上次黎食巳覺得僅僅合格, 今次再食午巿套餐, 一碗拉麵加一個小食, 選了豬骨湯叉燒拉麵及烤豬肉飯, 湯底很多油, 食落好咸, 麵很少,那些荀郤多得很,小量叉燒,那個飯的豬肉更咸, 係鹽不使錢都唔駛落咁多嘛,想飲水但原來侍應無俾水我哋, 跟餐飲也再要叫才送, 很差的服務,為健康著想唔會再黎

原本想食鍋碟但滿座排長龍, 見呢間嘢無乜客唔駛等,唯有試下啦,我就叫咗好普通嘅粟米龍脷柳碟頭飯,應該好快有得食啦,點知等咗成半個鐘,叫咗三次要快啲上啦,頭兩次嗰個女人好唔耐煩話等一陣啦,好似煩到佢咁,第三次就好無禮貌咁講啲魚係個爐度喎,吓,咁算係好大個原因呀,碟嘢黎度仲要好大聲話小心呀小姐, 大力掉嗰碟落黎,我以為佢有咩咁難整,就只不過係罐頭粟米汁加兩塊細細嘅魚柳, 仲要唔係熱喎, 味道不過不失,我兩位朋友已經一早食完, 加上就遲到啦,我要好快食,其實個餐簡單到不得了,根本唔使特別整啦,都可以咁耐,最重要係無禮貌,唸唸下快餐店包杯嘢要$40係唔值,唔怪得食飯時間都無乜客,一定不會有下次幫襯!

之前都去過一次,覺得啲嘢勁咸同份量少,價錢就午餐黎講係貴.好耐都無再去, 但今日朋友諗唔到食乜就貪就腳, 我又費事話唔好就去咗,真係…..Menu得四款嘢簡, 我簡咗鮮茄豬扒長通粉, 諗住飽啲, 點知落單話無, 另外係辣海鮮意粉同唔知咩意粉, 上次食類似嘅好咸, 味精好重, 飲好多水都唔掂, 所以唯有簡雞胸包同沙律啦. 個湯係xx忌簾湯,係'傑'有料但偏味重, 但好過上次, 主菜份量好細, 係早餐就啱囉,午餐都唔夠女仔食,我無幾耐就食完,亦無咩特別,如果熱啲係好食啲, 可惜凍咗,我怕下午餓就加$8要甜品泡芙, 算係最好食, 因為我一向鍾意食, 餐飲係檸水普通貨, 原本$48加甜品$8加一要$62, 午餐咁價錢好食好多嘅多的是,真嘥......唔人會有下次,見其他人有買團購先黎咋, 唔怪得啦!

選擇唔多，炸物做得好差，粉好厚好難食，入面啲料好少， 串燒都唔得，
刺身同焗野就幾好，環境不錯，坐得都舒服, 任飲只有兩款但比只得茶任飲嘅好，服務亦一般
呢個價錢有好多好選擇,，我就唔會再去啦

屋企人等咗45分鐘先有枱,辛苦哂,我到就啱啱好有枱,不過若要我等就幾好食都唔制,因為要係路邊等又凍,車來車住,不過我屋企人話要帶我哋黎試下.屋企人駕車入到去條路係單程好窄,兩邊都係人係度等位有6-70人,好貼,我有啲驚.5個人叫咗4人套餐加個小炒, 有半隻燒鵝, 翅, 百靈菇妏鵝掌, 西蘭花炒帶子, 海上鮮有燈汁, 裕記小炒加4白飯.燒鵝好失望, 我覺得係燒好擺咗一般時間有倒汗水令燒鵝皮唔脆肉質唔香口, 味道一般, 媽媽話鹹咗啲,亦唔熱無乜光澤咁, 百靈菇妏鵝掌好大煲, 西蘭花炒帶子同裕記小炒有酒家風味,翅唔錯好多料,條魚最好因夠熱同大條新鮮, 但熟咗少少同遲上, 啲醬汁幾好味,服務又估唔到咁好禮貌客氣, 以為會幾悔氣,埋單$675, 新年要加一, 比想像中平, 不過食物無預期咁好,下次去另一間好過.

嗰日叫外賣, 本來叫開某間遠啲, 但想試下新野, 見佢近(頂多五分鐘步程)就叫個妙麵啦, 叫咗45分鐘可以未見, 可怒耶, 元朗都送到啦, 我打俾佢問, 條女人好晦氣話"就到啦"個意思好似話我唔著咁, 不知所謂, 我再俾多次機會佢, 再等多十五分鐘重未到, 我打去話唔要, 又無搞錯, 之後10分鐘度佢竟然送黎我叫佢走, 平時見佢食飯時間都無乜人宜家知咩啦

整體不錯(比旺角分店好好多比較靜), 地點方便係正時代對面, 大部份係卡位, 裝修企理同新淨,食物選擇不算多有張紙但幾特別-刺身/飲品同甜品/打邊爐料/炸物同燒物, 台式小食/港式小食,日本的刺身都ok fresh/份量好多好厚身, 燒物一般啦, 炸物係我至愛之一炸蝦天婦羅唔掂, 蝦肉質好梅無味,而蕃薯天婦羅大家都話好好食, 但其他天婦羅唔夠熱, 好似擺咗好耐.
另有免費送打邊爐, 款色都多選擇, 另外汽水任飲好正, 試過如金田要另俾錢, 一杯要慳住飲又貴, 台式食物唔係好好, 無乜點揀, 日式一口牛肉粒似足中式牛柳,好怪.至好食係炸薯餅炸雞翼, 夠熱同香,其他一般啦,服務不錯有禮貌,啲野好快黎, 有一次漏單可以接受, 我地星期五6點50分前入去, 計一人$149加一,食2hours , 先埋單, 之後坐多半個鐘