爸爸就快生日加就黎冬至，爸爸又喜愛中餐，見客家好棧的餐經濟實惠。最後揀左呢到 準時七點半到達，家人到齊就開始晚餐。 點了（好客宴）半席全包宴$888，包飲品或啤酒 高湯虎蝦球伊麵，蝦無味夠彈牙，麵有點碎）加份量小 馬拉盞芥蘭炒雙蚌，無馬拉盞味，菜無揀花感覺唔太好，餸蒜頭炒，蚌雪藏貨式 話梅蕃茄拼蝦丸，幾九唔搭八配搭。蝦丸夠彈牙 紅燒海味燴生翅，翅唔多唔太鹹，夠分8碗 蝗蠔皇六頭鮑魚伴金錢，冬菇夠厚無怪味，鮑魚夠淋，小棠菜正常 清蒸珍珠龍𧄌，魚夠滑 銀杏鹹菜豬肚燴旺菜，菜夠多豬肚枝竹太小，唔太鹹。 客家金牌沙薑雞，雪雞無雞味預左，雞帶點肥，好在肉唔霉 生炒農家炒飯，大生菜蝦乾，唔算炒得疝乾同太油，可以 桃包，蓮蓉唔算太甜，可惜沒有蛋黃，如果有就好了 總結：$888元6位全包又無乜好投訴，食物正常，份量還好，如果有擦得之人就未必夠飽 服務除左上菜同有人分翅外都無乜待應出現過，無收加一就唔好要求咁多了

好耐無去過荷里活廣場，家姐約我食午餐，最後㨂左呢到。 由於唔太愛豚肉，最後㨂左醋汁炸雞扒飯$108。醋汁未夠酸，酸一點比較好。雞扒炸得香脆，粉槳唔太厚，雞肉有豐富肉汁唔會太乾，但係食食下還是有點油膩感吧！那時就要食任加的椰菜解下啦！飯都夠多，一個女仔食都好飽。湯係麵豉湯味道正常。 因為炸物關係,等的時間都較耐，要有耐性唷！ 環境舒適，服務良好。只是百多元食一個午餐性價比又唔算太高，偶然食一餐還是可以吧！

跟小學同學好耐無見，今次約左一齊食素。三點鐘開始下午茶，就吃下午茶啦！下午茶有半價抵食！（留意餐牌某些食物係無半價） 麻煩同學先排隊攞位！坐低就可以叫野食。由於大家唔太肚餓，所以只叫了以下食物： 麻醬雞絲粉皮$48：雞絲粉皮好食,份量唔小，麻醬如果多些更好。 生煎菜肉餃（8隻）$48：煎餃子味道一般，底又唔係煎得好脆，也不太熱，調味又比較淡,唯一可取係夠大隻可填飽肚子之選。 大自然燒味併盤$168：內有（叉燒、大腸、油雞、南乳燒骨、素鴨）。待應一拎黎真係眼前一亮，好大碟又靚。最愛素鴨，叉燒大腸，其它一般般吧！併盤好處就係乜都可以試，滿足！ 三個人計茶錢共$198（計法如下：$168+$48+$48+茶錢（無半價）$36共$300，加一/1係$30），食物半價$132，將食物$132+加茶錢$36+加1$30,最後$198,3人食每人60多元好抵食 服務：真係大開眼界，包括趕客唔好入座。當時未夠4點,收5點都唔想俾人入，勁！ 未夠4點要埋單，即係想加單就趁早啦！最過癮食左$198完全無人找贖，2元自動變貼士，妙！ 問都唔問未到五點立刻收晒所有未食晒的食物，咁都仲算有良心俾番杯茶你唔收可以飲下，一夠五點粗聲粗請離座！ 總括來講就算抵食味道可以，只係服務己經唔會令你唔想再來，完！

