今日細佬放早黎佐敦搵我食飯 佢食肉獸黎，叫我揀間有肉食同埋要飽既餐廳😂 即時諗起附近新開左間老厝邊，食台灣野既。自己平日係荃灣都食過佢分店好多次，知道佢係性價比高同有肉食得飽，所以帶細佬去食。 因為新開無耐，環境好新淨，牆上面掛住好多台灣圖片，音樂都播台灣歌。7點幾去到已經見到好多人食，好彩仲有位！ 細佬最愛滷肉飯，叫左個大既俾佢，再加份炸肉排。 滷肉飯好大碗，足料又多汁，仲整多半隻蛋俾你，偷食左佢一啖，個汁好香甜，豬肉有適量肥膏，食落溶化好食。 炸肉排勁大塊，差不多有成塊面咁大，兩人share岩岩好，食落juicy唔會死乾，調味一流，外脆內軟的。 我自己牛魔王黎，叫左黑椒牛排便當。 份量大份，牛排有成4大塊，仲配住台式伴菜有芽菜、辣椒煮瓜等，伴住個黑椒汁飯食好開胃，個衰細佬仲要搶左我兩塊牛排😒 最後加多個牛肉芝士蛋卷，又係大大份，每年蛋卷入面都有勁量芝士同牛肉，仲有個特調汁，好夾好食！ 食完我地都好滿足，勁飽😍細佬話下次要再黎食埋其他款既美食🤣

講到泰國野去通常都會去九龍城，但朋友就話佢食過呢間位於西營盤嘅泰國菜小店，一直念念不忘，就帶我黎試下啦！ 椰汁雞湯 $68 通常去泰國餐廳都會飲冬陰功湯，但朋友極力推薦呢個椰汁雞湯，就一於試下佢！呢個湯頭非常濃郁，啖啖帶椰奶的鮮甜，而家香氣極重，又夠足料，正呀！ 爆炸軟殼蟹 $128 呢個爆炸軟殼蟹，蟹肉幼嫩，又香又辣，好適合做下酒菜，非常美味，我同朋友都係好鍾意食海鮮，覺得呢一個做法嘅軟殼蟹好有新鮮感好好味！ 鹹蛋魷魚 $108 魷魚本身已經好鮮甜好食，再夾埋惹味嘅鹹蛋黃，個種奶香濃郁味道同埋酥脆可口嘅口感，濃而不膩，相當出色。 黃咖喱炒虎蝦 $158 呢隻虎蝦未食就已經知道係啖啖肉，超級大隻，咬落好結實唔會鬆散，係屬於好新鮮嘅蝦。配上香醇濃郁嘅黃咖哩，完全係食極唔停口。所以我哋都加咗個印度薄餅，撈埋啲汁嚟食簡直係一流！ 泰式炒金邊粉 (雞） $88 食泰國菜就一定要嗌金邊粉啦，呢個金邊粉屬於較甜嘅口味，唔會話好辣，而且炒得夠乾身，推薦！

今日放假唔想煮，無意中發現左裕民坊有間新開既西餐廳，環境幾乾淨，亦都幾闊落，估唔到呢到都有間咁高汁既餐廳，一入到去，員工好有禮貌地安排我地入座，打開餐牌，見到個set dinner已經心大心細，基本上每樣野都好想食，於是我地決定揀d烹調技考比較高既菜式，因為平時唔識煮啊嘛！ 西班牙海鮮飯 份量十足，每一粒飯都好龍蝦汁味，加上個飯上面既海鮮全部都大大隻，食落去好有口感好新鮮，面頭加上左鮮魚圈，非常彈牙；亦都有大大隻既蜆肉同青口，重有我最愛既蝦同帶子，呢個飯真係非常豐富材料，睇得出廚師花左好多心思去整。 澳洲肉眼牛扒 我地叫左5成熟，就咁睇個外表黑黑地以為佢熟得濟，點知切開都真係keep到5成熟，自己好怕煎牛扒，永遠都控制唔到個火喉，但今次又真係整得幾出色，而且配菜有薯容，口感層次非常豐富。 酸忌廉煙肉薯條 小食我地叫左呢個薯條，佢可以放一個鐘都重係keep住脆架，而且酸忌廉煙肉非常爽，加埋個薯條簡直係最佳拍檔。

