今晚叫咗個外賣，香煎雞扒麻辣撈麵，配炒蛋餐包及嘢飲。撈麵非常之惹味，味道香口，雞扒煎得很軟，而且有肉汁，有點驚喜。另外餐包是菠蘿包，把炒蛋和火腿扒夾在一起食，十分不錯。 可惜的是收銀的一位女侍應態度黑口黑面。只是外賣短短幾分鐘，已經令人反感。看到其他食評也有相同分享，未知是否同一人。我只係一時講錯付款app名字，該女侍應即刻不耐煩串嘴說我之前講錯，我馬上道歉。 說真的，我不求這裏服務可以笑臉迎人，但在這裏消費也至少不要受氣吧。劣評是給那位收銀的女侍應。

見呢間新開，於是叫個外賣試下。聽職員介紹叫咗初戀咕嚕肉。 午餐跟個白飯，咕嚕肉酸酸甜甜，沒有肥肉不多，保有肉汁。味道正常，餸菜量不算多，但能夠吃飽。 另外午餐加錢叫咗杯茶走，問題就開始了。 杯奶茶見到已心知不妙，好似咖啡咁色，應該加唔夠奶。職員阿叔見我懷疑，大聲極力同我講係咁樣一定夠甜。 返到公司去攪勻杯奶茶，飲咗都只係有茶的苦澀。我好聲好氣打電話去問解決方法，個阿叔反轉頭話我嘅問題，佢冇問題，茶走係咁，叫我好心唔好投訴，仲想cut我線，最後發晦氣話一係攞返嚟換之後cut我線，語氣好激動。 其實因為真係好難飲，又加錢買，我決定攞返去。 一入到個阿叔好勞氣咁搶過杯奶茶，話俾杯普通奶茶我，我怕佢加料，叫佢俾多啲煉奶俾我就算。 其實客人反應食物問題又話返個客轉頭，咁樣真係倒自己米，只能講呢間冇下次。

因為看到餐廳有戶外座位，而且環境不俗，時間有點趕，所以決定試一試。 來到的時間因為比較早，餐廳沒有人，我和朋友走進餐廳想視察下坐哪裏，突然有個男侍應大聲叫住我們，叫我們停步。語氣比較硬問我們多少人，然後叫我們坐在他指定的位置上。由於我們想坐室外，告訴他後，他也允許我們坐室外。那男的語氣態度比較趕客，未知是否是老闆才敢那樣對客人。 食物方面，叫了一個漢堡扒和唐揚炸雞蕎麥麵午餐。 漢堡扒口感有點像蒸肉餅，肉質比較實，吃的時候也差點忘了這是漢堡扒。醬汁的味道比較一般，只是賣相比較好。 另一個唐楊炸雞蕎麥麵也比較普通，蕎麥麵的湯是淡淡的，一定要配合炸雞食才有點味道，沙律菜比較新鮮，值得一讚。 加錢點一杯朱古力和Mocha，比想像中好，而且有拉花，打卡不錯。 服務態度有待改善，否則以這樣的食物質素及價錢，客人還可以有更好的選擇。

呢間日式餐廳，雖然店內空間不大，但勝在服務非常友善。中午時分，我們坐戶外位置，吹著微風，非常舒服。我哋點了一個日式鰻魚飯及泡菜雞肉飯定食。 定食包括魚湯，蔬菜和煎餃子。 餃子煎得很香口，味道不錯。炒雜菜也不錯。 泡菜雞肉飯的泡菜醬汁有少少過喊，要多配飯一起吃才能減少咸味。味道來說也算嘢未，可惜雞肉不夠嫩比較乾身。 鰻魚飯，朋友說不錯吃。 吃完飯的時候，店員會詢問我們味道合不合適，相信他們有用心聆聽適合的意見。

