自從5月去完bangkok之後，返到黎就對泰菜念念不忘，泰國菜係香港其實都好common..但每次我都要揀九龍城，係芸芸咁多泰菜餐廳，最後選擇左小曼谷 門口岩岩係沙中線既出入口，以為人流會較少，2點鐘入坐，都有7成滿！侍應好好，入座時卡位occupied晒，之後到落單有卡位空出，就會主動offer幫我地轉！2個人叫左3樣野， 馬拉盞炒通菜，青檸汁蒸烏頭，泰皇咖哩法包軟殼蟹再加2杯飲品 馬拉盞炒通菜~呢度既通菜充滿住炒蒜香、蝦米、紅椒，好香口好惹味 泰皇咖哩法包軟殼蟹~一上台就已經覺得好吸晴，軟殼蟹份量好足夠，蟹味都濃郁！法包熱辣辣，中間包住滿瀉既黃咖哩，一啖包一啖蟹，食唔停口仲食到好飽 青檸汁蒸烏頭~呢碟係我最愛，小曼谷既蒸烏頭一d泥味都無！好值得加許！而且仲要跟明爐上，一直keep住溫度，冬天食應該更正！個汁我最欣賞，青檸汁，酸酸辣辣，我直頭當湯咁飲左好多啖，魚腩肥美肉滑，158蚊CP值好高！ 雪梨沙冰+青檸梳打~本來想叫西瓜沙冰，但已經賣晒，轉左要雪梨，都好清甜，都會食到雪梨肉，唔錯！青檸梳打就好有青檸味，如果多d氣就會再正d! 整體來說，是可以encore既泰菜館

自從去過韓國之後，都發現韓國野幾啱胃口，近排都食左好幾間韓國餐廳，其中以呢間性價比最高。韓國位於路德圍，附近冇同類型餐廳，唔知係咪因為咁，所以晚飯時間都接近爆滿，直至我地結賬時接近9點半鐘人流先少啲。餐牌供應多款韓國菜，重點係價錢都幾貼地，有沙律、小食、飯麵、湯、鐵板肉、奶奶雞、炸雞、豬手等，點到成枱都係都只係百零蚊位，認真幾抵食，而且個人認為質素都比韓國街嘅要好 大韓無骨豬手 $68/例牌
配上生菜包、蘿蔔、泡菜，豬手醃得入味，保持嚼勁，唔會好油膩，切成薄薄一片，包埋配料，幾豐富
蜂蜜牛油味炸雞 $88/半份
雞件比較大件，但計番價錢、份量都係抵食。雞件粉漿唔厚，炸得香脆，比好多韓國街嘅食店做得出色。調味方面，蜂蜜牛油味就唔算太出，反而蒜味比較重，唔會太鹹太甜。雞肉做得幾嫩滑，啖啖肉，所以呢個價位，性價比高呢 芝士岩漿炒飯 $68
炒飯加入五花肉，變相唔會太單調，旁邊加有大量芝士，仲有雞蛋，拉絲效果出眾，而且芝味都幾香濃，又係性價比高之選 因為一般連鎖餐廳都收百二、三蚊個炒飯。
牛骨蘿蔔湯 $78；海蜆大醬湯 $48
湯品方面，選擇頗多，有大醬湯、人蔘雞湯、牛骨湯、部隊鍋底、泡菜湯等，價錢公道，因為出面好多韓國野都overpriced左湯品，不過味道有得待改進嘅地方牛骨湯底比較清淡，如果再濃啲會更正，但牛骨腍身，有四、五件，好抵食，蘿蔔十分清甜。大醬湯嘅情況好些，唔會太淡，而且蜆嘅份量都幾多，有誠意！ 炸豬排、年糕片泡麵、香辣泡菜湯底 $52 食韓國野，我地好煩，成日都想食個泡麵，因為自己完全唔會喺屋企食飯嘅人。麵都好難煮得唔好食，泡菜湯底味道都濃，而且年糕片唔會太腍太粉，炸豬扒炸得香脆而且幾鬆，不過就冇乜醃過，附上蜂蜜牛油醬，味道唔錯呢。
傳統泡菜煎餅 $52
呢個稍為失色，個人比較喜歡香脆啲，呢個煎得唔夠脆，同厚粉左啲
泡菜豬肉芝士卷 $38
紫菜卷價錢好平，飯炒得有少少醬油味，加有軟芝士、泡菜、豬肉，口感豐富，唔會有乾啃嘅感覺，食完一件接一件。
飲品方面，以小店而言，選擇都幾多，咖啡、奶茶一類之外，仲有米水、梳打、朱古力、人蔘蜜等韓式特飲，跟主食仲會有優惠價 餐牌：

