難得今日準時收工，好想去銅鑼灣Donki行下，又想避開人潮，所以揀咗去金百利廣場食個Quick Dinner。 差唔多成幢都係餐廳，之前試過好幾間，今次一於試下築地日本料理。上到去七點，餐廳已經Full左八成🤣 芝士雞卷 ($65) 先黎芝士雞卷打頭陣，外層炸得金黃酥脆，雞卷多肉多汁，肉質嫩滑，中間釀左青瓜同Cream Cheese，加埋甜甜地既醬汁同鮮甜多汁三文魚子，食落幾有層次。 左至右： 18禁三文魚、海膽魷魚、海膽壽司 18禁三文魚 (@$10) 其實係辣味三文魚，不過呢款係Double Spicy，食落好刺激，好有後勁，幾有新鮮感。 海膽魷魚 (@$14) 好足料，味道鮮甜濃郁，爽口彈牙，一啲都唔腥。 海膽壽司 (@$28) 同樣味道濃郁，海膽份量算多，但唔算好鮮甜，中規中矩。 蟹子沙律腐皮 (@$14) 呢款有驚喜，賣相精美，蟹子同青瓜沙律口感爽脆，加埋微甜的腐皮係一個好配搭。呢度嘅蟹子沙律應該幾受歡迎，發現身邊每一枱都有叫，下次要試吓😛 帶子壽司 (@$18) 略嫌薄身，新鮮但唔夠鮮甜。 劍魚腩壽司 (@$15) 朋友話幾好食，口感柔軟厚實，肉質細膩。 油甘魚壽司 (@$16) 油甘魚結實爽口，味道鮮美，可以一試。 芥辣八爪魚 (@$12) 又係其中一款至愛，濃郁芥辣，好有刺激感，八爪魚清脆爽口，好好食😋 香蔥碎吞拿魚腩壽司 (@$15) 吞拿魚腩伴上蔥花，香得黎又軟綿綿。 蟹子壽司 (@$10) 價錢完勝，蟹子卜卜脆，鮮味爽口。 龍蝦沙律 (@$12) 好多龍蝦肉，肉質鮮甜彈牙，不錯。

本來打算叫2碗拉麵，如果好似我地咁想食鰻魚飯，計落二人餐($258)會抵食啲，仲可以揀3款小食，所以2個人黎我會推介大家食套餐。 《北海道醬油拉麵 另加$10》 套餐只限普通拉麵，我地加$10轉左北海道醬油拉麵。黎到真係比個Size嚇一嚇，好大碗！感覺拉麵同配菜份量都係比出面多，有厚切叉燒、粟米、大蔥及竹筍。 麵條彈牙偏硬身，而且做到掛汁效果，係我中意的質感，湯底偏深色但唔會過咸，係濃郁的醬油味。叉燒有一大塊，厚切肉腍，做得不錯。 《鰻魚飯 另加$10》 鰻魚燒得幾靚，厚肉肥美，有肉感，無過份軟腍或散開，有鰻魚的甘香，碎骨唔算多，醬汁香濃，如果再熱辣辣d會更加正。 《燒雞翼及燒雞軟骨》 兩款都有驚喜，燒雞軟骨香脆有嚼勁，仲帶少少肉，好易咬開唔會過生過硬，配埋汽水勁爽。燒雞翼腌得好夠味，多肉口感算嫩滑，唔加檸檬汁已經幾好食。 《燒多春魚》 燒多春魚就不過不失，多春無苦澀味，但燒得偏乾左啲。 最後食完仲有口罩送，不錯不錯👍🏻

