在尖沙咀返工既我。係亞士厘道不知留下多少腳毛。然而食黎食去都係果幾間。無他既。LUNCH HOUR得個零鐘又要等位唔通仲食個FINE DINNING咩。咁晏就成日去咁收工就唔多想去嫁啦。所以有好幾間野都諗住去試又好耐都未試。呢到就係一例了。

是晚約左朋友傾啲野。點知收極都未收到工。趕自己離開之時友人已在亞士厘道諗緊食乜。咁就不如試黎TRY TRY。星期三既晚上。竟然FULL HOUSE。咁梗係要等都要試啦。

要放鬆一下個腦先諗到叫乜食。黎杯HOUSE WINE 醒一醒神。CHILL得夠冰。簡單爽身。飲兩啖個人就FRESH返。一FRESH就真係肚餓了。

不知道什麼時間什麼學說。要先食蔬菜。就失驚無神跟住黎。茄子。粟米。翠玉瓜。粟米香甜多汁。互相以粟米爆汁炮轟。又係燒粟米咁橋。一睇就知你係粟一燒。燒粟米真係要有啲焦先香。聽到隔離枱叫唔好咁燶。我心諗怕燶做乜要食串燒？去食烚粟米好過啦。翠玉瓜係燒烤既大熱食材。但係唔易控制到可以外面香口而內裡多汁。因為火路太慢就要出曬水又軟又乾。火太猛又會太乾同未熟透好爽口。呢到控制得好好。如果可以再厚身啲既瓜肉既汁可以再澎湃啲就PREFECT池！食燒茄子其實係食蒜蓉。呢到蒜比得慷慨。合曬我何車。咁當然如果你之後仲要見女朋友既話就慎叫了。

飲開白酒就不如叫啲海鮮黎燒下。四色燒蠔係貪心人士既必然之選。一碟有齊四個味。蒜蓉。辣蒜。芝士同松露。芝士最香。亦最保存到蠔汁。燒大蝦有成隻手版咁長。燒得殻都香脆。十秒唔夠已經淨返啲簽同腳。見到有雞泡魚乾咁梗係要整個黎。呢到細心咁剪成幼條方便食。記得之前去唔知邊間係成塊上。又冇刀又冇剪都唔知點攪。雞泡魚乾燒到脆。香口得黎有咬口。然後果種特有既甜味係口腔入面散發出黎。一條一啖酒。清一清個甜味同時更能夠感受到酒身既酸性同本身較微薄既woodiness。未食完已經要叫多杯。

飲飲下聞到一陣黃金蝦既香味。原來隔離叫左黃金薯條同燒蝦。一聞到就想食。黃金做法真係配乜野香口野都夾得埋。用杯上又幾盞鬼。真係好好味。

最後當然唔少得叫樓下個個都有叫既棉花糖多士。可能係會話屋企都整到啦。但係又有幾多人會咁神心咁去買包棉花糖。買磅方包。買枝朱古力醬黎整。同埋食一件真係好夠喉。就好似去燒野食臨尾要燒番兩粒棉花糖咁。一個非常好既句號。STH CANT MISS

