可能就快父親節既關係，搵咗好多間Buffet 都無位，點知打去呢間問竟然有位！😱職員仲話上官網預早2日前買有65折！梗係立即上官網買啦！😲 今日去到見真章.....雖然本身都無期望過折咗2百幾蚊會有驚喜，但果然價錢反映一切🤦🏻‍♂️........ 一入門口第一眼就係甜品區，味道唔錯同埋一啖一件 跟住就係長長既熟食枱，燒牛肉、燒豬腩值得試，夠腍身唔會鞋口幾好食！👍🏻 過咗熟食區先至到刺身、壽司🍣、冷盤同生蠔區。 同出面既刺身、冷盤區好大落差！ 刺身唔係擺係凍櫃有師傅即切，而係廚房切好攞出嚟用碟擺喺冰上面任人夾...... 生蠔係一早開定，並非即開......食落係新鮮嘅...但係如果係即開既更好！(食咗4隻即刻停手🤦🏻‍♂️) 總結：鍾意食熟食又想平平哋食一餐既都👌🏻 凍熱飲品、茶啡任飲*除咗酒*(飲品喺餐廳最尾段位置)

平時喺深圳食開呢間同集團嘅椰子🐔 見到香港開分店，梗係即刻試下喇！ 估到會多人等位，好彩打電話訂咗枱，有人臨場想攞位都無位畀佢 有雜誌介紹喔 有Live band唱歌又唱得幾好喎 係深圳就飲新鮮椰青水，香港無椰青水，唯有飲綠茶，又幾好飲喎😳 同深圳食嘅一樣有新鮮沙薑同埋青檸，撈落去豉油度，一流 香港嘅🐔係用文昌🐔 水滾熄火浸8分鐘就食得 枱面有圖教點整 個湯超清甜，正 結論：🐔滑湯甜又夠香 但價錢比深圳貴，香港一餐等於國內兩餐

當諗緊聖誕節四周多人，要搵地方7個人gathering係一個難題。上網發現原來旺角開咗新既大喜屋分鋪，立即訂位試新野！
當日去到地方極大！ 整層2樓都係樂天大喜屋。卡位又闊，唔洗坐咁迫。坐低第一時間梗係叫刺身啦！落單唔夠5分鐘，大盤刺身即上枱，效率超快！  呢度竟然有鮑魚食！仲要蒸出黎啱啱好！而鮑魚底下既蘿蔔又入晒味，正呀！
見佢有龍蝦湯，梗係試下啦，攞到黎一樽樽，份量啱啱好。黎大喜屋梗要試埋燒羊架！呢間羊架味道夠，但細件過其他分鋪...
整體而言，今次試新鋪，值得再返兜再食

一星期前訂定位同太太食生日飯，太太話想食麵包蟹，我又想食生蠔，於是搵到灣景廳合晒心意。讚好埋佢地fb專頁仲有75折!抵呀! 6:30pm開始，但我地早到10分鐘，即時入座等開始，到7:00pm已經全場爆滿要加枱! 先攞凍海鮮，新鮮到不得了!勁好味!生蠔無腥味，麵包蟹爆晒膏，正!蟹腳同埋螺都勁多人攞! 風乾火腿唔會好咸，夾生果一齊食，好味道! 仲有茶，啡，奶茶，凍飲任飲!!! 甜品都好多款揀，都幾好味! 因為做緊和牛promote關係，每位有一份即燒A3和牛送! 仲有MOVENPICK雪糕食 我地由開始食到收場，共3小時。竟然海鮮仲不停refill緊真係食到完場都仲有得你食👍 呢間buffet,我地一定會再返黎食!

見到雜誌廣告,一心去試下,點知...唉!...
串燒一般,重點係刺身!!!竟然係冰水浸刺身囉!所謂既牛油燒粟米,毫無牛油味,極淡!
伏呢家野,中一次就夠啦!

諗住入西貢行下食海鮮，於洪記，全記，同世興考慮中。世興個阿姐好落力咁推介我地試下，又話比九折…坐低後發覺中伏了…
人客少，龍蝦伊麵又話可以免費轉芝士，但坐低後職員話芝士要加$20 頂呀！完全唔係果回事!坐低前問佢加個炒蜆或者炒聖子例牌要幾十蚊，坐低後話要$128…梗係唔叫啦！
算!見老婆大人想食，就幫襯你一次!
灼蝦，差過自己喺街市買，份量又少。
炒菜又無得揀要咩菜…蒸魚同蒸扇貝又老又鞋…過晒火!!
到埋單，真係無九折!!呢間野中伏一次就夠!永不幫襯!

今日行經金馬倫道,見到新開鋪,就去試一試
去到樓下見到有COUPON食8送1,梗係攞埋去用啦
上到去梗係第一時間攞三文魚啦
但係....嘩!!D壽司大部份都乾到"痴:碟.....
以為刺身都新鮮啦....點知....又細件又乾...
款式唔太多,但係又無MENU介紹,
又無得落ORDER叫...有點兒不足
試一次後,下次未必會再去食
所以,我連相都無影返黎!!

今日老婆生日大日子,梗係試下新野啦
早一個星期已經BOOK定位,一去到...嘩!!勁多人等緊入去囉...
好彩BOOK左,同佢講BOOK左位講埋訂位NO.入得~!
第一轉梗係攞我地最鍾意食既刺身同冷盤喇
食落好新鮮!!藍青口好甜
跟手飲個蕃茄忌廉湯....極之濃既蕃茄味!!
一心想食翡翠螺,但係..唔見有既?問侍應原來已經無左LU....
見刺身咁新鮮好味,想出去攞多轉,點知見到長長既人龍排左陣先攞到
最後,食埋生果同甜品,生果無咩特別,而甜品就少款左D但都好好味
依咁既價錢黎講,OK架喇!!食得過