第一次來呢間餐廳食嘢，職員落錯單要我哋硬食，報警處理，永世唔會再來。 落order嘅時候，首先手上揸住個set Menu揀咗嘢食之後，換咗一張散叫嘅Menu加多左個Pizza，最後買單嘅時候啲職員話我哋係散叫，張單多咗差唔多$200，同個職員了解情況嘅時候，職員態度極差，之後經理甚至出嚟鬧我哋： 👨🏼（eng): 你哋識嘅前菜份量大咗，你哋一定知道，你哋肯定來過！ （勁大聲鬧我哋） 我： 第一次嚟呢間餐廳又點知道你啲份量係大咗？同埋我好明確係叫咗一個set，之後先加一個Pizza！ 👨🏼：我啲員工一定唔會出錯，你睇都睇到你隔籬枱個前菜冇咁大，你點會睇唔到！同埋你睇到我啲員工攞住啲上菜俾人，有乜可能睇唔到！ 我： 首先我隔籬枱食緊意粉，另外一邊枱食完，再遠啲食緊主菜，完全睇唔到，同埋我係第一次來，仲要係你呢間餐廳最後嘅客人，點會知道你哋嘅份量！ 👨🏼：你哋個個都話第一次嚟㗎！你個Pizza呢？去咗邊呀！ 我： 食咗囉，啲嘢都食晒，你哋收走咗，唔使講咁多報警！同埋我要睇CCTV 👨🏼：我當然會報警，CCTV老細喺度我自然會睇！ 我：點解唔而家睇？唔係我俾咩錢？ 👨🏼：比呢張囉！ （張錯單） 全程爆鬧我哋，後來警察嚟到了解咗事情，10分鐘左右，個鬼佬經理笑口細細咁入嚟道歉，話咩 I never knew, 落單個員工係part-time，幫我哋解決返個價錢同上返個甜品🙄 其實真心呢間嘢啲嘢食真係唔差，但啲員工真係差到落地獄，一開始上湯唔俾匙羹，等咗一輪，牛扒又唔俾刀，叫杯水叫咗四次都冇，呢啲小事都算。 仲喺度睇其他人評價話咩會計錯錢，喺度笑咗一笑。點知發生係我哋身上，仲要坐到離晒大譜！ 仲有，我哋叫嗰個牛扒係龍蝦+牛扒，來到得隻蝦仔，要我哋問先話龍蝦賣晒。 講返張單，首先有乜理由以散叫嘅方式跟住個set Menu嚟叫？即係去McDonald‘s叫餐，薯條，漢堡包，嘢飲，全部分開落單有冇可能？其次龍蝦牛扒呢個組合只有set Menu先有，如果散叫只有牛扒，但係佢哋比我嘅係龍蝦牛扒。成件事就係唔合理，仲要俾人暴_，發生咩事？ 呢一世都唔會再去，去嘅人請小心啲，感謝閱讀。

朋友生日，因為佢係AK fans，特登陪佢去日暮家食拉麵，本來滿心歡喜的一餐，未入座就受到不禮貌對待。我們一行三人，排了一個半小時終於排到第一，諗住終於有得食，點知叫位果個哥哥，兩度直行直過，一句交帶都冇叫咗後面兩組二人入座。於是咪問吓係咪要等有三個位先到我哋入？嘩，問一句啫，果個叫位哥哥衝返入店之後再衝出嚟，非常兇狠咁呼喝咗句「你係咪分開坐丫？即刻俾你入！」即時咩心情都冇晒啦。最後等到入座，分別叫咗兩碗琥珀拉麵、一碗日和拉麵同四款口味嘅天婦羅雞翼，琥珀拉麵有得揀麵既軟硬質同香味油濃度，我同朋友都揀咗唔同既麵軟硬質，但店員送兩碗麵過來時就咁放低兩碗麵，咁邊碗係軟邊碗係硬？唔知道囉。本來開開心心既一餐生日飯，食到成肚氣，fans朋友係咁say sorry唔好意思，埋單平均每人都要$250，咁嘅價錢，講真可以有更多其他選擇，唔係陪朋友，真係唔會再食第二次。

假期前夕想話撐個枱腳 點知搞到冇啖好食 是咁的 原本見松葉靚仔生猛 特登同老婆黎拆蟹 撈隻生猛好肉斤半有多 另外片皮鴨一般地差 醬用帶發酵味甜麵醬 炸鴨 鴨皮亂切 等左半個鐘上左一隻穿窿斷腳死蟹 蝨卵唔同位 斷位已封口轉色 殼肉分離死左有段時間 結果當然冇人認 經理提出免單 不過我當然要俾返 埋單 呢間野唔老實 無下次 蟹已經返左去游水 簡單分享 注:以上係今晚嘅真實情況，嬲緊冇心情寫太多，真金白銀食飯換隻死蟹。 食客有權知道，唔該唔好再彈我帖!!!

Food was super average. You will regret for sure. 基本上所有嘢都係好睇唔係特別好食, 正常來講食到千幾蚊一個人, 點都係可以surprise到你，但係真係一道菜都冇，真係唔好嘥錢嚟呢間食，之前主廚喺Amber 做, 感覺上佢完全發揮唔到, 其實最嬲都係加咗$688食佢個signature caviar tart, 竟然比得一半我？! 夠膽講呢個係香港最搵笨嘅一餐米知蓮，有太多其他好選擇, 雖然佢攞到兩星，但係其實都係俾面派對，唔使攞$2800 to try

平時行過這間餐廳，入面客人數目不多，所以從來沒有衝動入去食。今天中午因為附近所有餐廳也滿坐，只有這間餐廳有兩個位，所以也決定一試，但原來這才是失望的開始。一入門口，便見到貼在門口的紙寫住不歡迎參加全民自願COVID 19 檢查的人，我不是政府中立，而是政治冷感，但心想「使唔使吖？！」我叫了芝士咖喱豬扒飯，等了二十分鐘才到！這可能是我一生食過最難食的咖喱！完全沒有味道，得個咸字。豬扒又梗，最慘還有小小酸味，唔知係咪變壞了，我向職員投訴，其中一個態度極差，似黑社會一樣。我食咗四份之一便忍不住離開。太令人失望的一餐！永遠也不會再幫襯！

我叫既係蕃茄湯漢堡扒腸仔即食麵。 呢間餐廳我唔滿意佢好耐，但從未令我的起心肝寫食評，今日佢終於做到，逼我出手。 真心覺得連最簡單既早餐，都煮得咁難食真係好難得。每次都話唔再幫襯，但隔一排又會俾機會佢，因為我條邨真係冇乜食店可以選擇，又懶得行去隔離屋苑，所以要搵好野食，真係唔可以懶。 即食麵上枱既時候，硬過條命，仲要未煮散既，要沈差不多5分鐘先軟返，但個麵已經凍哂，條腸仔好似中咗幅射咁。 咁冇誠意就唔好做啦，唔該！