是日去了尖沙咀上學，放學後去了附近的大廈覓食，約了兩位剛相識一段時間的同學食個晚飯，順便又可以聚下聊天， 其中一位同學仔一早預訂了枱食燒烤，因為都好普遍而且好多食物款式選擇，由於時間尚早，等了一陣都好快入座。 店中都是高枱高櫈的座位，四處都放了不少的餐酒，餐廳的環境都好簡約，都好relax的感覺。食物款式分成雞伕類、海鮮類、豚肉類、牛肉類、羊肉類、丸子類、蔬菜類、小吃類、烤焗推介、焗飯推介及飲品。食物款式繁多，可以自行剔點菜紙可以再交俾店員落單。上枱的食物都好快來到，店員都好nice又有效率，也會好主動介紹店中特別的食物俾客人，當中介紹了我們試黃金薯條，其後我們都有落order了一客。 食燒烤前先點了一些drink及starter......  蒸餾水($10)、罐裝檸檬茶 ($16)x2 及罐裝橙汁($16)
夠晒冰涼，除了罐裝檸檬茶及罐裝橙汁之外，韓式的樂天飲品也有供應，例如樂天士多啤梨、樂天韓國檸七樂.....如怕食到熱氣，店內更有華元堂涼茶提供。
泰式生蝦($68)
食燒烤前先點了一份冷盤的開胃菜，估不到這間燒烤餐廳都會有泰式生蝦，蝦肉都好爽彈，晶瑩剔透，加上泰式酸汁，先食燒烤前幫人打開胃口，好新鮮的生蝦。 黃金薯條 ($52)
粗身的鋸齒薯條金香脆口，質感的薯仔蓉都好飽滿，除了脆香的口感之外，再加上鹹鹹地的鹹蛋黃味真是非常惹味，讓你也會繼續追食下去，一試難忘。 破殻肚餓鳥 ($168)
麵包製的焗皮做扮成鳥蛋殼，模擬了一隻肚餓鳥也會破殻而出!! 它也是店中的招牌菜，我們怎會不試?焗香了的麵包內會有一大片荷葉包裹了一隻乳鴿，店方也非常細心地將乳鴿斬開了四件，我們用刀叉先將焗脆了的自家製焗皮切開一半，都好容易切開，乳鴿吸收了飄香的荷葉味，濃郁的自家製特色醬汁醃製12小時同時也有陣陣清香的荷葉香，荷葉更布吸油的作用，食的乳鴿都不會油膩，而且鴿肉都好嫩口，再蘸上酸甜的汁醬，也會令人食得更開胃。 惹味菜心 ($20)
食了那麼多肉類及海鮮，我們也點了一碟菜芯清下腸胃，燒烤過的菜芯仍能保持水分及色澤翠綠，不會燒得過火，入口仍爽脆。 芝士燒虎蝦($48)及蒜蓉燒虎蝦($48)
虎蝦的size 真是好巨大有18cm，兩者的燒烤製法我都like，蒜香的蝦好惹味蒜香，烤焗的時間都掌握得不錯，蝦肉不失水份，入口彈牙爽口，芝士烤成半溶狀態，慘入了蝦肉中，有芝士的鹹香味道，細軟美味，越食越滋味。
四式燒蠔(4隻)$108
讓你滿足到四款的烤蠔味道，蒜蓉及芝士的製法都好常見，兩者的口味用來製作燒蠔都好夾，蠔肉都好飽滿，兩者食落都好香口惹味，橙紅色的燒蠔用了海皇醬來燒烤，味道會帶點辛辣的，食落馬上刺激味蕾，最後一款是黑松露香菇醬燒蠔，啖啖蠔肉都散發幽香四溢的菇香，教人回味。
燒餃子雞翼(2隻)$48
雞翼燒到皮薄脆肉嫩，釀了微辣的明太子在雞翼內，粒粒明太子都好有咬口又juicy。整體水準都不錯，當中包括食物、服務及空調都好足。不過枱與枱之間都比較迫，出入都時常撞到張枱，是這方面可以多點留意。

自韓劇星星狂熱後，女主角至愛的炸雞＋啤酒成為絕配，其實香口燒炸物，跟冰凍啤酒一向都是好拍擋，有何新奇！我就認為串燒＋啤酒，是男人的浪漫！名字直接的肚餓了串燒，也許跟我有同感，除了串燒食物外，更提供手工啤酒及特色啤酒配合。有詳盡解說啤酒之濃度、香氣及配搭之食物，感覺專業亦吸引，可惜今晚與酒無緣！食肆內亦不少酒瓶裝飾，怎可能不是飲酒啲好地方，斯文版劈酒啲夜店！選了多款店員推介，勁辣跳舞雞翼、醬燒雞肉串、雞肝串、雞腎串、厚切牛舌等，廚房調味有心得，肉類全部醃味足，燒烤功夫不俗，肉汁豐富，味道得！特別喜歡跳舞雞翼，辣度無過火，不用跳舞！海鮮出品醬汁有新意，黑松露香菇醬燒蠔的醬非常豐厚，淨吃亦好味；虎蝦足18厘米，可惜肉質彈性麻麻，雪藏貨但無腥無雪味，濃郁醬油之功！燒鰻魚無出錯想不到燒蔬菜亦可以咁好味，除咗用甜甜的醬油調味令其好吃之㚈，蔬菜本身亦燒得唔乾身，惹味韭菜、汁燒蘆筍、汁燒娃娃菜皆好，反而推介之燒茄子並非如想像中特色，只是調味用了特別一點給麻辣！但整體都好滿意。 結尾的甜點意想不到，原來棉花糖多士咁配，也許靈感來自燒烤，我們不是喜歡燒熔棉花糖後，用方包包着吃嗎？滿意！值得再訪！

