重回舊地，作為樂富兩年幾的街坊返到來搵食特別醒神， 呢晚約左內子重返樓高兩層的日式意大利餐廳Gochi， 🏠還記得上層的落地大玻璃窗在日光之下顯得特別舒適， 樓高兩層環境寬敞，有舒適SOFA卡位雲石圓檯，空間感十足! 場內有不少家庭及好友一齊慶祝生日， 📃今次見到有最新雙人晚餐MENU，趁住假期訂位來慢慢享受西餐。 豐盛雙人晚餐 $728 / 晚市雙人套餐 $568 配合返個人口味最後齊了更豐盛的前者餐單， 包括有頭盤2款+主菜2款+甜品 頭盤2款有「香煎北海道帶子」及「海膽三文魚子冷天使麵」 推介:⭐️⭐️⭐️⭐️⭐️ 🦪擺盤十分精緻，帶子下有三文魚子、羅勒醬及薯蓉， 和式花系食材蓋在意式調味薯蓉上盡顯Fusion心思。 🍝海膽三文魚子冷天使麵再次譜出意日口味， 海膽新鮮甜美，天使麵緊緊掛著白汁， 大口一啖咬下去豐富濃郁😋👍🏼 🌽另每人加+$30 Order是日餐湯: 粟米湯 粟米味濃郁有驚喜，粟米蓉打至幼滑，另加左堅果碎及香草調味， 配埋無鹽牛油配法包，浸湯一齊飲十分可口👏 主菜A 三選一 澳洲(和牛)牛腹肉 6安士 推介:⭐️⭐️⭐️⭐️ 配料有薯條、沙律及紅蔥肉汁 店員提示需要3-5分生熟度肉質才較軟嫩， 木板上檯會呈現紅肉吸引味感， 建議先吃兩片原味再沾上紅蔥肉汁， 口感上有d 似有筋位的和牛， 能夠食到3 成熟的話會再比較軟綿。 主菜B 三選一 推介:⭐️⭐️⭐️⭐️⭐️ 西西里手打寬麵 簡單直接嘅意大利經典菜式， 材料有茄子、車厘茄、橄欖、馬森里拉芝士及蕃茄醬， 份量唔少而且醬汁配料足料有誠意。 🥧榛子朱古力棉花糖薄餅 Nutella Marshmallow Calzone 推介:⭐️⭐️⭐️⭐️ 呢個甜品真心誇張😆👍🏼 開業時已經食過一次，估唔到今次改良左唔少👏 足有12吋長呈牛角形狀的薄餅全塊加滿朱古力粉及白色糖粉， 建議先用附上的薄餅滾輪刀劃痕， 然後轉用餐刀切開， 濃稠榛子朱古力醬及溶岩棉花糖慢慢流出， 薄餅皮依然厚身加一份煙韌， 二人分享都食得哂😂飽肚感再度提升😆

#20230125 🤍 📍 Kuru Kuru自家製手作意粉 @kurukuruhk 西環堅尼地城卑路乍街108號地舖 —————————————————————————————— #套餐 #跟 #是日餐湯 #蘑菇湯 💭 雖然唔係高質到好似再造紙果啲蘑菇湯，但料都足，有蘑菇有煙肉，仲有啲煮到好淋既洋蔥🧅兩粒包有蒜茸味🧄唔鐘意飲湯跟餐仲可以揀沙律架🥗 . #蝦仁西蘭花蒜蓉辣椒鯷魚 $92 💭 好少見到鯷魚意粉，🐷原先仲以為會一件件咁上，原來鯷魚係意大利版既咸魚🇮🇹 咸香好足，唔知港版咸魚做唔做到呢個效果呢🤪再溝埋大量蒜茸勁香，愛蒜既朋友應該會好鐘意🧄 . #蟹棒蕃茄忌廉手工意粉 $88 💭 手工意粉有啲似烏冬🍝彈牙實淨，蟹棒有兩舊唔算多，不過個汁好重蟹味🦀應該落左好多蟹膏醬，仲有個假蟹蓋打卡一流📸 . #香草忌廉汁煮青口 $68 💭 青口唔算好大粒但勝在份量都算多，$68尼講份量比🐷想像中要多，個青醬不得之了，好好味😋會令人係咁想食，咩都點下 . #焗菠菜西蘭花 $55 💭 上面舖住滿滿既芝士🧀夾起有拉絲，菠菜同西蘭花都焗到好淋🥦稍微有返咬口會好啲，同埋食到底有啲水，如果杰返啲會好啲，不過總括都係好味既😋 . #套餐 #跟 #飲品 #菊花薑汁蜂蜜 #熱 #柳橙冰紅茶 +$5 💭 個菊花薑汁蜂蜜唔太甜，飲得出陣陣菊花既清香，薑味唔會太搶，蜂蜜又唔會太甜，樣樣都淡淡咁幾清新；柳橙冰紅茶🐷覺得有啲甜，而且係糖漿既味道，麻麻地😅 . #西環美食 #🐷_食

