現得比較少，由於面嘅質地本身就比較軟身，所以佢索汁能力就會比較強👍✨蟹肉鮮甜，每條
伊麵都做到掛汁😛

🔸香煎慢煮牛面頰 $158
食開牛面頰🐄既人都知，呢個部位嘅肉係最嫩口，佢嘅肉質係好嫩滑好juicy，冇overcook，配埋咖啡味嘅薯蓉係好特別👍🤣✨

🔸真空慢煮芝士蛋糕 +$28
芝士味濃郁，偏硬身cheese cake

🔸提拉米蘇芝味特飲 +$25
哩杯特飲係咁係staff recommend既，佢幾有趣嘅，佢會可以自己喺杯飲品上面加返木糠沈上面👍😛100%還原提拉米蘇既口感+口味，啡味唔係甜口個種

🔸玫瑰芝味特飲 +$25
個人幾鍾意呢個野飲，因為成餐飯入面食嘅嘢都係偏濃嘅，佢玫瑰茶做底，個味道相對清新啲，芝味唔太鹹，唔會搶左玫瑰茶味🌹而且茶係有助解膩👍👍

最近唔少朋友話新界嗰間分店無以前咁好食，又話呢間好食d,我無comment，因為淨係食過好食嘅(港島/九龍分店)~ 呢排出去食飯都係約自己做完運動嘅時間，發覺做完先食嘅感覺好d, 食飽都唔會頂住，又唔會太有胃口食多咗。 天口熱，飲杯烏梅汁，好酸！我咁食得酸嘅都話酸，應該有糖但超級少！又凍又酸，超醒胃又解暑！ 食大排檔一定叫d屋企或出面少食到嘅野，姐係炒野煲仔炸野。 超多炸薯粒嘅蜜椒薯仔牛柳粒，每粒都炸得好好仲每邊都沾到好多汁！勁送飯 沙爹金菇粉絲牛肉煲，好少粉絲，應該正名做芽菜煲，你睇d芽菜多到！沙爹少少辣，上枱夠晒熱，又未至於炸炸聲嘅 牛肉唔係薄切切嘅肥牛，係炒牛河嗰種牛肉片，好大片。 整返個健康菜先，炒菜又係好難掌握嘅野秀，屋企煮會煮到淋晒無牙咁，出面可以食到爽脆嘅菜！！仲唔會太蒜。 仲送埋糖水，唔知而家仲有幾多中菜有得送？平時好少食中式糖水，普遍都太甜，我又要求高，唔夠薑唔夠熱都無興趣thx！呢碗蕃薯糖水好夠薑，蕃薯好淋，勁熱，甜同薑嘅辣好balance, 真正感受到飲落喉嚨好舒服嗰種感覺!!!!!!!

扒房就食得多，但韓式扒房你又食過未？香港首間韓式扒房最近進駐灣仔區，餐廳糅合西韓飲食文化，將韓式燒肉與西式嘅乾式熟成肉類處理方法結合，為食客帶嚟與別不同嘅韓食體驗👍🏻 . 餐廳環境以酒紅色為主調，感覺型格奢華！除咗有多款特色韓式料理及燒肉供應外，餐廳仲自設熟成櫃，主打「28日自家乾式熟成肉」，肉類經過熟成後，口感會更為軟嫩，肉味更濃郁👍🏻 🇰🇷Steak Omakase Selected Cuts（$380/位） . 《韓式前菜》 可refill嘅開胃前菜有五小碟，包括醃漬雜菜、醬辣小螃蟹、韓式泡菜、涼拌芽菜及韓式小魚乾，另外仲有大蔥沙律！當中最鍾意醬辣小螃蟹，味道甜甜辣辣，連殼食好香脆，係幾有特色嘅前菜😋韓式泡菜係自家製，味道調配得幾好，唔會死鹹或好辣，幾啱口味😋 . 《生菜包及自家包飯醬》 生菜包有生菜、沙律菜、紫蘇葉、青瓜條、甘筍條、車厘茄、蒜片及青椒，不論賣相或味道都好新鮮👍🏻自家包飯醬味道有啲似味噌，配燒肉幾好食😋 《白切肉》 以紫蘇葉包住經過烹調嘅五花肉，配以辣椒、泡菜、蔥粒及醬汁等，食落有少少辣之餘仲有好香紫蘇葉味，另五花肉口感彈牙，唔會覺得油膩，真係幾好食😋 《韓式蒸蛋》 蒸蛋以石碗蒸煮，就算擺耐咗都仲溫熱👍🏻另份量都幾多，口感軟滑，而蟹籽及冬菇令香氣及口感都提升咗不少😋 《Steak Omakase》 🥩熟成醬油牛肋骨 牛肋骨經過熟成及醬油醃製，味道帶甜，而且醃得好入味，重口味愛好者應該會喜歡🥰 🥩和牛羽下肉 取自牛肩胛中軟嫩嘅部位，油花豐富且均勻，肉質幾嫩又帶些少嚼勁，確係唔錯，推薦👍🏻 🥩是日熟成牛肉 是日牛肉係美國最高級別USDA Prime西冷，正常只有最頂端2%嘅肉品先可獲得此品質認證👍🏻西冷經過熟成後，口感的確好軟嫩，牛味更濃郁，正💯 🥩韓國五花肉 燒過嘅五花肉賣相好吸引，油香四溢又帶點爽口，伴隨生菜及自家包飯醬同食，不但可解膩，口感亦會較豐富👍🏻 《平壤冷麵》 主食有三款可揀，最終揀咗冷麵，打算平衡返食咗咁多燒肉嘅膩感😆冷麵冰涼彈牙，加咗白醋及芥末後，味道酸酸辣辣，解膩之餘仲好啱呢個天氣食👍🏻 《甜品》 是日甜品係奶味極度濃郁嘅雲呢拿軟雪糕，雪糕不但軟滑，配埋蜂巢蜜糖及菠蘿乾，真係勁好食🤩超想食多杯！ 🇰🇷和牛三角（$280） 三角肉取於牛腹肉與腰脊肉嘅中間部分，油脂較多，屬稀有部位！呢款和牛係A4級，有好靚嘅霜降紋，賣相好吸引😍食落口感軟腍，油香及肉味香濃，係眾多肉當中最豐富出衆，所以亦係最膩，但我鍾意😆 🇰🇷提子梳打（$48） 🇰🇷1664白啤酒（$68） 啤酒配燒肉一定係perfect match啦😆反而提子梳打味道比較普通，味道稍為甜咗少少🤏🏻但配燒肉同樣又夾又解渴嘅！ 呢款Steak Omakase套餐既食到餐廳主打嘅乾式熟成牛，又食到多款不同韓食及燒肉，仲有店員為我哋燒肉，全程只需繑埋對手等食就可以，性價比真係超高🤩非常推薦👍🏻

今日下午就想去試下呢間野 見佢賣相唔差就諗住試試 咁就買左個炸雞飯團同薯條 由於我係男仔 食量本身都唔細 一叫到我個號碼一攞上手就知出事 輕到都唔知有冇一包紙包飲品咁重 都算喇 買番屋企食 一打開個包裝就更加失望 話就話炸雞飯團 但得果3舊 仲要好細舊 而且仲好厚粉 食粉多過食雞 再加上個飯團入面塊午餐肉好薄 好吝嗇 明明都收40蚊 切塊午餐肉都咁 都幾離譜 個飯團勁多醬 似食醬多過食入面d料 最後個薯條沒期待過 始終呢間賣飯團 但不出所料 完全沒味 少少調味都冇 呢間野一次都可以唔洗試 試伏一次都嫌多 男仔嘅話係完全唔夠食