５：３０倒黎到，入面仲有幾枱客食緊下午茶，而我同朋友就食晚市。

什錦肥牛鍋定食：好多料，有肥牛（都好多塊，又大大塊，唔會碎鹽鹽甘），不過都係一啲普通肥牛，沒什麼特別，其他配料有金菇，津白，煬絲等等；
燒豬頸肉定食：配有沙津（有蟹柳同青瓜絲，青瓜絲煮林左，易入口），豬頸肉都好多下，起碼有６－７塊，大大塊；
三文魚：每次黎都必叫，只不過係＄２５，不過要嗌夠＄１００先可以以優惠價叫（好新鮮，紋理好靚，有成１０塊）抵食。

其實都唔只黎過一次，之前都叫過下其他野食。
泡菜牛柳粒石鍋飯：ｄ汁太辣，唔食得辣的朋友就唔好嗌啦（牛柳粒有ｄ硬，不過熱騰騰甘，ｄ飯蕉好香口）

值得一去再去的日本平價食店。

這間日本食品店，細細間，價錢貴貴地，估唔到佢可以甘耐都唔執
岩新開時，覺得佢味道都唔錯，貴少少都算值的，但而家不論鋪面或是食物都愈來愈差。

平時都係食開飯個類(-開頭食個幾次都好味，但慢慢就愈來愈細份，味道愈來愈差。)，貪佢送飲品。但今日就決定試一試湯麵類---日式雞扒烏冬，無野飲$35。↑可以睇得出好多油！

湯係味精加熱水沖出黎，扮曬係豬骨湯實際得個咸字，完全唔覺有豬骨味，仲咸過出前一丁個湯粉：
雞扒食落去似平時7-11叮叮個野味，不會太硬都幾{林}，不過咸左少少，而且好細塊(比女仔手掌仲要細)，甩皮甩骨；
烏冬又係現成野，包裝烏冬，不過佢煮得幾{林}岩我口味；
最好味就係佢d香{算}，一路行番屋企一路聞到佢陣香味，唔錯。

其實貴唔係一個問題，問題係又要收得貴，又要俾個客見到你用咩牌子現成貨，俾人見到你係點沖個湯出黎。
同埋煮一個咩都現成的烏冬，要等成10分鐘甘耐？

我成日覺得好貴好貴好貴，遲遲都唔去食，但...一試便愛上了
現在的我每逢到cb都一定要食過先肯走。

多數會食原味，因為我接受到。第一次吃的，好像還是$28的時候。
可可球份量都幾多
是絕配的。第N次吃的，加價了 $29。
哩排有增了免費M&M，不過我就不吃了，由朋友吃吧，我就吃栗米片
聽朋友說M&M與乳酪一齊食是不好味的，而且當中隔離枱也有人說不好吃，好彩我無叫。

間野其實都OK，但就衰在佢鋪位細。得個兩三張枱，有時啲人食完唔肯走要迫住坐門口食。

在這頭附近番工先知道原來有這間野的存在。
一來無咩特別顯眼招牌，二來又位置於沒有人行的街，好難會發現有佢存在。
不過有時想食都未必食到，無固定時間開鋪收鋪的，要食真係要岩時間先食到。

行過左甘多次，今日決定試一試
咖哩豬扒飯 $35
天婦羅炸蕃薯 $15(5小件)
成為$50，都唔知算唔算抵食啦。因為只做外賣，又得一個人係鋪，所以會等得耐啲熱啲。
不過佢係玻璃窗設計，可以睇下佢整成點，整緊邊一份，可以打法下時間。
其間佢整緊牛肉飯，我聞到好香。

好啦，開餐，入正題。
先黎炸蕃薯，普普通通吧，食落又唔覺油膩，而且個汁得別，並唔係平時係街個d天婦羅汁。
再黎豬扒飯，咖哩汁好豐富，有羅白，薯仔，洋蔥，都係我最愛，同埋有小小辣，唔錯
豬扒食落好脆口，不過d炸粉有d厚，整體說是可以的。

佢啲小食好似成日轉款，之前行過見到有薯餅不過今日就沒了。
下次一定要試下其他野

去食的原因: 街坊廚神介紹

12:30pm前去已經要排3,4個位,等左大約20分鐘到,好彩條街唔算熱咋.
一路排就一路留意前面d人有咩講.
1. 有個女人黎拎位(2個人), 但因為未到齊個男人話唔俾入...
2. 有OL話以前好食d,而家無甘好味