估唔呢間逸東泰國餐廳第一個食評係我寫。 之前去呢間係食雞扒撈朦既，都唔錯架酸酸地不過因為佢啲撈朦係凍食的，所以啱夏天食多啲 逸東泰國餐廳位於街市轉角位 街市內做自取外賣(只送指定飲品)，街市外就做堂食(只限送即沖飲品和飯麵) 。晚上才做外賣速遞(要買滿$50才送而且不送飲品和飯麵) 我地堂食 客滿，伙計在店外開張摺枱和摺凳俾我地，當時我地已經近九點才吃晚飯，但依然很多人。 新年後差不多每樣食物都加$2-8元。
舊價格餐牌 #之前影的，新年後有加價。#只供參考價錢

幸好我至愛的冬陰功只加了$2。舊時$38，現時$40 與友人叫咗個蝦醬炒飯，菠菜檸蜜同冬陰冬湯配白飯，奶茶。

奶菜冇奶味，好難飲。 菠菜檸蜜味道好怪 冬陰公好足料，味道略微甜 蝦醬炒飯好夠獲氣。 總括唔錯 埋單總共$75 #對面係個公園仔，堂食坐露天位睇住啲小朋友嘻嘻哈哈心情都輕鬆愉快啲

行街行到肚餓就想食泰餐 上次都食過一次金泰屋，各方面感覺唔錯所以食過返尋味。 一如既往，坐路邊的四人桌。錫造的杯令水變得更凍。周圍都有燈飾氣氛唔錯，都有幾多泰國人黎食，証明食物唔錯同正宗 本身座位下方已放置蚊香但蚊實在太多所以要多兩個蚊香，要求多多都冇咋形仲同我地噓寒問暖，笑容可掬。服務熊度唔錯。 飯桌可能未抹乾淨，有啲油油地又有啲湯汁，地下都有啲上一枱食客殘羹衛生欠佳 自行換去後面一個四人位枱坐。 食飯要緊 叫咗咖哩，薄餅，生菜包，冬陰功湯，白飯。份量頗多，三個人食都食唔唒。冬陰功湯好足料好多隻蝦同海鮮，咖哩唔會好水味道又濃郁。生菜包啲肉都幾多下。食到我地飽飽濟濟
上次唔記得影相，今次記得了 下次一定再幫襯

昌發有兩間店，相連的。由於第一間店已經滿哂所以去第二間。四周牆壁都痴滿自家美食相片，我坐既位置對面上方仲有幅和尚相片(因為驚唔禮貌所以冇影低)，增添不少泰國風味

每樣菜都有編號，點菜就寫喺佢准備既點菜紙度
(連續三個想食都話無得賣 ，可能賣哂) 起筷三個人叫咗兩個咖哩耶汁雞絲伊麵同一個青咖哩牛。

等咗20分鐘先上一個咖哩耶汁雞絲伊麵 之後等多15分鐘再上青咖哩牛，我另一個咖哩耶汁雞絲伊麵好耐都未上實在太肚餓叫咗個$12白飯R我朋友啲青咖哩撈飯食。
青咖哩偏甜唔夠辣所以我地落幾多下辣椒粉。R人嘢食食到飽都未上我個咖哩耶汁雞絲伊麵 ，問店員真係漏咗單，諗住話我已經食飽唔要個麵了。佢又話落咗單。。
打包又驚啲麵吸哂啲湯
最後唯有死死氣三個人食埋個麵

