黎食飯要受氣 老實講 廚房唔係差 但係樓面絕對係垃圾，得收銀女人叫好 ，同班後生有禮貌，其他幾個 唔係食煙就吹水 完全無禮貌可言 ，一間餐廳 你叫乾炒牛河 冇用架，班樓面 唔會自已記點落單，淨係會叫客人 自己講個號碼比佢地聽，餐廳初期開都體諒下，點知開左一排 員工只會叫你比號碼佢地，試過叫乾炒牛河，佢叫我搵返號碼比佢地😂😂我做埋佢地果份，咁樣既我 不如整返個自助落單啦，咪可以請小幾個樓面 ，反正成班都無乜作用 ，完全可以講係食米田共拉飯 餐具污糟

無意中search到這間「食口福」快餐店，見之前食評都話「漢堡包」好味。因公司有個客係葵涌，所以見完客，專登過哩試下！地點好易搵到！店舖環境係比較懷舊的快餐店。晏咗，原先想叫的雞肶賣晒了，失望！改咗叫「黑椒雞翼意粉」雞翼香口，但略嫌偏咸咗少少，意粉比較濕，黑椒汁有洋蔥粒、黑椒粒..味道普通。例湯（節瓜眉豆煲豬骨）都幾足料。凍檸茶冰比較多。E碟整體上一般。之後外賣了主角~「 漢堡飽包」拼薯條和家人一同分享。漢堡扒是即煎的！牛肉厚度，足3両，份量十足！燶燶地，正！牛肉味足，淋身一點也不鞋！牛油的味道，和沙律醬好夾！其實漢堡牛肉餡己夠味！（已混合了洋蔥粒及其他醃料，雖略咸但都唔錯！唔錯！店員都好nice.待客態度友善。

為方便友人上堂，繼上次巨一後再次到佐敦搵食，今次鋸扒 - 牛屋餐廳。
牛屋約有二十個坐位，是晚平日約八成滿，不用搭檯。
既然來到，當然想食得特別一點；放棄了$78的set dinner，揀了網上好評的「招牌焗威靈頓牛柳」$188。
中文寫「威靈頓牛柳」（非牛扒），反而英文寫明是「Baked New Zealand Wellington tenderloin」，即紐西蘭牛柳（註：威靈頓是紐西蘭首都）。
套餐只包括餐包及湯，另加$3有冷熱飲（此店無論任何套餐均不包飲品）。餐包屬普通貨色，但預先已塗牛油及烘熱。餐湯有紅白選擇，揀了忌廉湯，味道不錯，質地較＂杰＂，並無溝淡。
主菜「威靈頓牛柳」其實是焗牛柳，上檯時就似是一個批，因為牛柳外層被酥皮包著。切開後見到厚厚的牛柳在中間，是次點了五成熟（不過似乎變了七成熟）。因為牛柳本身是tenderloin，即近腰部的嫩肉，非牛扒，所以肉質十分腍；難得是厚切牛柳加酥皮，外脆內腍，兩種口感，十分好食！
另外點了個「焗意大利帶子安格斯西冷」。帶子有兩粒，普通size，味道OK無特別；安格斯西冷幾大塊，一般的厚度，帶少少筋，質地夠腍（當然不及超腍的威靈頓牛柳），味道唔錯。惟一的問題是我們點五成熟，但明顯已達七成，否則應該更好食。
食物的質素是不錯的，以價錢來講我覺得尚可接受，但加上環境因素後又會覺得有點偏貴。總括來講是可以一試。