上次去食覺得一般，今次食呢個又岩我口味喎❗ ☆南瓜湯☆ 🥣南瓜湯稠度適中，有南瓜蓉，上菜溫度剛剛好～ ☆鮮墨魚仔墨汁意大利飯☆ 🐙🥘賣相不過不失，墨魚仔份量都唔少，size亦算大。 試左一啖墨魚仔，十分意外驚喜!!一啲都唔un，好脆，又juicy，口感一流。 墨魚汁味道亦洽到好處，唔會太多過咸。 意大利飯個人就鍾意再硬少少，不過整體成碟主菜直調較得好好，好味 ☆Tiramisu甜品☆ 🍰Tiramisu雖然等得都算幾耐，但一食落口就讚不絕口，質感好滑，酒香濃，但未至於過火，好好味 ☆午餐奉送水果茶🥤☆ 有機會都會encore下😂

我又過咗嚟食嘢啦～ 始終對個棉花糖薄餅念念不忘跟住上次女員工同我講嘅推介 淨係叫咗個一人餐 叫咗個辣肉腸pizza跟住再加一個棉花糖薄餅本身我唔係太好飲嘢 淨係鍾意飲湯 所以嗰餐湯係我嘅 杯嘢飲係男朋友嘅 今次個湯係粟米湯 食到有啲粟米 同埋啲麵包嘅脆脆味道一如既往嘅 好味 跟住叫咗個員工 甜品照上 不過冇諗到 竟然仲快過個Pizza 問佢攞咗兩隻碟 之後就開始分食有啲榛子醬喺入面 同埋啲棉花糖 好好味 而且明顯食得出塊薄餅啲麵團 又係自製嘅 同意粉一樣 應該又係每日整出嚟嗰啲～個薄餅食落去軟林林 又有咬感 好煙靭 男朋友未食晒嘅時候 已經同我講🤣有啲甜得滯 搞到好快飽 跟住仲有個辣肉腸芝士pizza 個Pizza啲芝士 食完有啲滯🤣 總之到最後係食唔晒 攞咗個外賣盒 🥡 夜晚返到屋企叮熱去食 發現喺屋企食 仲好食過堂食個辣肉腸pizza堂食嘅時候 可能個Pizza出到嚟嘅時候 唔係太夠熱 所以啲芝士做唔到拉絲嘅效果 所以少咗個芝士嘅口感 呢個分別 搞到個感覺相差好多 而且個棉花糖薄餅 加熱咗之後 啲榛子🌰朱古力會更加香 而且拉絲嘅棉花糖同芝士一樣 能做到加強口感和味道的延伸