以前去韓國掃街食過熱狗棒覺得幾好食，估唔到而家香港都有得食！ 主要分爲熱狗腸同芝士拉絲夾心，另外仲有濟州年糕、三文治。整一條大概要3-5分鐘，等候期間都不斷有客人光顧，仲有唔少外國人，比想象中受歡迎。 《芝薯拉絲熱狗棒 $34》
望到Menu已經好想點呢款，外層包裹著薯粒再攞去炸，金黃酥脆重薯香，口感似係薯條粒，有空氣感唔係實淨的薯團。裏面係超級澎湃的芝士拉絲，既煙韌又軟綿綿，用左淡芝士所以唔會越食越咸。 《車打芝士熱狗棒 $32》
叫多款有熱狗腸試下，外皮炸得好脆身，加埋咸香味偏重的車打芝士同香腸，完全係Classic口味。 《柑橘、綠茶紅豆年糕 各$20》
唔知原來濟州年糕咁出名？望落好似平時食開既糯米糍，心思思叫左柑橘同綠茶紅豆。年糕咸咸地幾煙韌，柑橘嗰款比較好食，店員叫我地解凍5分鐘先好食，有種食緊柑橘冰Frozen既口感。綠茶紅豆亦唔差，質感細滑，兩者味道平衡得幾好。

每次去葵廣既主要目的都係食多過買，已經有一段時間無去，所以見到新店都會特別興奮。 唔肯定呢間【Comebo Bar】係咪新開無耐，位置係喺麻辣粉皮同鹵味食品中間嗰條通道，係有少少隱蔽，我都搵左一陣先見到！ 有黑糖波霸、芝士鮮果茶、鮮果乳酪、芝士茶、梳打等系列，仲有雞蛋仔小食。 本身想試下賣相好靚仔的《紅豆宇治抹茶》，可惜係期間限定飲品，最後揀左杯宇治抹茶拿鐵。用上日本直送的《丸久小山園》抹茶粉，品質不錯，茶味濃郁帶有少少苦澀。

有次到天文臺道食飯，無意中發現附近有不少特色餐廳，今次早少少過黎食個Early Dinner，揀左呢間852諧音的【8Five2 Restobar】。 下午5點多，已有不少人喺度Happy Hour緊，餐廳播住英文歌食Shisha，成件事係幾Chill~ 《Corn Cheese Croquette $78》
玉米芝士炸丸子外層炸得好Crunchy，切開有流心芝士好正，口感軟綿綿，芝味幾出，另配甜辣的Bloody Mary Relish，少許辣味作點綴都不錯。 《Fish Taco $118》
食墨西哥菜最期待就係Taco！呢度都有5-6款，我地叫左炸魚Taco，炸漿唔會太厚，炸魚塊亦唔油膩，酸酸辣辣的醬汁，配埋青檸汁同沙律，食落香口之餘唔會過膩。 《Buffalo Chicken Nachos $118》
見到有唔少人點呢款，Nachos配料都唔少，揀左Buffalo Chicken，紅黑Nachos幾搶眼，Buffalo醬汁的手撕雞，仲有醃洋蔥、辣椒、Greens等Toppings。呢款會越食越辣，但我幾中意醃洋蔥有解辣作用，口感清脆酸甜，整體口味亦更有層次。另外，有牛油果同Sour Cream Dipping，個人覺得Nachos已經好夠味。 《Chilli Garlic Chicken Quesadilla $108》
大蒜雞肉墨西哥餡餅，雞肉份量超多，加埋軟熟芝士同墨西哥辣椒，越食越刺激！我最中意沾Sour Cream同番茄醬，因爲餡餅本身有啲辣，加左呢2款醬可以中和一下辛辣感，Sour Cream亦可以將芝士香味昇華。

身為麵食控既我終於可以一嘗期待已久既老媽拌麵，仲要開係將軍澳，行10分鐘就食到~
上網睇返資料，發現呢間老媽拌麵榮獲即食麵達人評選為十大即食麵排行榜中的第七位，真係有d料到！



嗰晚收夜左，差不多9點幾先食到，餐廳keep住條人龍，排左半個鐘先入到去。可見有不少捧場客。入到去即刻揀食物，我二話不說點左佢地既人氣老成都擔擔麵，麵條有刀削麵同幼麵可選，我當然要試試招牌刀削麵，友人則點左川味紅燒牛肉麵。因爲太肚餓既關係，每人仲叫多左一樣小食，同埋飲品。
首先人氣擔擔麵帶d微辣，麻味重d，反而令到個麵麻香味重，食落更加有層次，特別適合食唔到太辣既人。我仲好中意粗麵口感彈牙有咬口，配埋肉燥、花生碎味道更香濃，就連其它玉米仔、白菜、溏心蛋都係誠意之作，特別係玉米仔煮到林，食到甜味，有d餐廳反而係生到唔敢放入口。