妹妹想食這間下午茶，今日就一齊試下啦！ 2點半黎到被安排左坐高椅子，坐低左店員放低Menu,睇左之後㨂左下午茶A同B。 下午茶A,咸蛋黃金單⻣雞翼（4枝）+炸薯條$38,飲品妹妹皇牌鐵觀音（無糖，凍） 黃金單⻣雞翼的鹹蛋味好重，就係因為好重所以偏鹹左丁丁了。雞翼炸得香脆,肉又唔會太乾，如果唔好咁鹹就完美！ 薯條係粗條，夠熱同脆。不過，好多細細條頭頭尾尾。 鐵觀音茶味唔夠香濃，加埋冰好快無味道了 下午茶B,串串貢兄弟（QQ紫芋地瓜球串3粒+菠菜超司薯餅串3粒+夜市香腸串）+麻醬雞絲沙律（小）$38飲品（熱檸水） 菠菜起司薯餅，菠菜同芝士味唔太覺得，反為覺得似蔥味，鹹鹹地幾好食，香腸串甜甜地，味道不錯。麻醬雞絲沙律（小），青瓜有d苦，雞絲唔夠滑麻醬可以多小小。紫芋地瓜球正常味道，最敗筆加沙律醬係出邊,古古怪怪咁。檸水正常 最後埋單$76 下午茶時間2：30至6：00,免加一 服務無乜，只有送餐服務。 食物質素對得住價錢

今日偶然路過樂富，見到又有第二位下午茶半價，就入去試下。 2點半入到去可以叫野食了，用QR自己落單。 今日超想飲珍珠奶茶，於是叫了左個小食加凍泡沫珍珠奶茶的餐$32，小食選擇都有好幾個，最後揀了（ 炸花枝丸）。 花枝丸黎到。嘩，勁細粒同份量小，只有2粒份量味道還好，味精唔算多，食完唔太口喝。珍珠奶茶糖水分開上，都幾好自己可以控制甜道。台式奶茶都係偏向奶精重，茶味小，珍珠軟熟度適中，味道可以。 第二份餐點了 芋泥肉鬆蛋餅（半份）加 蒜香雙色腸，飲品 :熱檸檬桂花薏米特飲 $34 台灣腸食落似臘腸同潤腸味 蛋餅上邊個汁辣辣地，蛋同蛋皮分開左的，芋泥都夠多，但我覺得同個汁唔夾。還有蛋餅我還是愛鹹多點。 飲品比較淡無乜桂花味道 66元未計第二份餐半價日，正價$34加$32（半價$16），合共$50 總結:食物質素平平，睇埋價錢又合格。始終平均$25元有得食有得飲，仲有位坐㿈冷氣涼，抵到爛!

見到好多人話好食，咁就搵左1日黎食。過左午餐時間人流開始小，唔洗等直入。 一早已諗好食乜，一坐低就用QR Code落單了 過了2點半堂食外賣都有9折優惠 回家影的單據。 點了2杯飲品和食物如下: 左邊:珍珠奶茶原價40，半價$25，9折後$22.5（大，小冰小甜），奶茶味茶味唔算香同重味，奶味比較多，小甜好飲，珍珠有焦糖味，份量比較小，未飲晒奶茶已無珍珠了！ 右邊:雙檸冬瓜茶（小冰）原價$35，半價$17（加了愛玉$5）9折後$19.8，完全唔似冬瓜茶味，愛玉係百香果味，麻麻地) 牛肉汁煮風琴豆腐$20，9折後$18揀左2串要左多汁真係好多汁 ，有牛肉味 。但係上邊果串要浸一浸汁先入味 ，但又唔好浸太耐，因為都幾鹹！ 台北夜市小食併盤$39 折後$35.1（台式香腸，花枝丸，鹽酥雞），呢個最大期望結果幾失望，d雞無乜肉仲超細粒要唔知仲乜變左魚肉味。花枝丸普普唔係好食果隻味。最好係腸仔甜甜地又唔會炸到好乾（見到有蜜糖），總括黎講下次唔會再叫 食物大合照 總結：環境乾淨，服務一般，人地有俾餐牌，我就無的，咁自己睇住手機個圖片囉！ 可以用電子支付工具俾錢好方便 回頭指數：雖然價錢唔貴，仲有9折，惟食物飲品質素平平。 短期內無意慾再回頭了。。。。