早前知道君怡咖啡屋午餐有semi-buffet，仲可只食沙律吧（重點有凍海鮮同movenpick），睇過youtuber stephen leung介紹都唔錯，所以今日同成班同事去試下。 食後覺得好壞參半，先講好的方面： 1. $125+（原價加一），即係大約$143，呢個價唔包main course ，看似有D貴，但沙律吧有的食物真係多，比海景嘉福semi-buffet多好多，有凍海鮮，有即磨咖啡，cold cut 又有四五款，同埋有movenpick 雪糕，性價比算高，當然食物水準一定要OK先得啦，跟住就講食物方面； 2. 凍海鮮今日四款，青口仔、凍蜆、凍蝦、翡翠螺，當中青口仔真係無味，如果沾咯嗲汁可能好D，凍蜆就咁食都有魚味，係幾好，凍蝦係旫好既凍海鮮，冇死冇臭，爽口彈牙有鮮味，點泰式酸辣汁仲正，唔點就咁食都得，翡翠螺就唔會死實同臭，算中等偏高少少既，所以整體凍海鮮都係水準之上，而且refill快，未見過底，就算我撈到剩三成，轉頭又fill滿，值得一讚； 3. 湯得一種係蘑菇湯，飲得出係手打，可惜師傅野加多左，唔夠滑口同有味精，但一定比罐頭湯好； 4. 其他cold cut同沙律都可以，呢D好難有大驚喜； 5. 甜品方面最好係朱古力布朗尼，有nuts响中間口感好，又不太甜，其次cheese cake都幾香； 6. 經理服務唔錯，我哋同公司一定分批到，佢不厭其煩分開問要乜main course ，又多次表示可以不要只食沙律吧，唔會挾你叫。 好既講完就到壞既野，真係間間餐廳都有新奇刺激好玩野 一、先進式落單😂阿經理係好有禮貌同熱心，可惜蠢，我同事開口叫左個牛肉眼，但諗住睇一睇其他人轉頭先落，即叫經理hold（15秒內經理未離開企的位置，而且係手抄單唔係手機入單），居然答我同事話已經煎左，大佬呀，你講大話咪咁誇張，行都未行開就落左仲煎埋，跟住要比我同事串“乜咁先進架，語音定張紙同廚房有感應”，如果你行開入左機都算，唔好一步未郁又唔係手機入就吹到咁大先得架； 二、萬聖節特別甜品？😏呢鑊成也cheese cake ，敗也cheese cake ，明明優點上話佢好食，點解敗呢？因為其中一舊由cheese cake 變左“蜘蛛’s cake”🤮，你估真係萬聖節就出蜘蛛咩； 三、再嫌既就係醃漬前菜味道不足，當然無可能樣樣都咁好，所以輕輕一提就算。 主菜唔差，但無驚喜，响咁多種類既沙律吧，除非中午必須食熱葷，否則可以慳返果七十蚊； 其實除左上面呢三點問題，真係其他都唔差，所以尖沙咀區酒店呢個價，我真心覺得值得推薦，平時食晏都七八十蚊，間中食下呢個貴少少當慰勞自己係OK👍

由樂富站A出口左轉少量梯級再直上一層電梯轉右而入。時值下午一時，陽光灑落gochi 店外而形成一幅美麗構圖。驚詫市區、還要是領展商場竟有間赤柱feel而「頗」chill的餐廳。用了「頗」字，因大部分椅都是「硬座」，只得近天橋之落地玻璃那邊枱椅稍有梳化座，未到「超chill」。門口餐牌與店內餐牌菜式稍有不同。樓梯高，吊扇緩緩。男侍應佔了九成，不慌不忙。本人反嘟安心左對右對還是對不到針卡，不禁大喊我耐性有限、發牢騷之類，他是以冷靜柔和聲線「幫緊你幫緊你」如此這般。

並且記性超好。雜七雜八口述下單，他是彎腰傾聽用腦記下，一字不漏覆述，而且上菜一點也不錯👍🏻。而隨着2點後人流緩緩散去，亦將店內冷氣調較至較暖和。另外店內不會見到邋遢收碟餐車，一併收在橙色窗櫺半透屏風後。是日餐湯「粟米湯」已顯示不平凡。粟米味濃極，打到接近最幼細，湯面加了堅果碎及少量香草。粟米控會想飲多幾碗。無鹽牛油配法包，煙靭不油膩。美食賣相令人愛不釋手，例如「布拉塔芝士煙肉蕃茄手工意粉」$158。第一次食布拉塔芝士，晴天娃娃頭大小，冷不防以為是未戳穿的班尼迪蛋，「外殼」像極煮老了的烚蛋蛋白，內裏是海綿略帶拉絲質感，由頂部吃至中央都是非常淡的牛奶味，到吃至底部就迎來一陣奶酪鹹香。煙肉較一般厚身亦較彈牙有嚼頭，鹹淡度適中。意粉則未能分辨手工與機製的質感，反正整碟意粉味道配搭協調就是。

