港鐵西港島線開通後都未坐過，趁數碼港出返黎，梗係要坐下兼鎖定西營盤覓食啦~ 本身諗住幫襯懷舊冰室， 點知中途下雨， 被一餐廳門前餐牌吸引了，眼見菜單不錯+價錢合理+離開既食客話好味，就一於入座啦~
餐廳新到連 Openrice 都無記錄( pre-opening) ~ 主廚係日本人~我們用餐期間前後得3檯食客， 男友擔心下次黎已經見唔到呢間餐廳，所以我決定 fb 推介下 XD [註:真正用餐&寫食評的時間為6/6/2015，只是今天才從fb 轉貼到這裡]
環境裝修舒適， 唔嘈， 傾到計，服務好好~ 兩款湯都好 creamy， 沙律新鮮，廚師推介既魚香肉絲pizza 又真係幾好味喎， 不過侍應推介既牛扒我地反而覺得一般， 可能揀鱸魚會好 d~ 柚子雪芭完全係賣飛佛， 開心~

滿心歡喜叫pizza，鎖定西九龍的Doner House，n年前食過，因為印象中幾好味，價錢又較平~

外賣速遞當晚餐~

誓估唔到質素差到咁！一次就夠了！以後不會再幫襯！

$98 係比pizza hut平，但一d都唔值，早知加多少少叫番pizza hut好了~

pizza唔脆都算啦，點知拎上手係'淋'架！軟lai lai的pizza！o 咀！

唔知自己在咬些什麼，無口感，味道又一般，同以前的有天壤之別！

個焗飯見到都唔想食！所以我無食到！屋企人食~

酥炸雞中翼，只是普通細size，不是中翼，仲要都係'淋'左！

發生乜樹呀！?

本來好期待架嘛~

屋企人佢地都o 曬咀，因為係我既主意，搞到我勁唔好意思，雖然係自己人~

阿妹事後仲要煮麵食！

主旨: 大家千祈唔好幫襯西九龍中心8樓的Doner House！