今日接個朋友收工，佢話你一頭附近開咗一間刀削麵店，咁啱我最近打邊爐打得太多，想食返清淡少少，決定試吓呢間新開嘅餐廳。估唔到餐廳雖然面積唔大，不過好彩非常企理，仲好乾淨嘅感覺！入到去見到個餐牌，雖然款式唔係多，但係樣樣都好想試吓，估唔到呢間餐廳個名咁中式，都會有泰國嘅料理！非常多元化。 山西剁椒金錢肚拌麵 一場嚟到梗係要試吓佢個刀削麵啦，不過今次我揀咗拌麵，個金錢肚賣相非常一流，而且個汁仲係特別調配的，辣辣地幾好味。金錢肚識落非常爽口，份量亦都唔少。 金湯酸菜魚飯 朋友叫咗呢個酸菜魚飯，比起一般嘅酸菜魚更加厚身，仲要係冇骨，啱晒我哋呢啲懶人，個湯底都好特別，配埋白飯，一啲都唔漏，仲好好餸飯添！ 涼拌皮蛋 每次餐廳如果有皮蛋都會必點，佢個汁同一般連鎖店唔同㗎，仲要配上雲耳，非常足料，免頭仲有啲木瓜絲，非常有心思！越食越開胃。 蠔油菜心 煮到非常淋身，啲菜仲要冇渣，整體都還可以，好有住家飯嘅感覺 泰式燒豬頸肉 一上菜嘅時候都好驚訝，冇諗過會有咁多片，而且配埋佢個特製醬汁，識落好惹味，雖然唔算厚切，但係慢慢食吓其實都幾飽肚，唔會比一般嘅泰國餐廳差！ 另外員工嘅服務態度都好好，會主動問我哋需唔需要辣椒油，整體感覺都好好。

今日同朋友係旺角行街，行行下行左大角咀，平時好少行過呢頭，發現原來都係美食雲集既好地方，經過呢間餐廳知道係食上海野，朋友話呢間餐廳一向好出名，好多人會特登會入黎食，我地反正誤打誤撞黎左，緊係要試一試啦。 一入到餐廳見到裝修好中式，燈光亦都非常光猛，見到好多三五知己都過黎食，餐牌勁多唔同款式美食，我同朋友都心大心細左好耐，終於都決定好要食咩！ 白菜豬肉餡餅 白菜同豬肉從來都係非常夾，呢個餡餅完全唔熱氣，而且豬肉份量極多，調味亦都調得岩岩好，加上餡餅重係輕輕煎過，食落熱辣辣架！ 京燒羊肉 平時好怕羊既味，但冇諗過佢完全冇羶味，重非常多肉汁，醬汁調得非常惹味，如果配埋白飯簡直一流！可惜我同朋友已經食到開始飽，佢呢個羊肉份量亦都唔少加！ 醋溜大白菜 食左好多肉之後，我同朋友都想食下菜解油膩，今次特登叫醋溜大白菜，煮得好入味，食落酸酸甜甜，口感層次非常豐富。 整體呢間餐廳經常排長龍係有原因架，值得排隊😄

今日去左觀塘搵食，朋友話好耐無食過日本野，於是我地去左一間網上介紹過癮世日本餐廳，一去到已經見到個裝修非常日系，員工都非常友善，好快安排左我地入座，一去到都見到好多年輕人，果然係非常吸引年輕人既喜愛。 牛肉他他 一上枱已經見到個賣相好靚，有個蛋黃係d生牛肉既面頭，撈埋牛肉好香，個汁調到岩岩好，食落有少少帶酸，味道層次非常豐富，推介之一，份量亦都唔少。 神之特上刺身 (6點盛) 呢款刺身一上枱既時間已經震憾眼球，大大個刺身拼盤重要有齊我最中意既刺身，每款刺身都有2件，同朋友share簡直岩岩好，而且師傅係擺設上都花左好多心機，抵讚啊！ 雞五味盛 我同朋友都最中意食串燒，今次我地就叫左呢個雞五味盛，佢總共有5個唔同部位。包括有：雞肉、雞翼、雞心，雞潤同雞軟骨，我最難忘既係雞心，食落非常爽口同埋入味，雞軟骨亦都唔似一般放既店既質素，咬落非常有口感，大推啊！！ 鍋燒烏冬 雖然烏冬份量唔算大，但勝在材料非常豐富！包括有大大隻既天婦羅蝦、蟹柳、冬菇，個湯聞落已經覺得好香，烏冬口感非常彈牙，配上雞蛋提升左個鮮味，而且d配菜都非常健康，下次必定會再到訪。 藍柑乳酸梳打 草莓乳酸梳打 兩杯飲品既甜度適中，而且大大杯，非常解渴，如果夏天黎簡直消暑一流！

今日同朋友去左Mega Box搵食，朋友話不如試下呢間豬既專門店，有好多唔同豬既食品可以品嚐到，一入到去，親切既店員好快帶我地入座，睇過個Menu，好多唔同種類食物都有，睇到我地心大心細，基乎每一樣菜式都想試下。 招牌手撕燒烤豬肉三文治 之前試過呢到既手撕烤豬肉，所以今次黎必定要encore，手撕烤豬肉好香BBQ醬煙熏味，配上酸種包，呢個組合真係無敵！而且手撕烤豬肉口感一流，加上呢個餐配上薯條，大大碟，性價比好高，食左半碟已經開始飽。 雜菌松露意大利飯 雜菌同意大利飯真係好夾，松露既味道都濃郁，好creamy，食完一啖真係忍唔住想再食既感覺，而且雜菌份量都幾多，好健康既感覺，食完個口好香！意大利飯米口感非常豐富，每啖都充滿住松露既味道。 脆焗火腿芝士雞胸扒 上菜既時候真係嚇親，無見過d咁大塊既雞扒，西頭配上番茄醬同水牛芝士，極為邪惡，每一啖都充滿芝士香，加上番茄汁酸酸甜甜真係好好味，雞胸好Juicy，而且唔會好「鞋」，配搭得岩岩好。