午餐限定的「銀鱈魚青醬意粉」$158倒來了個反高潮。就是見圖寥寥無幾的拇指大小的三顆銀鱈魚塊，還好是煎了外脆內軟，但件數略嫌寒酸了些。表面那些紫紅色未能名之的配料沒草腥味，拌着吃下無礙。青醬估計是用菠菜汁之類調製，內裏夾雜少量肉粒，口感尚算層次豐富。

失策是點了「榛子朱古力棉花糖薄餅」$78⋯⋯來到實物是幾乎12吋長！呈牛角形狀，目測份量根本足四人吃。侍應微笑眼似有所指說句慢慢吃⋯⋯果然將此甜品歸零足足用了半個鐘！圖中附設之薄餅滾輪刀基本只能劃痕，不夠力切到餅底，須轉用餐刀。一邊切一邊浸出濃稠榛子朱古力醬，味道頗似nut*la品牌，反而溶掉棉花糖佔三成左右。二人耗掉這個，基本上已順道吃了晚餐的份。因坐樓梯邊，對樓梯間中有人上上落落甚是好奇，於是離開時選擇下樓。是另一光景，入眼簾是一個輕微還待建構的哈囉喂佈置的小酒吧，出了大門，原來正是隔鄰茜*餐廳正門的橫頭磡南道斜路。

📍SAI WAN - HONG KONG📍 #KuruKuru自家製手作意粉  #粟米雞肉忌廉意粉 黎到又點可以唔試下手作意粉🍝 的確比較彈牙 蛋味好香 口感偏硬 個人黎講我幾喜歡 都食得出來手作🥰 成個意粉非常濃郁 雞腿肉好滑👍🏻   #自家風味薄餅 有少少美中不足🤔 因為全部都是天然材料 所以pizza餅無用茄醬 取而代之新鮮小蕃茄 所以會出水  餅皮變得好軟 🤨🤨🤨 但同枱有小朋友就好岩佢地   #自家製戚風蛋糕二人份 哪一道反而幾有驚喜 蛋糕整體很鬆軟☺️☺️ 有麵粉嘅香氣 旁邊哪低脂忌廉搭在一起都幾正🧁    整體黎講 價錢真係不貴 但係質素幾好👍🏻👍🏻🤤 餐廳有提供小朋友餐具非常貼心 用料天然 🤤 有小朋友都絕對搵到岩野比佢地放心食😛  ————————————————————————

餐廳本身係社企餐廳，會派飯比長者，同時亦聘請長者成為員工，係一間慈善機構 餐廳環境其實同越老一樣，相信只係轉型由越菜轉為中菜繼續運作 環境裝修我都好鍾意，佢嘅牆同柱都保留無修飾嘅石屎feel，好有味道 銀杏腐竹杞子浸有機菜 $ 70 正常發揮，味道好味，特別係佢仲加左少少蟲草花，真係驚喜 秘醬風味撈雞 $ 128 由手撕雞演變出黎，加入芫茜、牛耳、洋蔥絲，醬汁滲出淡淡檸檬葉嘅味，有少少泰國風 菠蘿黑毛豬咕嚕肉 $ 88 用上鮮菠蘿製作，豬肉炸得香脆，醬汁酸甜平衡，出色嘅咕嚕肉 薑葱炒魚腩 $ 79 比較失色，因為鑊氣不足，食唔到薑嘅香，原來薑片係底，但明顯未爆香煎至焦燶，所以成碟菜都冇左靈魂 陳皮骨 $ 76 一字骨炸得香脆，陳皮醃料入味，好香，又一道好餸 順德釀鯪魚 $ 138 鯪魚都唔算細條，魚肉混入木耳同冬菇，食落好有口感，層次豐富，魚肉唔過實，加上豉汁吊味，非常精緻嘅菜式，必點！ 五更飯 $ 78 本身見佢寫蛋白薑黃，真係以為係齋炒飯，上枱成碟揚州炒飯，我地以為落錯枱，點知真係咁，有蝦有叉燒，真係不得了，再加埋菜莆真係太好食喇！ 反沙腰果 $ 38 炒得啱啱好，好少再見到嘅老舊菜式，香脆唔太甜，其實應該早啲叫黎餸酒 環境一流，裝修一流，再加埋有一人Live Band，伯伯唱老歌伴你成晚 食物質素中上，不過都有改進空間，但已經係好好味 服務可能唔符合某啲人嘅要求，不過對我係已經可以接受，始終請返長者好難要佢做到後生一樣嘅速度，自力更生更為重要