今年生日飯想改下口味，又見黃大仙開左新野，就食韓國野吧! 原本訂左7點半，點知7點2去到都比入，就早小小食完回家吧!（原本話只限1.5小時，最後可能無乜人食可以任坐） 可能我地5人關係所以俾左間房仔我地 ，可以有私人空間食野。呢到都係QRCode落單的，如果叫小食優惠同Like Fb送的一件甜品， 就要待應落單的。 5人叫了以下食品: 燒軟殼蟹蟹膏飯卷$98，最愛有蟹籽，軟殼蟹就太小唔係幾食到， 仲有小小黃色蘿蔔，蟹膏都夠香（唔太覺燒過） 傳統豬肉泡菜年糕湯$78，叫左小辣都好辣，豬肉唔鞋，豆腐好滑，年糕夠煙韌 大韓無骨豬手（2至3人）$98，豬手就無乜味的，靠個醬但個醬就太小，生菜又只有4塊用黎包豬手係唔夠的 亞之媽炸雞半份（蜂蜜牛油味）$118，半份都有六件細細件，汁唔係好夠蜂蜜味，同埋d雞有小小唔熟 香草薯條$20，阿之媽雞加錢可食，薯條炸得唔夠透 白汁黑松露雜菌蛋卷$72，黑松露味就直係無乜，菌味算出，蛋都嫩滑 鐵版炒原條香辣魷魚筒$108，魷魚唔韌的，但唔入味，泡菜熱食我唔太慣 即燒原條魷魚皇$88，呢個係特價野，個汁甜甜地 魷魚外邊有味，入邊就唔夠戊味 香草烤蝦（6隻），特價野食 呢個d蝦似落左好多粉拿佢，唔喜愛 百香果桂花烏龍，夠味，唔會似飲水 Like Fb送的紅豆鯛魚燒，店員話平日係泡芙，因為高消費所以改呢個（當然講笑），呢個都幾好味，紅豆唔太甜，側邊有小小糖漿，如果唔夠味可以點下 總結:睇過將軍澳同荃灣分店講到好好食，黃大仙就一般般吧！ 服務非常好，好有禮貌又會提你鐵版好熱咁。唯一敗筆無俾水要問先有要扣丁丁分。 抵食程度高，份量算大，5人食咁多野只是$771，人均只需$154.2（新開有88折） 回頭指數:會再同朋友去食，因為好多野未試過。

家姐生日揀左呢到食晚飯。由於唔可以訂位，1行6人5點幾就入去食了。 呢到係手機點餐的都好方便.6人點了以下食品: 冷盤:雞絲粉皮-標準版$62，份量勁小，肽絲又小，粉皮都唔多 麻醬唔夠香 鎮江肴肉-標準$82，呢個鹹鹹地又唔會話硬味道可以 姥姥生煎包$40，無食唔評論 招牌小籠包（4件）$42×2，小籠包夠多汁，皮唔夠薄，肉鮮味欠奉。 酸辣湯雲吞6件$62，湯只有酸味唔夠鹹味味，雲吞皮唔滑，肉無鮮味。 腿蓉奶油津白$76，有奶油味，菜煮得好淋，無牙都食到 鎮店酸菜深海鱸魚$158，完全唔值呢個價，酸味一般，魚唔夠入味 上海炒年糕$80，年糕無乜餸，只得菜，汁夠濃的年糕軟硬適中 黃金蝦仁炒飯$80，炒得夠乾身但係份量唔多，蝦無味 ，鹹味都係差小小 桂花酒釀丸子$40，桂花味唔夠香，丸子又太硬 豆沙鍋餅（8件）$50，唔夠香口 擂沙湯圓4粒（$48），層皮有股唔知乜味，好難食 全晚最值得食當家花雕醉雞（標準$74），既有酒味雞都算滑 五香牛肉拉麵68，無食唔評論 是晚買一送一飲品只有一款，蘋果雪梨菊花茶$25，有2杯，冷熱也可，（無飲唔評論） 總結，食物唔大碟，食物味道好一般， 價錢中上。6人食左$1159.4，人均消費近$200 環境同服務正常，待應有經常斟茶。最奇怪唔俾電話訂位，要Walk In。 回訪指數:會唔會再去，暫時唔會了。

