星期日 諗住去試下新開嘅759車仔麵
入到去坐低 諗好食咩去叫
點知 收銀話冇芝士腸.....
一睇最近收銀個menu 原來好幾樣野都冇
最後揀左雞翼 豬肉丸 生菜 配759自家麵食嘅出前一丁
都唔係好明點解芝士腸都會冇 冰鮮野咋喎 八點幾咋喎.....算

結果 個麵黎嘅時候 個呀姐講左句
冇生菜呀 娃娃菜得唔得
下....你整好哂成碗放到我面前先問我得唔得??!!
冇你唔早問我??!! 我唔可以揀第樣嘅?! 同一件事亦都發生喺其他客身上
我在場其間起碼睇住三個人本身揀左雞排之後被迫轉
有個仲要係轉左兩次 食物味道 清湯底好淡味 雞翼好咸
都算正常
但衛生真係麻麻....
雖然鋪面新淨望落乾淨
但目睹店員因為唔記得邊盆係沙嗲邊盆係咖哩
竟然用同一隻匙羹喺兩盆野度試味....

一個字: 冇下次

團購買入 兩位6小時放題 連加一附加費等等等 盛惠每位 $222
唔算係平價放題
本身想book 12月尾去點知話full booking結果拖到一月去六點到 唔夠一半滿座 環境ok唔算迫

首先 團購標明「加送龍蝦 / 海膽及燒蠔 1 隻」
一入座就問左先
點知 得到既回覆係「龍蝦未送到喎 海膽你要唔要丫」
下?? 未送到都係理由??? 你寫明可以揀架喎..依家黎到就迫我食....

都算。味道...普普通通啦

然後開始睇餐單
一個字 「出．事」大家可以自行比對下買團購時既餐單 同去到可以點既菜色 係少左幾多...
好 搵個人黎問
「唔該 呢度係唔係已經係你地所有餐單?」
「全部都可以點(走)」
..........可唔可以聽清楚我問咩

(問第個)
「唔該 呢度係唔係已經係你地所有餐單?」
「係呀」
「點解我買團購既時候多d野?」
「um..我地換左餐單 趕唔切update 不過我覺得新呢個餐單好食d囉」
「.........你依家係貨不對辦 唔係你覺得好唔好食囉 」
而且佢明顯係選擇少左而唔係轉左
真係...好有個性

其後仲有好幾樣野食 點左幾次都冇黎...
可想而知 呢餐「放題」可以選擇既食物有幾 咁 少.....

食物質數
魚生還可以 三文魚 蟹棒都ok的炸物就真係 好．很．難．食
仲要一黎就一大碟
明明寫左要一粒佢就俾兩粒
要一件就俾兩件
一客仲衰 係好大碟
好食都算 重點係 好．很．難．食
得個油字 冇味 係咸味都冇少少
口感堅硬....正啊...算啦 唔食炸野 我食西蘭花囉 芝士焗西蘭花 冇死喇掛
黎到.......
「um....碟上???」
「芝士焗西蘭花....碟上.......」
西蘭花味道正常既 不過芝士呢????
係個碟底度.......

好野啊...好野啊........好強既料理....

最後 我地決定食一樣冇死錯人既野食飽佢.....雪．米．滋
金丼唯一可取既係
佢d甜品係無限任點架 正呀 抵到呢
結果我地兩個人 食左二三十粒雪米滋
以競猜雪米滋口味為樂 (因為冇得揀 口味隨機)
望望隔離檯兩母女 一大一細
同我地一樣狂食雪米滋........
雪米滋真係正啊~~~~冇得頂啊~~~~~
六小時放題 食左兩個鐘就走左
番到屋企仲肚餓......

回味無窮啊...................