Lunch Time 老闆特然話請食飯, 咁我地當然想試新野啦, 有同事就提議左呢間功德林, 食素菜的, 我地都覺得平時大魚大肉就試下食d清清淡淡既新野啦, 一入去唔駛等位就有得坐, 仲要係好乾淨呀, 有別於其他的茶樓,同埋夠靜呀, 一d都唔嘈!

一坐低就見到介紹小麥草, 我從未飲過, 所以就試下啦!真係新鮮渣出來架....嗯....飲落去唔甜, 有清新感覺, 都幾好飲的, 大家未試過既可以去試下!真係想樣樣都試d就叫左呢個{五福臨門拼盤}!!!!

有脆鱔, 雞絲粉皮, 素鵝, 豆腐, 凍茄子

最好食就係脆鱔,個質感真係好似食緊鱔咁, 但其實係菇來架, 真係估唔到會咁似, 另外就係素鵝, 一d都唔油膩, 正!另外叫左d茶樓小點, 叉燒包, 雞扎, 哇...真係同茶樓食既冇分別呀!唔講都唔知係素來! 見到有麵都叫左兩碗試下...

青菜煨麵, 嗯...呢個麵真係好清好清....擔擔麵, 而呢個就好香花生味!