妹妹想食壽司郎，1點48分拎飛，2點15分左右入座，都要等約半個鐘先有得入。幸好今次安排卡位，2個人坐得舒舒服服。 可惜未食見到將枱幾污糟又蟹子又有飯，裝醬油隻碟又係未洗乾淨，希望衛生有待加強。 枱係蟹籽加飯，紙巾係抹碟的醬油漬。 用平版點野食好方便。 三文魚腩，油脂好香，美味 海松食貝無乜味道 鱈魚白子軍艦唔喜愛個口感 烏賊又係無乜味道 4碟入邊最愛蝦三味， 生的2款蝦都有蝦味，熟蝦無乜味 薯條係有薯仔味，12元真係值得。 白鳥貝就無乜味，可以唔叫 長鰭吞拿魚真係唔知食緊乜，可以唔叫。 冷製茶碗蒸，原本唔想食呢個的，點知店員拎到埋枱Sale就食一個，蛋夠滑的，仲有隻蝦無乜味，仲有d肉係入邊。凍同熱咁我都係喜愛凍多d 5月份係奶茶卡達拉娜，黎到雪到硬實實（如果想食應該早小小叫，可能熔下佢會好食d），由於已夠鐘，雖然無人催都拿拿聲食左佢還枱.呢舊野真係完全食唔到奶茶味的，22元寧願食多碟壽司。 最後2人埋單$140元，價錢不算貴，味道算唔錯。唔洗排隊都可以再去過。（只有一小時進食時間，如果多些時間小小就更好完美啦！

見雜誌話開左新鋪，星期六就同家人黎試。下午2點幾黎到都要等25分鐘先可以入座。 入到去立刻剔點心，點了以下食物 豪隍蝦餃皇點了2次2粒$26×2，蝦餃好大粒，蝦都有4隻 ，皮唔算厚。但調味好鹹。 蝦仁燒賣皇$30，燒賣好大粒，豬肉無肉味 調味又係好鹹 蜜汁叉燒腸$30，皮薄叉燒算多 鮮蝦腐皮卷$30，味道唔錯，煎到卜卜脆，重點唔多油 xo醬蘿蔔糕$30，無乜蘿蔔，粉多，無乜xo醬味 生煎菜肉包$24，豬肉唔夠味，包底唔夠脆，可以唔食 蓮藕煎魚肉餅$30，煎到卜卜脆 流沙皇包$26，好流沙有鹹蛋黃香味，唔算甜 杞子桂花糕$24，有桂花香味好清甜 豉汁蒸鳳爪$26，無乜豉汁味 無上鏡的墨西哥叉燒包$26，d饀唔會甜，好食過叉燒包 四寶雞扎$32，雞滑可惜無乜味，芋頭夠粉有芋頭香味 籠仔馬拉糕$26，馬拉糕蒸得軟熟，又唔算甜。 總結：地方唔算大，要有等位心理準備。還好唔算太嘈。 食物質素可以，又唔係講到特別好食咁囉！炸物比較出色，包點唔算太甜。（如果唔洗排隊可以一試） 服務幾好，收碟快! 茶芥$6，4人食左13碟（無下午茶），只需$432，抵食。 最好就係唔洗加一，咁又可以食多碟啦！