適逢週末入愉景灣遊玩，在晚上特意前去感受一下這間享有名聲的海旁餐廳的浪漫氣氛，作為明天午餐地方的首選。在第二天中午到達餐廳時發覺仍然人頭湧湧，非常熱鬧，要經過多次的主動提問才獲講解及指示安排的坐位。在坐了10分鐘後仍未有任何人招呼的情況下，我決定提手示意需要餐牌，但眼見前方有4-5次服務員走過都沒有一個能注意到我，加上白天能清楚看到餐廳內的凌亂及不太衛生的環境，我們決定離去，因為附近尚有其他的選擇，當然服務員亦不會在意我們的離去😂 坦白講，即使坐在商場中央免費的茶座，也比這餐廳內的環境舒適😆 （除了海景） 加上服務員的態度，令人實在不敢恭維，因此雖然未能用餐， 也一點不覺得遺憾☺️

沒有工作的日子，早起的話我會選擇食個Brunch，但大部分日子都會等下午茶時段先食，因為分量比較適合之餘，當然抵食亦是重點，亦正好配合20：00前進食晚餐時間。

今日要落旺角幫媽媽買幾個膠箱，行落去當做下運動，但必須食D野，否則無力，茶餐時間又到了

＄20包哂頭盤，主菜，甜品同飲品，夫復可求呢間係2樓的，坐位感覺有點凌亂，但只要你搵倒𥦬口位坐，有街景睇，又有陽光，High Tea的悠閒感即刻反埋來炸野始終比較熱氣，但間中食下，不失為多個選擇。

 

習慣了每日早上一杯咖啡的我們，老公放假，便想出外嘆杯咖啡，食午餐，順便可以嘆住冷氣享受下室外明媚的陽光 ，選擇了仙跡岩﹣炭燒點子咖啡 ，呢間原本係轉角位地舖的，現在已被Stxxbucks取替了，佢就搬左上格離樓上，通過條窄窄長長的樓梯上去，地方細左，反而無咁冷清，落地玻璃，陽光由外射入，感覺更加溫暖，可以由上向下望街景，反而多左一分悠閒 炭燒軟骨湯米線＋炭燒咖啡HK$46豬頸肉手工拉麵 ＋ 炭燒咖啡HK$44整餐盛惠HK$90,無加一

晚餐想食餐簡簡單單的麵食，諗起左小儀的車仔麵店，就去試下啦 ，地方細細，都坐滿人，好彩我地1900倒到，唔使等位 ，我叫左個撈面套餐，老公叫左四餸車仔面套餐，腩肉有別於一般制作，大大塊都幾好味，豬大腸亦軟硬適中，有咬口，整體上車仔麵看起來比傳統的乾淨同整齊，不過對於我地嗜辣一族，就略嫌唔夠辣，好彩有樽美味的辣菜脯，咁就可以鍾意食幾辣有幾辣啦 。反而對佢的麻辣豬排撈麵印象深刻，是同車仔麵一樣可以簡麵底的，我地今次簡左幼麵

HK$40套餐價連豆漿 （下次會試下酸梅湯）四餸車仔麵套餐則HK$42連飲品，令外見餐牌上仲有台式飯，以食物的質素同配搭心思，平均價40幾蚊一個套餐來講，真係幾抵，呢到已列入我飯堂之一了

幾位女士久唔久的飯局，朋友建議左呢間位於圓方的LGB，聽朋友講呢間係法國相當於香港的半島酒店級餐廳，不過事先聲明左香港屬於平民版 ，當晚去到只有一枱2位客人，所以成晚我地4個都坐得好舒服，完全無壓力，渡過左一個愉快的晚上

朋友推薦食晚飯套餐，可以試多D食物  原來湯除左侍應所講的雜菜湯外，係另外可以選擇的 ，好彩朋友是常客知道，所以我地要左蘑菇湯 2個人Share點夠呀 ，又係朋友引路，要求多一客，其實係可以免費Refill的 沙律份量剛剛好，食到Lam Lam 利 主菜到了 既然茶出名就試下花茶啦，因為已飽飽地，仲要留肚食甜品，一聽朋友講可加水的，我即刻睇下有幾多個茶包先。。。。噢，得一個，所以不其然同朋友又玩起 ‘蘇絲黃’ 遊戲 因為常客朋友on diel中，所以只order左3份套餐，但4個人分3件甜品都好足夠了  其中2位朋友係食套餐的意大利飯同散叫一碟焗意粉，掛住傾計，又唔好意思試食佢地個D（唔同老公麻 ），所以都無影相，不過個意大行飯係常客朋友推介的， 女仔份量，一細碗size配蔬菜沙侓, 男仔可能唔夠。

紙婚記念日，想同老公食一餐有特色又不太貴的晚餐 ，所以放棄了一般昂貴的自助餐，決定試食這間近近地食評不錯的Fushion餐廳，又貪佢有飯後甜品的少少驚喜 ，所以早2日訂枱時已講明來意

我們比約好的時間早到了10分鐘，門口姐姐很親切的確定了約會並安排我們先坐在門口的櫈上等候，當晚可能是星期六的關係，全場爆滿，等了約10-15分鐘後，有另一位姐姐過來告訴如果唔介意的話，已有一張搭枱 ，否則要再等下，我當然選擇了等啦，佢跟手比左本MENU待我，叫我可預先看左落ORDER， 咁到時就唔使等太耐啦，我照佢的指示做了， 再過了十分鐘就有位啦，入場時因人太多，完全無留意到室內環境，一路跟住個男仔直衝，我地被安排了坐係最角落，即係KITCHEN對出，雪柜格離個張，雖然個處係SET左2張二人枱，但環顧四週，已經係最清靜同最有PRIVCY的位置
開餐啦食完之後，餐廳侍應“老虎仔”為我地特別安排的甜品，等左都有15分鐘，佢不斷同我地講SORRY FOR KEEP U WAITING， BUT U GONNA LOVE IT ！！！我同老公係好味到碟碟清，最後當然係十分滿足地離開啦，而且承諾下次一定搵多D人一齊來，就可以試多D其他食物

首次寫食評，全因成為主婦後，體會到由個人主義至小家庭責任，為了養成知慳識儉的美德，除了經常入厨外，亦不斷搜羅市面上的抵食美食以增加兩口子的生活情趣，今次更決定回饋網友，分享好食處，順便重拾年幼時的寫作興趣

今天因為看了很多網上好評而嘗試這間曾經過數十次並不理解為何門面凌亂，有D似粉麵檔卻又屹立不倒的Cafe，以抵食為先，所以向下午茶出發