尖沙咀亞士厘道一帶，食店愈開愈多，幾乎咩類型都有，相當熱鬧! 今日收工後就同豬一樣的朋友黎到亞士厘道既「肚餓了串燒烤焗專門店」食晚餐。店子名稱起得十分有趣，令人一「肚餓了」就會即刻諗起佢。
.店子屬於樓上鋪，店內環境不大，坐位唔多，而且坐位都屬於高椅，舒適度一般。近晚餐時間基乎座無虛席，很熱鬧卻有點擠擁。
.店子的串燒種類夠多，大致可分為雞/牛/羊/豚肉類、海鮮類、丸子類、蔬菜類、小食類、烤焗系列，連泰式生蝦、焗飯都有呢!
.桌子上放有孜然粉和辣粉供客人自行調味。
.坐下後先叫左罐檸檬茶伴熱辣辣既串燒!
.燒柚子雞翼 (2隻) $30
雞翼燒過後再把柚子醬淋上，有淡淡的柚子香酸咪咪的，味道清幽卻就不算特別。
.燒鰻魚 $38
一串兩塊的燒鰻魚，食落夠juicy，沒什麼細骨，啖啖肉，不錯吃。
.燒大蔥羊肉卷 $38
羊肉卷唔會燒得過老，包住大蔥同食很香口惹味。
.黃金薯條 $52
原本還以為係普通的芝士薯條，食落先知係以咸蛋黃漿所炸，每條薯條入口都有濃郁既蛋黃咸香味，令人欲罷不能，係超邪惡既一道小食。
.燒豬頸肉 $68
豬頸肉好似無咩燒過，因為一夾起質地仲係腍身，而且食落唔香，係沾些酸辣醬先有點味道。
.爆汁芝士丸 $18
熱辣辣既燒芝士丸，一咬開芝士爆出，好芝味之餘仲要小心燙到咀。
.四式燒蠔 (4隻) $108
四隻味道包括黑松露、芝士、蒜蓉和肉醬。小妹食左黑松露同蒜蓉味的，兩隻味道都唔錯，松露味頗重，起初怕會蓋過晒蠔既味道，但食落仍嚐到蠔既味，而且質地嫩滑，唔錯，而後者就比較惹味。
.鹽燒珍寶帆立貝 $66
一串兩粒既帆立貝，經微微燒過後食落仍然juicy，只係唔太喜歡上面灑了孜然粉既味道，蓋過左帶子本身既鮮味，如可讓客人自行決定是否添加調味粉會更好。
.芝士燒扇貝 (2隻) $52
大大隻既扇貝，望到都吸引。食落芝士味唔濃，正係因為咁所以仍嚐到扇貝既鮮甜，質地唔柴頗嫩，食落啖啖肉，值得推介。
.燒黑椒香茅18cm虎蝦 $58
虎蝦經燒過後，食落比較乾身，有點失望。
.安格斯牛柳粒 $78
牛味頗濃，咀嚼中有陣陣脂肪
.燒蒜蓉茄子 $42
呢個小妹覺得係必叫既，一整條茄子切至平開再拎去燒，面頭放上大量蒜蓉，食個時將茄子肉刮起就食得，食落好多汁又勁惹味，而家諗起都想食。
.汁燒露筍 $32
燒得不錯，咬落爽脆多汁。
.牛油燒粟米 $22
店子很貼心的將整條粟米一開六，方便享用。雖然咬落juicy，但感覺唔夠牛香油，反而係燒既味道較重。
.棉花糖燒多士 $18
多士上放了九粒棉花糖再拎去輕燒，所以面層都略帶有金黃色微焦，再吱左些朱古力醬，看上去很吸引。

估唔到食落去又幾好味，咬落帶有棉花糖既煙韌質感，仲有陣陣朱古力味，而且多士經烘過後食落也很香，好味。