友人既川味紅燒牛肉麵份量亦好足，一碗有5塊牛肉咁多LOL牛肉煮到好林好入味，而幼麵都不比粗麵差，keep到彈牙口感，不過個人稍微推介人氣粗麵。
我地叫左兩款小食，酥炸甜不辣炸到外面好脆口，裏面就軟身，中意薄薄一片，沾d辣醬食已經好好味；另一款係澎湖花枝丸，又係炸到表皮少少脆身，内裡好彈牙多汁，呢個香口小食超級推介!!

食咁多香口野點都要下一下火，叫左杯仙草茶，甜度適中，如果再多d仙草有得咬下就再正d；友人嗰杯冬瓜檸檬酸酸地幾開胃。

今日終於一嚐日本過江龍壽司店美登利😋仲記得上次去日本實在太太太多人排隊，係好想試，但見到條人龍就嚇怕左。 有次經過發現旺角雅蘭中心開左香港分店，又係超級多人😂結果最近先試到😝 兩個女仔實在叫得太多份量...首先叫左個極上吞拿魚盛合🍣 2百幾蚊食到咁多款唔同既吞拿魚部位真係相當抵食！吞拿魚腩魚油甘香、入口即溶，吞拿魚蓉蔥花小卷都好足料，超級好味😭 兩個人share一個盛合已經飽左大半，不過一場黎到，忍唔住試多少少其他壽司🤣包括每次食壽司必定叫既炙燒左口魚裙邊壽司、海膽軍艦、帆立貝壽司，值得一提海膽好鮮甜，海膽份量多到差唔多跌落黎haha 另外叫左平時少有既象拔蚌壽司，口感爽口、少少甜，幾得意既！有興趣既朋友仔下次可以試下～

年輕時，曾在45分鐘內鯨吞20球 regular size 雪糕，食Buffet 亦可狂掃海鮮、刺身、牛扒、甜品再加兩碗麵都無問題，仲可以隔一陣再食過。



今年香港萬麗海景酒店內的 Mirage Bar & Restaurant 繼續推出YOLO 巨型狂牛漢堡，身邊有不少好友在推波助瀾，希望在下出手。



挑戰方式有兩種，個人賽要係40分鐘內，鯨吞一個巨型狂牛漢堡連薯條，而雙人賽是縮短了時間，只得30分鐘，另加七枝不同的本地釀造啤酒。



話得比賽，當然有獎勵，但凡挑戰成功的客人，將留名於 Mirage 的名人紀念冊上，而最短時間的一位，可以獲得價值港幣$11，079，連續兩晚園景客房住宿連雙人自助早餐，其他豐富獎品包括萬麗咖啡室雙人自助晚餐及各款餐飲禮遇，超豐富的，只要閣下有「食力」，奪獎絕無問題。



講返今次挑戰，早前已經有幾位實力食友出戰，但都鍛羽而歸，於是決定拉埋另一位千杯不醉食友E，7枝啤酒連蕃薯條交由食友應付，而自己就決戰巨型狂牛漢堡。



其實由早餐到中午都只是平日3成食量，已盡量保持「餓餓地」既感覺，而食友E就更加連午飯都放棄，夠認真了吧！



應戰地點就在香港萬麗海景酒店內的 Mirage Bar & Restaurant。



準備時間大概20分鐘，當整個套餐放上檯時，兩位麻甩已經即時滴汗，因為單是牛肉已達重量級的800克，上下兩層麵包已經等如一磅白麵包，還未計煙肉、洋蔥、酸瓜、蕃茄及生菜，誇張到一個點。