終於都等到啦, 坐係近通道的位置。
咖喱羊腩 烤餅
一般,可能食唔慣羊,有d so味
烤餅大塊,食得飽

鴨胸 飯
黎左個飯同咖喱汁 但係個鴨胸好耐先到
鴨胸難食 又乾又硬

其實一路食一路聽住隔離個兩個c9講野 愈聽愈想笑
例如:
佢本身6個人, 黎左3個人先話想叫左野食 食住等 點知個老闆話要等齊人先俾叫
之後另一個c9朋友黎埋 大大聲講: 好巴閉咩上電視 叫等齊先俾叫

哈哈哈

哩間野開左好耐，一直都想試，之前係開4:00pm，但就係時間唔岩無得食。
早幾日就岩岩好時間有得食啦，去到先知改左3:00pm開，早知就早d黎食啦...

第一次，小學雞粒 $18.
OK甘啦, 有肉汁, 甜甜地甘.
但份量就d甘囉, 得個7,8粒係大大舊ge肉,其他個d多數係肉碎/炸粉碎,感覺有d唔抵
講服務都係一般啦, 掛隊無咩規律, 見位就行埋去甘.
之後有個員工定唔知佢地d朋友啦,行入去吉左粒雞一路一路幫手-_-感覺不好

第二次，東大雞排 $20
不太好吃, 乾身, 多肥油, 同我上次見到ge大細有所出入, 細塊左.
不過今次服務就好d 甘囉, 係個中年女人, 態度都ok 好, 會問人要唔要哩樣要唔要個樣. 好過上次班後生仔.

上一次食過幾好味，決定食多次。唔算貴，$36，加$2有野飲。
魚生ok多，有蛋.三文魚.吞拿魚.仲有2款唔知咩魚，但yim d飯少得濟。
但整體其實無咩味，要落是油先會有d味。

今日又黎食多次，試下佢啲套餐。炸物不算油，可接受。
有2隻蝦.2件男瓜.1條蝦柳.1件矮瓜，但個汁無咩味。

平日Lunch唔收加1，而且價錢都平，值得一試。

臨走時見到有晚市放題$145+1，決定搵日再黎試過。

有次行經這店，見到很多排隊以為好好吃，但其實是難吃的。

第一個星期四：
第一次吃，買了雞排，想不到得幾丁友排隊也要等成五分鐘。
真的很大塊，剛剛炸好也很熱，但味道就不好了
咬了一口，只有皮和油，再咬見到雞了，但是薄得恐怖，比起ｍ記啲豬漢還要薄。
而朋友點了香香雞，我看上去很多粒也好像好味，決定下一次試一試。

第二個星期四：
今次要試香香雞，因為店子剛開鋪，什麼也沒準備好，所以要等了。
但是那女說要等３０分鐘，心想：用不用甘耐？
最後行了一會再去買，終於有了。
但是這次的份量比上一次少，其實這也不太好吃。

以前食lunch燒烤都係68蚊加一，今日去食無睇價錢，埋單先知係78蚊加一。
駛唔駛加價加到甘離譜?

加價都算吧，可以怪自己無帶眼出街。
但係加價小左野食囉

以前熟食個啲有炸雞翼，餃子等等，但今日去全部都無曬‧‧‧
燒烤料方面都無咩大問題，保持到水準，但唔知點解啲牛肉有小小"叔"味
不過啲冬故爛曬，無野完整‧‧‧

最好味都係鮮"油"魚

見到話係「試食祭半價」而且圖片的食物又幾靚就去試。

服務差, 食物差

到達後等了數分鐘也沒有人來招呼, 等到了 問完幾多位又不安排入坐, 再等；
落單, 叫了多次才有人理會；

在食物來的時間, 觀察到以下的東西(因坐正出食物位)：
1. 飲品沖好後沒有人會拿給後人, 等了差不多十分鐘才見有人拿走；
2. 食品煮好後放在收銀的枱上, 等了差不多十分鐘才見有人拿走, 係食物上面收銀, 講野... 會唔會污糟了點?
3. 用過的餐具周圍放 同岩岩整好的野食放在一起 點食呀?


吉列豬烏冬,凍啡 $32
湯沒味, 烏冬小得可憐, 豬扒算是Ok , 啡無味
但是甜品綠豆沙就像一pat 嘔吐物

牛肉卷定食, 凍啡 $38
夾在牛肉中間的瓜是苦的, 只是肥牛比較有味

到底是不是因半價而令水準大大下跌?
相信無下一次光顧的機會...
另外, 店舖暫重人手不足, 落單上菜入坐都慢條斯理...但奈何埋單收錢卻特別快