服務態度奇差，店員黑口黑面，使用點餐系統時遇到疑問都不想答我。上菜時食物掉在桌面，唔發脾氣都幾乎唔想換俾我，食物質素亦都唔得，可能佢哋個目標只係遊客，總之我就唔會再幫襯

晚上6點幾去食晚餐 首先，服務，餐廳電子落單ok，但係隔離枱一班老人家想落order都叫人電子落order，好心啦，唔係忙就幫下人 食物，order左花雕醉雞蔥拌粗麵，麵好食少咸，雞有苦味多碎骨，另外仲有酥炸排骨乾拌刀削麵，排骨味道正常無骨ok，乾拌麵勁咸麵未煮熟 飲品，好飲，但order左少冰都成杯冰，天氣熱想幫手降溫？冰融到飲品味道，沖淡晒 最後，清潔，好死唔死坐個位望正洗野位，阿姐清完食完碗碟，手都唔洗又做其他野，太那渣了吧 好係咁，完，88，不喜勿插

人生第一編劣評就送俾佢地😪😪 工作關係不時到此午饍，入去冇人招呼已見怪不怪，現在用電子落單放低張紙就行開，作為一間普通餐廳，都不抱期望。 但店員既態度真係好有問題！ 樓面眼見午飯時間有4個人，人手絕對足夠，但上菜勁慢，幾個店員見到廚房出左菜都唔會主動上菜俾客，經常排到出菜區滿晒，冇位擺啦先送餐，多客做唔切可以理解，但間鋪唔滿客都係咁，有時仲要刻意攞開啲，要儲夠幾碗先上菜，見過好多次店員經過都唔上菜！ 叫店員幫手，係要截停佢，佢先有反應！你望佢，佢地會避開你眼神扮睇唔到！揮手要揮到好大動作而令佢冇得唔理你先會過來，回應既態度仲要勁悔氣，我唔係要你笑吖，但我冇欠你㗎！我來食個飯咋！ 經常漏單和遲出菜！先講廚房，已經係零子落單，諗唔到點解可以經常漏單！不論客多定客少！同一個order實會漏一個，要你追先係叠單搵返個order出來！其實大部分餸都係預先整好或者加熱返，但煮碗麵要半個鐘？！最離譜係遲來落單既另一枱客仲上菜快過我哋，估計個廚房鐘意做邊張單先就做邊張，唔跟次序既！ 追店員單永遠都話你叫既野係耐啲，仲要黑口黑面！咁點解釋人地遲來既會快啲？我叫既野同人地既係「一樣」喎！跟住就黑面行開，唔好意思都冇句，仲冇諗住幫個客去跟下！其實已經常常看到，追佢地單，應左你，跟住就冇理的！要你追到炆啦佢先行埋去出菜位問廚房！ 間鋪地方唔大，要服務既枱唔多，但諗唔到點解可以咁差既服務！呢類食店，我哋只係要合理既待遇！唔怪得人人返大陸消費，檢討下啦！

第一次食燒肉like, 之前見好多人排隊去試，見荃灣都開左咁咪試下囉。。。點知，我點錯日， 我點左個鵝肝，牛肉同牛小排餐， 牛肉比較有肉味同硬，口感麻麻，牛小排比較對我口味，鵝肝我燒焦黑，因為顧住玩手機，無留就燒焦左，不過如果有鵝肝嘅燒汁去點更好 醬料都多選擇嘅，不能盡錄 飯可揀150g 200g 等，值得一讚 跟餐有湯，有沙律同飯，飯可揀白飯，加紫菜蛋等 環境：ok 無油煙 服務：又係用code更要用網上平台付款，有一刻反思，如果無手機，無用線上支付嘅客人係咪佢地就唔招待呢，佢呢個價，去牛角食lunch都係差不多。。。。所以佢地無咩服務可言 總結：會再多試一次牛小排同鵝肝，一個人去食燒肉都唔會尷尬，呢個可能係selling point

五月中經openrice 訂位，試了這家餐廳，結果有點失望 雖然食物味道不錯，分量足，但服務不行，當晚得三個待應，等好耐無人落單，等好耐，叫了三次才埋到單，最誇張係隔離枱少左張凳都叫人入座，係無左張凳情況下都仍上左個湯同麵包，這間餐廳打卡飛機窗位得三四張枱，其他用餐位都無咩特別，當晚餐廳內好嘈，真的很掃慶

