點了蕃茄牛肉幼麵，牛肉冇味亦唔淋，湯有湯不能掩蓋嘅騷味，食食下仲有粒發泡膠漂過...我好少浪費食物，但真係食唔落。最好味係炸花枝丸。唔值呢個價錢...好失望😞唔會再嚟

剛好今日好想食pancake, 食物質素不過不失，沒有太大期望就不會失望。靠窗座位唔好坐，張櫈向前斜會跣出去晚飯時間，都只得幾張枱，但店員就漫不經心，想點菜找不到人，點了四樣食物，漏咗一樣單...唔怪得咁少人啦...

一開始亞姐極力推介嘅川北涼粉已經係一pat嘢，一夾即斷！印象分已大打折扣！
再嚟麻辣拼豬骨湯底，麻辣一食一大陣羊騷味，重點我地全部人都唔食羊，同老細講，佢試完話係新鮮牛油味喎，我地真心唔識食，結果成餐只能食中間嗰個「豬骨湯」
蝦餃未熟都穿嘅，根本撈唔返，蝦滑一夾即碎，仲夠膽同我講彈牙，安格斯牛頸脊冇味，非常好刀功切到透薄淥完變迷你肉片
淨係識sell海鮮，差過任食打邊爐，食到好火滾！

過了12月中旬, 今晚終於有點點寒意。一個人不想煮, 又想食辣的麵食暖一暖, 想起了這家酸辣米線。

點了豬扒酸辣水晶粉, 上桌已聞到陣陣麻辣香, 略嫌不夠酸, 如果多點酸菜更好。第一次吃水晶粉 (+$2), 是介乎米線與薯粉之間的東西, 沒有因為久泡在湯裏而軟掉, 讚! 小辣剛好滿足要暖身的要求, 也不會難於入口, MENU上有溫馨提示, 可叫清湯而辣另上, 非常體貼!

豬扒醃過很夠味而且鬆軟, 只是$30的酸辣米線有4塊豬扒, 雖然SIZE不算大, 但百物騰貴的今天算是很划算!

今日有老闆請食Lunch, 地點我地Pick咗ZUMA

我叫咗3-course set lunch, 唔記得叫咩名了…

我對ZUMA都幾大期望架! 點知先上的壽司D飯居然有D唔太熟, 食到一粒粒的米…第二道是沙律, 我要了chicken asparagus, asparagus只比牙簽粗不了多少, 同埋只有3大枝, 我摷咗一陣先見到…Main我叫咗Yellow tail, 魚太老, 汁太甜…甜品係另外加的, 我叫咗almond tofu with yoghurt ice-cream (個名太長唔記得了), 要成 $98個大洋! 我都有D唔好意思, 有D咋甜品的賣相好靚, 味道好豐富, 酸酸甜甜咁唔錯BTW, 另外叫的煎茶不錯, 好香好特別的茶味!

見多數都係鬼佬黎呢度食飯, 唔, 應該啱佢地多D卦? 飲嘢應該唔錯既我諗…

希望越大, 失望越大。

一直對於佢地個又紅又黃既招牌有D厭惡, 諗住D裝修都係土裏土氣強國FEEL, 原來淨係得侍應制服係紅黃二色, 餐廳入面都尚算OK。一坐低已經被又酸又辣既氣味令到我口水分泌大增! 馬上叫咗酸辣粉加豆卜要中辣!

就係咁, 令到自以為食得辣既我, 敗係呢碗區區中辣既酸辣粉手上, 嗚～～～

係我離開香港太耐無食辣退步咗, 定佢真係咁辣? 成碗粉我除咗食到辣味外, 食唔到任何酸味, 或者應該話食唔到任何味道….本住唔浪費食物同唔服輸既原則, 我一條一條咁食, 唔敢大大力O雪入口, 因為食得太快會即刻攻上鼻 >< 頭皮開始冒汗, 嘴唇亦開始腫…

就係咁一條一條咁食咗半碗, 我最後決定:「投降」, 嗚～～～叫咗碗清湯成碗倒落去我碗粉度….

