試左個三餸餐（菠蘿咕嚕肉 通菜炒牛肉 紅燒茄子斑腩) 菠蘿咕嚕肉份量勁少 通菜炒牛肉尚算合格 紅燒茄子斑腩完全唔掂 啲魚勁腥 仲要比埋d魚頭魚尾同無肉得骨既魚鰭 一舊班腩都無 唔會再去！

幾年前曾經食過一次，當時係法國食品主題，覺得唔錯，諗住慶祝仔仔9歲生日再去食！昨晚(26/7/2015)一行8人啱啱食完，覺得期望太高，有d失望！仲要價錢唔平！

睇過介紹呢度嘅食評，又話生蠔新鮮肥美，有液態氮雪糕，有好味嘅花膠，有酥皮湯，有炸生蠔，以上咁多樣嘢我真係一樣都品嚐唔到！

生蠔===＞我從來未試過食咗4隻就唔想再食，完全好似紙咁薄，無可能同肥美扯上關係！話就話有3種生蠔供應，但司傅完全無問過任何客人想要邊種，就求其開咗3隻就算了！我同我d屋企人平時係極度喜愛，但昨晚都無人食過超過半打！

液態氮雪糕===＞餐廳職員話間供應氮嘅公司出現問題所以供應唔到，我心裡就即刻打咗折扣！明明係賣點，我都係比呢個液態氮吸引咗，點知去到至知無得食！早知去第2間好過！得翻H牌3款基本雪糕，士多啤梨，朱古力 & 雲呢拿！

好味嘅花膠===＞ 我係一眼都無見過，真係唔知放咗去邊度囉～亦唔覺有人夾過-_-#

酥皮湯===＞又係無咖！！！淨係得個海龍王湯同一款中式燉湯！海龍王湯ok, 但另一個燉湯我無試過！

炸生蠔===＞連咁普通嘅嘢都係無！無！無！

其他凍海鮮確實唔係特別鮮甜，只算合格！刺身最鮮甜係帶子，其他不過不失！但切得好細塊，好似比bb仔食咁！

燒牛肉===＞ 平時見到都係成件扒嘅大細，琴晚居然見到係條狀！睇落真係有d寒酸！味道還可以！

另外，收碟嘅速度係算好慢，我哋嗰枱搭高3隻碟都無人嚟收，直至成枱都係碟至有人嚟收！

彈完也有讚嘅地方嘅~

第一，鴨肝真係好食，唔膩，外有小小脆，內裡甘香，係我全晚覺得最好食嘅東西！但下面塊多士真係好硬！

第二, 環境好舒服，枱與枱之間都幾寬闊！餐廳仲安排咗我哋坐窗邊位，可以欣賞一下窗外嘅景緻！

第三===＞原來已經諗唔到，只可以話如果比三百幾蚊去食可以達標，比四百幾確實有d牽強，我琴晚成人計折咗都要五百幾，簡直係本年度食過咁多間自助餐最唔值得食嘅一間！！！以後寧願聽朋友意見，都唔好盡信食評！當然，大家都可以唔信我寫嘅嘢，我只係講翻我琴晚食完嘅即時感覺！大家依然可以去試試咖~

如果你鍾意排隊，如果你食自助餐只求回本，如果你只求兩個半小時過得充實，呢度係你不二之選。
想食生蠔? 想食刺身? 想食牛扒? 想食mo 記雪糕? 排隊啦。
但如果你追求輕輕鬆鬆，想同朋友傾下偈，sorry，呢度唔係sell 呢樣野。

生蠔每次兩隻，每次約排五分鐘，刺身每次一款四件，又係約排五分鐘，牛扒條龍超長，無排，發覺食左成個鐘都無咩野落過肚後想去排，已經無晒轉左豬柳，條龍即時消失。

一開始去心諗，排隊野不如遲少少先食啦，食住其他野先啦，乏善足陳。結果生蠔、刺身，由十二點直至兩點都有條龍。而且你唔一早排隨時無，好似牛扒。

睇返食評好多人都覺得抵食，回本之作，我想講下另類觀點。
我本身都算鍾意食buffet，但都係剪coupon 呀，或者網上有promo 先去，價錢大約都二百蚊一個人，但呢間真係俾我全新既感受。

一去到，兩人檯坐正路口，張檯又細過平時果啲，算，都算近拎野食，見到D 檯真係多到，我估比平時多五成，擺野食位，最多只係同其他一樣，唔會比其他多，僧多粥少，下場當然係排隊。

眼見好多人拎到成檯都係蠔/ 刺身，甚至一早拎雪糕，無錯，去呢度原來係咁樣食先正確，一開始頭半小時各自去排，跟住咪可以圍埋開餐，否則好似我呢啲唔知碇既人，就食得少。即係點? 容我講明一點，呢度好好賺!! 野食相對人流偏少，質素當然可以高一點。食到飽死既人，其實係食埋人地果份。OK，我唔排係我既事，又點可以話食埋人地果份呢? 不公平啊~ 好! 我舉例!!

生蠔刺身幾抵食，你可以食到飽嗎? 食得太多生野好容易肚瀉，而且對身體都唔好。
牛扒去到一點半咁上下無晒喎，我無食過喎，我想食架喎，咁你話係咪即係人地食左我果份呢?
唔只，我想飲個西湯啫，都無晒喎，洋蔥湯好貴咩? 都無，之後拎返d 西洋菜湯出黎，中式湯黎喎，原本係一中一西，變左兩樣都係中湯既? 我又無飲過喎，我又係想飲架喎!
同行友人一早唔想排食左甜品先，有個芒果蛋糕好好味，到真正食甜品時間，又無左!!

如果你用餐係依足正常程序，熟食-> 甜品，咁你就注定不斷排隊，點半後mo 記雪糕又係排隊，甜品部都係排隊，最正係，咖啡同茶可以無晒.... coffee tea 都無? 真係第一次見，同期西湯都無晒... 因為人太多，總之大家開始食同一類野，就即時無晒，無晒之後咪有人無得食囉! 因為唔知佢係唔再出定出唔切，吉碟處處。

呢度食野原來係要排隊之餘又要搶，無問題既，不過咁既話我最多只會出百五一個人。

食完果下其實都唔覺，兩個半小時轉眼就過，但諗返轉頭，印象只係排隊/ 吉碟，好似大家坐定定傾下計既時間都無乜，因為平時食buffet 係大家拎完野食坐低食，而家係各自排隊拎果幾件野，坐低一分鐘內食完又出去排過..... 我想問，我係食buffet 定係去左food court?

所以... 我本人會將佢列入黑名單，不會再去!

唯一可取係食物質素 ok，最少我呢個玻璃肚食完生蠔刺身都無事。
我寫呢個評語係想大家去食之前，諗下自己係咪適合呢間餐廳既"風格"。

公司生日人仔大慶祝，老闆請食。

地方不算太大，坐得有點迫，食物算幾多選擇。

我的最愛是燒菠蘿，堅整隻燒，超甜，同平時街外一片片有D不同，呢款又多汁又不用放鹽，舌頭不會"鞋"。好好味。個大廚師重好好通知我們有有新一批燒pineapple. 10/10

另外，個法式焦糖燉蛋超滑，同細細杯，可以食少少同試其他。ice -cream is H 牌子的有幾個味選擇。
9/10

海鮮一般，對比market...當然比下去。