在團購網購入既買一送一自助晚餐，飲品檸茶檸水咖啡都係任飲。 星期一晚去食客不多環境舒服，生蠔、海鮮同片皮鴨比較受歡迎。其他食物一般般可接受，雪糕口味都有5至6款口味。

呢間泰菜舖仔細細，分左地下同閣樓兩層 晚上7點到，唔洗等位，座在樓下，夏天時間冷氣唔太足 點菜：兩頁菜單 基本泰菜都有，又開始選擇困難症 首選： 泰式鳳爪 - 泰菜必食 辣度、味道剛好 朋友唔太食生洋蔥都讚，仲食唔停口 另一個泰菜必食：泰式炒金邊粉 要讚師傅炒得好，金邊粉入口不油膩，份量多D會更好 菜單上有冬蔭功同海鮮冬蔭功，價錢差$10不到，最後要左冬蔭功 店家用自私邊爐那種煲上，份量看似少，但都3碗有多 講返味道，非常正宗冬蔭功味 好飲 但內裡那幾隻蝦一般般，心諗好彩無叫海鮮冬蔭功 串燒分辣汁同沙嗲，貪心既我們做左明智的選擇，選辣汁再要求沙嗲汁另上，多謝店家的大方 泰式拼盤：係唯一無洗晒的菜 魚餅、扎肉.....其餘都可，下次可能唔拼盤，單點炸蝦餅算 朋友食食下話想回味呢到辣魚蛋，就叫左兩串，我平時食開川菜都覺得太辣，朋友都話唔知點解果日魚蛋比平時辣好多.... 總結，讚多過伏，會再來！

朋友生日試慢煮扒房 是日想食雞，見主菜無唯有點BBQ Tray，但燒雞同Ribsj都一般，薯條好食。 小食反而有驚喜，水牛城雞鎚野味、肉汁juicy 小食拼盤有炸魷魚圈、炸蝦、炸蘿蔔條、炸芝士條；芝士條最正有拉絲炸魷魚圈都好食，炸蝦有d乾身，炸蘿蔔有d油膩 甜品：得雪糕好食，waffles 一般有如食緊麵包一樣，可不試。 用餐環境舒適，用餐不限時，但多人在餐廳內等位，員工細心d會更好。 CP值不過試一次就算，都係其他分店慢煮三文治抵食d。

由旺角地舖食到樓上新舖，新舖環境舒適闊落，鍾意小店不限時用餐 ，同朋友吹水幾耐都得。以成為我川菜飯堂多年！ 帶同一樣愛川菜的友人來食飯，每次炸子雞和手拍青瓜係一定必食。 炸子雞可選有骨或無骨，經濟啲叫有骨，又香口又香辣，以前有炸花生做配菜更好，現在無左😖 手拍青瓜清新又爽口 Wechat優惠送左個川北涼粉，味道好食、但涼粉易斷，不識分辨是不是正宗？ 最後再叫埋重慶串燒，雞軟骨、韭菜、茄子必食，非常滿足的一餐

星期五晚movie night前既dinner，一睇menu選擇好多, 有壽司、卷物、小食、玉子燒、熱食，可以一試滿足所有朋友對日本野既要求。

我個人覺得佢小食、熱食比壽司吸引，而fusion卷物選擇都好多。

平時愛去G字頭炸雞店食青陽辣椒味炸雞, 因為無醬汁口感唔油膩、味道又香辣, 朋友推介試呢間, 一上openrice見到蜜糖檸檬炸雞即心動, 因為睇落好清新, 係我鍾意既炸雞, 當然要立即去試

炸雞伴薯條值得一讚, 食炸野點都想食少少薯條, 但炸雞份量得半份, 兩個人好似唔多夠😶

原本開開心心去食個lunch, 點左餐半小時有多，同行朋友的餐到左亦食埋，周邊枱遲過我點餐都到埋，我追兩次，我望望時間返工要遲到啦，唯有cancel個餐，待應姐姐仲要收那個跟餐小食的正價，請問你們餐廳咁樣對待客人過意得去？

請問你們理解打工仔食lunch有幾趕?

次次去apm都被pepper lunch的香味吸引，今次我們一試另一人氣餐廳豚板屋
點左:
吉列芝心豚配蛋炒飯: 芝士流唔出失望，但蛋炒飯好香有驚喜！
牛肉漢堡扒配番茄飯: 牛肉漢堡扒完全無驚喜，番茄飯比期望中有一段距離！

整體鐵板熱但無香味，不及pepper lunch，食完唔明有乜吸引，可以成為人氣食店

去到依舊見人龍,但餐廳經理話等5分鐘有桌,咁咪等,等緊中途經理話不如order左先,咁一陣食物可以快d到, 等了又等、等了又等,最終等左差不多半小時,好似俾人老點左,過份！想走,但order左食物,走又唔好意思…..

卡巴:好食
希臘沙律:好食
fried chip with cheese: 一般

食物係keep到水準,不過服務要改進囉！

朋友生日想食意大利菜，要就佢灣仔收工。之前行過呢間餐廳見佢環境不錯，set dinner又唔貴咪試下。

吞拿魚沙律: 將吞拿魚外面輕煎,裡面仲係生,似刺身，good！
凍肉盤伴: Ok la
煙肉蘑菇汁意大利麵: Waitress 推介話係home made意大利麵，食落真係有驚喜wor，值得推介！
波士頓龍蝦意大利飯: 意大利飯口感一流，good！
三文魚扒: 好香魚油香好重，good！不過已經好飽，食唔晒！激死
羊扒: 我唔食羊，所以無試。朋友話ok！
甜品: 雖然細細件，有3款咁多。

有水準既意大利餐廳，食物、服務都唔錯。食意大利菜又多一個選擇！