傷心酸辣粉, 你好嘢!! (淚奔～～)

有朋自台灣來, 去完山頂睇夜景, 佢地話想去大牌檔, 見近近地就帶佢地黎呢邊, 連我都未黎過既大牌檔。都9點幾了仲係好爆, 好彩咁啱有一張枱走咗。望一望個MENU 嘩, 好平呀! 而家食小菜仲有$3X??!! 大家都好肚餓, 叫咗成8個餸, 本來仲想叫乾炒牛河怕食唔哂, 諗住食到一半唔夠再叫, 點知伙記話一定食得哂! 咁肯定? 我地得6個人咋喎…

一黎就係楊州炒飯同臘味炒芥蘭, 兩樣都好食!! 我想同台灣朋友講呢度個個餸都好夠鑊氣, 但鑊氣國語點講呢? 經過一番唇舌之後, 先知道原來佢地都係叫「鍋氣」, 哈哈!唔怪得伙記話一定食得哂, 因為每樣都好細碟! 結果我地又加咗兩樣嘢, 6個人食10個餸! 不過我寧願細碟D可以試多幾款…呢餐D小菜都算OK啦, 係個椒鹽鮮魷 (唔係炸,係炒) 好咸 > <” 咸到要即刻叫可樂!

中午黎到The Loop, 竟然等一部Lift就上到去。Set lunch有好多選擇, 我揀咗一款我連名都唔識讀既意粉: Salsiccia (Italian sausage in red wine sauce), 其實menu上大部份名我都唔識讀, 好彩每一款下面都有詳細解說

先上set lunch的湯(另外可選沙律), 係carrot soup, 顏色鮮艷, 濃度剛好, 好明顯用好多甘筍打碎煮出黎, 而且餅乾條又香又脆! 飲完湯, 極速上咗意粉。 聞到有少少紅酒味, 先試咗一啖意粉, 好得呀～軟硬適中，個汁令人好開胃(好彩食落又唔係又重酒味)，香腸味道濃郁! 成碟好快被我食哂, 埋單每人只係$130, 仲要坐唔滿, 枱隔得又遠, 講是非都唔會咁易俾人聽到! 非常滿意的一餐!

(唔記得試佢地D咖啡, 下次要再去!)

去到6點半都未夠已經要排隊, 好彩只係排咗10分鐘。見到牆上寫住有圍巾/橡筋供應以防大家D頭髮/衫整污糟, 咁我問佢拎條圍巾囉…點知, 佢地只係俾咗一張稍大既紙巾我...well…湯我揀咗淡, 麵要較粗嗰種同揀咗硬身, +1辛。我都知唔會淡得去邊, 對我嚟講已經夠哂, 叉燒麻麻地, 好鞋, 呢間D麵無乜特別, 即使只係尋晚食完我而家都完全無哂印象。

其實而家開咗咁多間拉麵店, 間間都係豚骨湯, 好似已經食到麻木哂, 全部都差唔多咁。豚王我係第一次嚟 (因為怕排隊, 係個Friend話而家唔洗排隊我先嚟), 坦白講都算OK啦唔太差, 但係坐得好辛苦。而家冬天, 大家都有件褸, 但係食拉麵咁熱又要除咗佢, 除咗又要一邊攬住件褸同個袋一邊食麵, 仲要D位咁迫人貼人咁滯, 食得好”呢HEA”。

BTW, 另外叫咗隻蛋, 好咸, 仲要成$15!!

埋單2個人$190, 本來俾$200找返$10咪好地地, 係要做埋D小動作找D散銀俾人, 我以為而家除咗D街坊酒樓之外唔興呢招?

之前經過見到呢間拉麵店的門面好別緻, 無煮飯所以就嚟試下。舖頭好細間, 得一排高櫈圍住廚房坐。一早已經諗好要食骨膠原雞白湯拉麵! 第一次食拉麵係配雞湯, 未加骨膠原時試咗一啖, 清清地唔錯, 啱我口味, 加埋骨膠原之後唔知係咪我「型」住? 好似感覺黏口好多...麵我揀左適中硬度, 但如果再去我會揀硬, 始終都係中意食D Al dente麵質多D臨走同咗喺我前面煮麵的日藉老闆講碗麵好好食, 見到佢由心發出嚟既笑容, 我自己都好開心!