係咁難book 位既媽媽節。老闆知我勁想帶媽媽來試。就比到一張台我。起初帶住老爺奶奶媽媽哥哥細佬老公一齊去到觀塘工業區。大家都比門面裝修給大打折扣。仲不停問。咁既工廈會有咩咁特別好食呀。結果一行7人上到去。見到熱情款待的老闆同待應招呼。我們一坐下。他們便開始上菜。因為菜式之前已經選好。而且老闆仲好細心咁係餐牌上印埋客人姓名。感覺好像食緊一間獨一無二既菜式。

入正題啦。本人揀選最便宜個套餐。但質數居然唔差得嚟而且用心制作。雖然家人對門面大打折扣。但係食物取勝。各樣精美食物都令我覺得可以再回頭的食店。

呢間私房菜入口放了以水種的有機菜，這個擺設唔錯又可以給客人看看食材。- 芝麻醬有機沙律菜 : 清新沙律菜就是從剛才門口水種田中摘出來食用的，菜身顏色鮮綠，加上水嫩紅透的車厘茄，混上芥辣，味道十分開胃。- 保健秋葵真味加涼伴萵筍絲 : 秋葵個心滑潺潺感覺好特別，加上芝麻醬分外香口。涼伴萵筍絲沒有多餘的調味，清淡的來又不錯。- 茶燻流心蛋伴黑魚子醬配厚切茄子﹕流心蛋外層有燻過的香茶燻味，炸過的厚切茄子不油不膩，兩者都令口感豐富，賣相精緻。加點黑魚子醬個味道就更好。- 原盅燉哈密瓜螺頭黑毛豚肉湯 : 湯底好清好甜，螺頭同哈密瓜的渣幾好味。- 蝦球水芙蓉 : 以蒸蛋白配蝦，而蛋白上還加上薑味的上湯，一定要上湯加蛋白一齊食，先好味。而隻蝦夠爽口。- 清酒鮑魚 : 肉質爽滑，鮑魚好大隻同充滿清酒味。鮑魚肉很煙韌。- 士多啤梨豚肉伴草苺 : 一塊以沾滿士多啤梨汁的炸豚肉，夾上窩巴一齊食，酸酸甜甜好味。- 鮮魚湯浸碧綠溫室菜苗 : 用鮮魚湯浸的溫室菜苗賣相精緻，鮮魚湯味鮮，菜苗夠嫩，我喜歡將菜苗弄散全索取魚湯味道再食。- 荷香蒜蓉海斑片原籠蒸鴛鴦飯 : 原來係健康的紅米飯，海斑片鋪上香香的蒜蓉，撈飯食絕對是簡單又滋味。- 甜點 : 甜薯波波脆味外皮，心是熱的，食落好鬆軟。另外一款是雪糕，味道正常。

帶小朋友到愉景新城逛越來越開心，由地下至二樓都有不同的遊戲設施，今天星期六，地下很熱鬧，很多小朋友跑跑跳跳，氣氛十分好，感覺去了派對一樣。玩攰了，便由小朋友選擇一間餐廳嘆個下午茶。小朋友還記得四月時曾經去過FULLHOUSE食午飯，當時他有提出想吃雞蛋仔，今日終於可以滿足他的要求了。地方依舊，但是人流明顯比四月時多了很多。

這裡有一些比較地道的小食，我們選了朱古力味雞蛋仔($20) 和藍梅芝士蛋糕($28) 。朱古力味雞蛋仔由於是即製，所以等了大約二十分鐘，＄20 一底雞蛋仔不算平宜，但是這裡有舒適座位，更有免費的清水任飲，本人覺得合理吧。即製的雞蛋仔，上枱當然是熱辣辣啦，首先嗅到少少朱古力香味，咬開一半後入面有一些朱古力醬，口感不是太軟那種，有少許嚼勁，朱古力又不會太甜，我們二人不停的吃， 不停的咬開看看，發現並不是每一粒內裡都有朱古力醬，感覺像尋寶一樣，二人玩得很開心！藍梅芝士蛋糕上枱也不馬虎，碟上加了少許朱古力漿在旁邊，視覺上加了分。芝士蛋糕的質感頗柔軟，芝士有淡淡的清香，味道又不算濃郁，上面的藍莓少少酸，少少甜，配搭得宜。小朋友就覺得太淡味，只吃了小小，反正益了我，哈哈哈！愉景新城大翻新，帶來了很多不同的餐廳，令到家住附近的我多了一個出街吃飯的藉口。

難得放工落深水埗唔知食乜好，維記又多人。係黃金後面發現左間生煎包，又見唔洗等位，就試呢間。

生煎包梗係必叫啦，果然招牌菜冇令人失望，超多汁同即叫即煎，係值得一試。

但其他野就普普通通，上海粗炒夠味，而担担麵就唔夠香同埋唔夠辣，不過特別要講既係上海炸排骨湯麵。。。炸排骨竟然變左係叉燒。。。呢樣真係估佢唔到!!!