之後頂住個大肚腩慢吞吞走人 ，埋單一百幾差唔多二百。

去完寵物店買完狗糧經過金泰谷必定忍唔住門口串燒既香味，成日下一秒清醒過來已經喺店內。店內分上下兩層，下層得兩張檯（兩張枱都係四人座位），地方頗狹窄，原本想上樓上坐好似清靜啲舒服啲又唔洗被行行注目禮，但員工話上層清潔緊，我地唯有焗住坐下層。光頭老闆見我地一袋二袋就同我地講可以將啲嘢放上櫈咁就唔洗放地下，我媽話，而家晚飯時段驚覇住啲位嘛。老闆答，我間舖有咁好生意就好lu 。。。 之後叫咗個大頭蝦冬陰功湯，乾炒咖哩牛肉，小食拼盤（小）同木瓜沙律是買滿$200加$1。 由於我同屋企人brunch只食咗半碗芝士麵所以個肚早就打鼓於是買咗兩串串燒分別係沙嗲汁牛同泰式酸辣汁雞$26，食住等上菜。個 泰式酸辣汁真係好好味唔太辣酸度亦剛剛好，如果唔係喺公眾場合我一定舉高個碟飲埋啲汁佢，沙嗲都唔錯，有啲花生喺入邊幾得意，肉質反而偏硬同細舊。 首先上菜係乾炒咖哩牛肉，都唔係乾炒既係濕炒，同埋都唔係牛肉係豬肉既！！！我明明叫咗牛肉，不過當時大家都好餓所以差唔多食哂先發現。算！話哂喺廚師推介，味道唔算差，叫咗個白飯撈飯食，老闆就行過黎同我地傾計，其間又上冬陰功湯，好淡，於是嗜辣既媽咪自己加辣。之後上木瓜沙律，酸酸甜甜，好好味最後上小食拼盤$58（小）認真唔抵得幾塊蝦片，一舊分開兩半既蝦餅同埋同樣 一舊分開切半既咖哩角仲有兩串串燒。太飽，打包拼盤 離開前，去上層店內廁所，上層有幾枱食客食飯又話清緊潔。。。廁內地板濕立立好多黑印，由於蹲廁所以排洩物到處都有又冇沖廁，見到咁爭啲要空肚離開（嘔

店舖有三位韓國人其餘是本地員工，蔡瀾和美食節目都有採訪過雖價格上漲但亦屬平民價，價錢大都三十幾送一配菜，學生更有優惠。韓國菜式味道較正宗但嫌味道太重吃完拼命喝水都不減殘餘味道，菜式大都普通平凡但即叫即炸口感佳亦有韓國特別食物例如各款湯鍋，拌飯，年糕，泡菜餅，紫菜包飯$25（推薦）（不像日式，裏面有蔬菜，口感十分特別）最值得一提是配菜有黑豆，酸甜白蘿蔔，薯仔，菠菜，魚糕，八爪魚青瓜，泡菜。。。 酸甜白蘿蔔和薯仔為我個人最喜好，薯仔甜甜的有少許辣十分惹味 貼在店旁邊的報導說薯仔一日賣十公斤呢我常常晚上去都售罄，所以要買就趁早。 酸甜白蘿蔔則如其名酸酸甜甜十分開胃。除了阿珠媽一口廣東話一口韓文笑容滿面跟你撘話外其他員工基本上自顧不暇，飲品冰箱前有一桌但只有兩至三個座位加上在人來人往的富東街市吃飯反而顯得突兀所以那小位置通常給員工休息用。

間嘢就喺地鐵出口隔離超就手方便，大愛肉球卷餅加所有配料同蛋黃醬，仲有粉紅色飲品（唔記得叫乜）酸酸甜甜好開胃。雙倍綿花糖朱古力曲奇勁濃郁，星期二下午去買仲買一送一添！員工超友善又有耐性，唔識講英文有餐牌可以指俾佢睇

東涌許多中學生都喜歡叫華都外賣因為又快又好味，不過華都最近又加價加上有甲甴事件仲有華都職員態度差所以一大班人去叫外賣都冇人願意去打電話去落訂呢排都食狗飯（學校飯）。。。直至前兩日有位勇士話想食華都就自告奮勇話幫我地訂埋，我叫咗個咖哩牛腩，我啲朋友叫咗茄子炆米，魚香茄子，椒鹽豬排，咕嚕班腩同日式炒烏冬。到手後拎返班房慢慢嘆。華都份量果然多，半盒飯已飽，咖哩味濃，略嫌薯仔太少牛筋太多，咖喱牛腩唔錯不過我啲朋友就喺度呻咕嚕勁酸又剩係得舊骨，茄子又得幾片，豬排細塊，日式炒烏冬原來只係豉油加啲粟米火腿蟹柳撈埋一碟唯一好評係椒鹽好足料。 我心諗 好彩我食開咖哩牛腩都keep到水準姐 題外話 有次食咖哩牛肉啲咖哩好水但隔離同我一齊訂華都佢都食咖哩又ok喎，百思不解