上網見到遊客必食，專登嚟朝下聖，點知真係好失望！ 首先，佢個餐包係凍嘅，硬到好似舊磚頭咁🥵想搣開到滅唔到😫 其次，明明佢最出名就係個沙嗲牛，點知收到嗰陣變左沙嗲撈麵🥲又凍又冇湯，鹹到黐線！ 然後，個菠蘿包又凍又黐牙，唔知點做到！明明加咗鮮牛油，點知到頭來得啲溶咗嘅牛油🥵 $4雞，早知唔加🙄 嘢飲都好一般，甜到漏，啲茶飲冇茶味🙄唯一正常啲就係個奄列⋯但整體來講都唔抵食，千祈唔好幫襯，可一不可再🥵🥵

今日嚟咗灣仔［惠 Sushi Kei］朝聖，這家高級日本料理由港、日兩地擔任廚師超過21年，師承北海道米芝蓮二星廚師五十嵐信幸 (Sushizen すし善)的峻師傅主理。 店內環境非常優雅，全壽司吧枱設計，大約有10個位，坐位位置空頗大，坐得好舒服，所以不會太多人，師傅每樣食材都會介紹和解釋，非常細心，互動和溝通得很開心，另外服務非常好，每次食完好快收碟和添茶，非常享受這裏的環境。 非常期待的LUNCH OMAKASE ，價錢只需要$1080 就可以品嚐峻師傅為你炮製的19樣美味的食材，性價比超高的✨ LUNCH OMAKASE SAKU $ 1080 🍱▪️漬物 ▫️羗，牛旁，醃蘿蔔，自家醃製，酸酸甜甜，非常爽脆，食不停口，作為開胃菜一流 🥙▪️前菜 🍅日本蕃茄配柚子沙律醬，鮮甜美味 🫕銀杏蒸蛋，超滑的蒸蛋，底部的銀杏軟軟綿綿，重點係非常夠熱，好好食 🇯🇵▪️刺身 🐟真鯛配酸汁，魚肉口感爽脆，非常鮮甜 🐟竹籤魚配柚子胡椒醬，竹籤魚經燒過，有少少炭燒味，魚油豐富好肥美 🦪兵庫縣室津生蠔，超級大隻同飽滿，加上金箔和特制醬汁，鮮味非常 🐟深海池魚，微微燒過魚皮，魚肉肉質軟軟棉棉，好鮮甜 🐟大拖羅 ，油脂爆滿，一放入口魚油滿瀉，好好味 🇯🇵北海道毛蟹蟹膏醬配紫蘇花，清淡嘅蟹肉配上濃味嘅蟹膏，加上紫蘇花嘅清香，完美嘅配搭 ▪️和食 🍥煎帶子配紫菜醬，生熟程度非常完美，外層脆口，中間剛熟，紫菜味道濃郁，味道配搭剛好 ▪️手握壽司 🍣平政魚，非常厚肉，魚味濃郁，口感肥嫩 🍣白蝦配竹炭鹽，白蝦淋滑，配竹炭鹽帶出鮮味 🍣小貝柱配黑松露醬，令到小貝柱味道香濃 🍣小肌配昆布，小肌魚經過7分鐘浸醋處理，好喜歡這酸酸地的感覺，配上薄昆布中和酸味，師傅真係好有心機做呢個魚 🍣赤海膽，我最愛的海膽，沒有令我失望，鮮味濃郁，入口即化，好味到癲 🍣喜知次，日本界嘅魚王，魚肉充滿油脂，肉質細緻，魚皮充滿彈性，超級好食 🍣蔥拖羅手卷，最喜歡的手卷，入口魚油滿瀉，大拖羅切得非常有口感，太幸福了 ▪️湯 🍲昆布麵豉湯，面頭鋪滿細蔥，為濃湯增添蔥香，最特別係底部嘅昆布，滑滑溜溜好好食 ▪️甜品 🍈日本密瓜，甜度尤如糖水般清甜，為這個豐盛的OMAKASE 畫上完美句號！