未開始時，先將漢堡切成4份，方便計算時間，其實頭8分鐘內已經 KO 了1/4 件，成績不錯，但及後的1/4件，勉強係20分鐘左右消滅，而食友E平日千杯不醉，但飲到第4枝加埋薯條已經飽飽地，跟手食其中1/4的漢堡，但去到26分鐘，兩位麻甩已經完全給 KO 了，想不到多年來建立的自信，這一刻是蕩然無存！



事後，聽聞今年最快紀錄是24分鐘左右，講真，未挑戰過實在難以想像箇中難度。



若閣下好鍾意食漢堡，但又怕難以消滅，那不用怕，Mirage的廚師團隊亦特別設計了另外6款趣意漢堡。



人氣榜上第一位的波士頓龍蝦漢堡（港幣$318） ， 水煮波士頓龍蝦，肉質爽彈，配上甜甜酸酸的檸檬蛋黃醬，令龍蝦的味道更加鮮甜。



至於香辣煙肉漢堡（港幣$238） ，內含六塊香脆煙肉，加上香烤墨西哥辣椒及地獄燒烤醬，陣陣辛勁直擊大家味蕾。



想轉口味？有炸雞漢堡（港幣$218） ，選肉厚多汁的蝴蝶炸雞胸用，放入醃紅菜頭、牛油果、放養雞蛋及大蒜蛋黃醬，口感豐富，又有層次。



還有墨西哥牛肉漢堡（港幣$238）、德州手撕豬肉漢堡（港幣$198）及經典牛肉漢堡（港幣$188） ，總有一款合心意。



如果心多想每款都試勻，餐廳又有一式六款迷你漢堡（港幣$348），真是照顧周到。



而且所有漢堡均配有脆炸粗薯條、炸番薯條或清新沙律，供應日期為2018年3月19日至4月30日，算起來還不到十天，要挑戰 YOLO 巨型狂牛漢堡，又或者想品嚐其他六款優質漢堡，就要快手！



老實講，今年英名盡喪，家陣考慮比自己一年時間，出年看我捲土重來！

吃飽拉麵行經利東街甜胃忽然甦醒！OK OK吃雪糕好嗎？？

0

就是被Okashi Galleria x Calbee Plus的Cremia軟雪糕吸引著！店內除了有牛奶、宇治抹茶、朱古力三款口味外，更同時推出限定金枕頭榴槤味很切合我的重口味啊！款式為香港獨有去日本也吃不到喔！

0

金枕頭榴槤味CREMIA＄45，買第二支有半價可惜這夜毒食！外表跟原味不大分別，但灑上泰國金枕頭榴槤粉末，味道天然不過只限第一啖感受到！不過25%北海道鮮奶油做的軟雪糕確香滑口感特佳，而且香而不油膩又不過甜，最正是配上的曲奇脆筒香脆迷人非常，如大家有吃過白之戀人便知道那口感跟味道！

0

Btw利東街放滿這些紫色擺設好美呢！有你陪我食雪糕又多點浪漫氣氛呢！！

0

銅鑼灣大多小食進駐禮頓道，除了有老牌丹麥熱狗、駐名抹茶Via Tokyo、丸作芝麻珍珠或是媽咪雞蛋仔等，近期更有一股雞翼入侵此地，周邊都有學校包圍，相信很快便成為學生們的聚腳點。 雞翼大本營的確雞翼是主打菜式，其次是薯條、洋蔥卷或是Corn Dog等。雞翼有原味或辣味之分，另外更有黑松露牛油雞翼。牆身以黃色為主色，貼有Just Wing It! 雞翼真的細細個已喜歡，此店除了即叫即整熱騰騰，接近有15-20款的醬料隨意任你點。包括有：水牛芝士、蜜糖芥末、燒烤醬、千島醬、花生醬、蛋黃醬或芝麻等，完全混醬任你點。 特別喜歡洋蔥圈及薯條，炸至金黃色脆而且添加醬汁後更加滋味無比。薯條粗多熱騰騰，可口美味簡直是放學的恩物。洋蔥圈的香脆，真的令到愈食愈吃。 另外還有新出的健康提醒飲品，黑色的罐裝味道有點像提子味道，容易入口不錯。