下午茶時間去買個外賣。等待嘅時候見到厨房內所有師傅冇戴口罩，見到我望住佢亦都冇意識要帶返好過口罩。 之後返到公司差不多食完個菜遠牛河，發現有條蟲係裏面。好彩冇肚痛，但心情非常不好。 之前食過一次，味道一般，沒特別。 今次菜遠炒河，正正常常，牛肉算嫩滑，雖然下午茶幾抵，可惜衛生問題不會有下次。

今日早啲6點30到餐廳，因為再遲一啲就要排長龍。呢間係米芝蓮星級餐廳，裏面大多數都是東南亞人做服務員，樓底很高，可惜這餐廳熱到好似係泰國咁，但真係很好吃。 叫咗香辣泰式炒河，係用寬河粉炒的，配上多種香料和雜菜，鑊氣十足，香辣嘢味，味道豐富。配上pink lemonade ，酸酸甜甜很開胃。 另外在叫了炒金邊粉，酸酸甜甜的也不錯，不過沒有香辣炒河那麼特別。 另外再叫了一個椰青，可惜不夠清甜。 總體來講，這間餐廳十分推薦。

位於數碼港嘅呢一間餐廳，價格唔算平，但勝在多元化。 叫咗個日式便當，裏面有三舊小小的壽司，炒牛肉粒同炸餃子等小食。賣相不錯可惜味道一般，炒牛肉粒比較韌和多根，而且沒有什麼味道，吵得很清淡。份量看起嚟很多，但其實食完唔太夠飽。 海膽魚生便當還好，食材都比較新鮮。海膽也鮮甜新鮮，飯量也足夠。還配上沙律菜，賣相也十分好看。沙律菜也是夠新鮮，這個會比便當好吃一點，但價錢也比較貴。 午餐不包括飲品，但包了一碗麵豉湯，味道也正正常常不太鹹。

這間Top Blade 是我看牛扒關注組的推介而來。新間的分店，所以環境算闊落。 叫了一個flat iron，性價比非常之高，有肉汁又嫩滑，配上烤蒜頭真的很好食。今次叫了3成熟，少少血水，有驚喜。應該比很多高價位牛扒好食。 別外叫了個西班牙谷飼豬鞍就一般，配菜係炒洋蔥，十分惹味，可惜肉質未夠嫩滑，有部分位置比較乾身，所以價錢一樣的話建議食牛扒！ 最後食咗個純素朱古力蛋糕。純素嚟講好香濃嘅朱古力味，可惜比較單調和甜，可以不叫。

這是第二次幫襯呢間餐廳，之前食過銅鑼灣分店，覺得還可以。 呢間比較大，裝修都比較靚。我哋叫咗二人餐。 首先係炸皮蛋，蘇脆炸皮內有皮蛋，不過個泰色辣醬令到個味一啲都唔台灣。 鹽酥雞，比較一般，沒有特別，肉質沒有嫩滑。可以不叫。 芋泥蛋餅，芋泥好甜，又甜又鹹，可能係當甜品食？ 滷味比較好，下次只會叫呢個，餸菜比較入味。 甜品芋見你，可以唔叫，用難食去形容。芋圓硬，豆沙甜到食唔落。成碗係死甜嘅泥。 整體來講，下次散叫比較好。另外店員多次落錯單，小心check單

今晚原本想去食top blade食牛扒，因為排隊人數眾多，所以轉去呢一間岩鹽日本料理。呢度嘅服務相當唔錯，解釋詳細又親切。 叫咗比較有特色嘅釜飯，就是日本的煲仔飯，喺門口已經見到師傅煲緊飯。飯裏面有栗子、蛋、菇等材料調味，再放上和牛和鵝肝。吃完還可以將剩下的飯，加入熱湯變成茶漬飯。感覺很特別。 另外，壽喜燒牛肉火鍋，味道很不錯。 炸忌廉蟹肉餅，非常之好食，香口油炸得酥脆。 另外還有牛肉烏冬忘記了拍照，味道不過不失，烏冬煙靭Q滑，不過湯底比較清淡。