趁今日放假約左朋友去銅鑼灣食泰國野，今次想推介呢間餐廳係位於總統戲院頂樓，非常有FEEL的一間泰式餐廳，有埋戶外地方，岩晒打卡。我地無BOOK位，職員好快安排我地入座，好彩D座位都好鬆動，而且聽住D好輕鬆既音樂，減壓一流。 冬陰功湯 去泰國餐廳必點既冬蔭功，份量非常充足，入面有大蝦，蘑菇，草菇，香茅，勁多配料，酸酸辣辣咁，非常開胃！我同朋友每人都飲左兩碗添！ 咸魚炒芥蘭 好耐都無食過芥蘭，佢煮得爽口，咸魚亦都提升到成件事，勁香同埋好有鑊氣，真係要讚下個廚師。 泰式炒米粉 超級大碟，本身已經好飽，但佢個味道好香，配菜亦都唔少，有豬肉、椰菜花、豆角，蛋花，個調味亦都岩岩好，唔會過咸或者太淡。 泰式蝦餅 兩個人食真係差D食唔晒，個蝦餅炸至金黃色，切開一半都覺得好大夠，入口彈牙，外脆內軟，配上甜酸醬料感覺無咁熱氣。 相思飄香 用椰奶加上紅豆成件事出奇地好夾，好中意食紅豆，勁有口感

最近天氣好濕熱啊，放工想搵啲Fresh啲嘅嘢食😁喺尖東呢度見到間新開嘅泰式越南餐廳，成個格局好有feel，又多食客喺度，唔使諗入去try🤭 入到去我揀咗個室外嘅位坐，望住街景，好有feel。入面裝修亦都好有格調，紅色嘅佈置，好有東南亞嘅感覺。 太肚餓嘅關係，同老公即刻睇Menu，見到好多嘢都啱食我哋點咗以下食物： 串燒（雞牛，豬各兩串） 份量好大，燒出嚟熱辣辣勁香，肉質好Juicy。配合埋佢個沙嗲醬，成件事好夾 蟹肉魚肚羹 佢配埋啲芽菜同芫荽另上，自己決定落唔落。蟹肉魚肚羹入面除咗蟹肉魚肚，仲有啲冬菇食有啲似高級版嘅碗仔翅，味道亦都好開胃，令人好想食多幾碗。👍🏻 越式軟殼蟹米紙卷 米子卷入面除咗軟殼蟹之外，仲有啲新鮮時蔬，配埋一個特製嘅芥辣醬，食落成個人好清新，啱晒依家濕熱嘅天氣。 泰式乾炒牛河 份量都幾大，除咗牛肉仲有大量蔬菜去炒，食落都好香口，調味帶甜，每人都食到兩大碗🤣 蟹肉炒飯 廚師絕對唔孤寒，落咗大量蟹肉去炒呢個飯，食落啖啖蟹肉，半碟有啲青檸，青瓜同辣椒， 十分開胃🤤 成餐飯都好滿足，下次經過必定再試

尋日等埋女朋友收工 經過長沙灣見到有依間有燒肉同火鍋嘅餐廳 我個人比較鍾意打邊爐 入到去我哋揀咗$198套餐 任飲任食 上到環境幾舒服 人又唔算太多 可能新開 佢呢度係一人一鍋 我就揀咗個壽喜燒，因為我鍾意甜甜地嘅感覺。而女朋友就揀咗個美顏鍋 ，食落似係豬骨湯 然後我就睇吓自助區 入到去好多醬料 飲品都係自助 菜櫃都好整齊下 仲有啲小食 (關東煮，炸物） 一開始主角牛肉黎 牛五花肥而不膩，仲有啲嫩口 另一款 牛肩肉 牛味比較重 好香 另外比較鍾意嘅係個豬五花 非常嫩 ，勁快俾我哋清晒 不過可能冇乜人嘅關係 啲服務員收碟收得好快 為左唔能夠影到我地戰績 不停咁encore 😂其實佢哋個湯底都好濃唔需要點醬料都得 之後就食甜品 個抹茶味雪糕真係好鬼正 有啲似meltykiss朱古力 🥰好好食！ 因為食得太飽嘅原因，淨係食到兩個雪糕 $198加一 依個環境 食物質素都比起旺角好好多，因為旺角中伏邊爐實在好太多 ☠️下次會再嚟試埋個燒肉