第一次到南記食海鮮，一食難忘。 先講服務同環境，環境就真係麻麻，坐得迫，叫人要等好耐，而且無人換碟，有唔見order, 要催促兩三次。呢d 可能係冬菇亭文化。。。 食物係自己買海鮮，所以品質同飯店無關，至於加工海鮮，咁就可以詳細講下，味道係好正，有粉絲元貝，脆皮焗龍蝦，鹽焗蟹，瀨尿蝦，海蝦，炒聖子。 炒聖子加左米粉底，好惹味，不過偏咸 海蝦。。。白灼，鮮甜，因為d 海鮮本身夠靚 瀨尿蝦係椒鹽整，幾ok, 蝦肉好甜，不太咸，食到海鮮本身的鮮甜 鹽焗蟹，第一次食，味道好正，介紹大家未試過一定要試，人生必食一次 脆皮芝士焗龍蝦，個芝士皮做得好正，一定要試，個龍蝦肉反而麻麻無預期咁鮮甜，可能個脆皮芝士搶左鏡，不過真心覺得呢個做法值得一試

我無想過食個羅宋湯飽成日。。。。 早前，去了試羅宋湯，點餐時好掙扎，覺得叫個77蚊，一碗湯，一個甜餐包仔同一個薯仔沙律點會飽呀，食完先知。。。我飽足成日，如果嗌一個湯加豬扒包。。。咁可能飽足兩日 好啦，個湯係好飲，足料，我叫了牛腩羅宋湯，有三大粒牛腩，好多菜，不過牛腩比較硬，唔開。同個湯係有小小油，減肚人士要注意。 薯仔沙律好味！我好鍾意。 餐包好standard.係暖嘅，不過真係無特別 下次會試下豬脾仔肉湯。 注意份量睇落唔多但我十二點飽到下午六點，所以係好飽肚。 另外77蚊，係有小小貴嘅。。。。

第一次食呢間，午市98蚊一人鍋，免湯底費，有汔水，但要收醬油錢，有加一，一人大約百三蚊左右。 食物方面，鍋有幾款揀，仲可以揀怨鴦鍋。我怕辣，所以選了皮蛋湯。 未上鍋，先上糖水，雪耳紅棗糖水，幾好味。 個鍋有好多皮蛋，哈哈，火鍋料，菜的分量足，只要牛肉約五片，有d 少，其他配料有兩片午餐肉，兩條蟹柳，金菇，生菜，娃娃菜，腐皮，及主食，份量係夠一個女飽，如果是食量大嘅，就一定要加菜。 服務值得一讚，服務員勤快，又樂於助人，臉上沒有嫌棄目光，你知啦，食個98蚊午市鍋，有d 餐廳會chep 客人嘅，反而佢地無，真心覺得服務不錯！ 環境超舒服，可以望到海景，坐得舒服，張枱夠大，空間足

尋日同舊朋友相約此餐廳傾八卦，下午茶餐抵食，48至58蚊，不收加一，大會堂餐廳，環境幽靜，可同朋友詳所欲言，不會被人打擾。 待應待人有禮，有問必答，送餐速度快，今次叫左三個set 豬扒包，雞扒包，三文魚蛋包，飲品係桃味冰茶。食物水準Good, 可以encore. 推介給大家。。。。聊八卦十大推介餐廳

好耐無去過沙田同朋友相聚，行過見有位就去食下，好多年前，我去過葵涌新都會果間分店，當年果間店係OK 架。 好啦，講返我今次用餐經驗。用餐廳時間得75分鐘，唔夠，真係唔夠，有湯，主菜，甜品同餐飲，分個COURSE 平均得15分鐘多D, 真係食緊快餐。 食物方面，係STANDARD 水準，不過個餐湯，磨菇湯係淡而無味，不推介比大家。 今晚叫左二人餐，如果你食牛肉係抵嘅，二人餐包餐湯／沙律，餐包，餐飲，甜品及兩個主菜。主菜可揀一個飯或意粉，一個肉類，有豬，牛，羊，三文魚。 今次選左：一個餐湯，一個沙律，煎三文魚，同雜菇RISOTTO, 甜品係MEJI 乳酪，餐飲：奶茶 三文魚份量偏小但味道ok（張相影得魚扒好大件），RISOTTO味道OK, 份量亦足， 價錢大約二百多蚊一位 下次唔會再幫襯，因為比得二百幾蚊一位，但得75分鐘，坐又坐得迫，唔值