影片
更多
2007-08-27
3 瀏覽
想黎Tiffin食甜品自助餐好耐,終於有機會一試。無論環境,氣氛,服務,同埋食物水準,都係一流,我同朋友們都好滿意!主角當然係多款甜品,比我想像中多款式,而且特別,當中包括唔同口味雪糕同雪糕蛋糕、唔同口味芝士蛋糕、拿破崙、梳乎里、法式蛋白杏仁餅、豆腐花、楊枝甘露、乳酪、栗子蛋糕、紅豆綠茶蛋糕、香橙君度酒蛋糕、威化卷、雪葩、芭芙、啫喱、tiramisu、生果等等，仲有一粒粒既朱古力(有開心果味、茉莉花茶味、原粒果仁朱古力)。食左十幾個雪糕球,口味包括綠茶、葡萄、椰子、櫻桃乳酪、酒香蜜餞、芒果芝士、香橙;香橙最特別,唔係自己抣,而係用個橙(有橙肉,但雪到硬晒)載住;紅豆綠茶蛋糕值得一吃再吃,係我本人既推介,綠茶味蛋糕已經正,仲加埋紅豆味忌廉,同埋粒粒真正紅豆,紅豆份量係多到啖啖都食到,真係好好食;士多啤梨拿破崙更加係全檯都推介既甜品,個酥皮做得又香又脆又鬆化,吉士又唔會過多喎甜;仲有食親甜品buffet都有既tiramisu,呢度都做得好有水準;反而梳乎里差少少,香橙梳乎里食唔到橙味,草莓梳乎里亦食唔到草莓味,只係得個甜字;至於唔同口味既芝士蛋糕,我最欣賞香蕉檸檬芝士餅(仲有朱古力芝士餅,
無論環境,氣氛,服務,同埋食物水準,都係一流,我同朋友們都好滿意!
主角當然係多款甜品,比我想像中多款式,而且特別,當中包括唔同口味雪糕同雪糕蛋糕、唔同口味芝士蛋糕、拿破崙、梳乎里、法式蛋白杏仁餅、豆腐花、楊枝甘露、乳酪、栗子蛋糕、紅豆綠茶蛋糕、香橙君度酒蛋糕、威化卷、雪葩、芭芙、啫喱、tiramisu、生果等等，仲有一粒粒既朱古力(有開心果味、茉莉花茶味、原粒果仁朱古力)。
食左十幾個雪糕球,口味包括綠茶、葡萄、椰子、櫻桃乳酪、酒香蜜餞、芒果芝士、香橙;香橙最特別,唔係自己抣,而係用個橙(有橙肉,但雪到硬晒)載住;紅豆綠茶蛋糕值得一吃再吃,係我本人既推介,綠茶味蛋糕已經正,仲加埋紅豆味忌廉,同埋粒粒真正紅豆,紅豆份量係多到啖啖都食到,真係好好食;士多啤梨拿破崙更加係全檯都推介既甜品,個酥皮做得又香又脆又鬆化,吉士又唔會過多喎甜;仲有食親甜品buffet都有既tiramisu,呢度都做得好有水準;反而梳乎里差少少,香橙梳乎里食唔到橙味,草莓梳乎里亦食唔到草莓味,只係得個甜字;至於唔同口味既芝士蛋糕,我最欣賞香蕉檸檬芝士餅(仲有朱古力芝士餅,草莓芝士餅等),口味比較特別,食到芝士香又食到香蕉香,但係味道又唔會太濃;另一款一試再試既甜品係桑莓芒果雪糕蛋糕(比另一款朱古力雪糕蛋糕好味好多),桑莓雪果又有芒果雪果,外面用朱古力皮包住,真係令人好想食多好多好多次;法式蛋白杏仁餅雖然有草莓、開心果、咖啡三種味道,但試過晒之後,只有草莓最得我歡心;威化卷內藏雪糕,又係超好味,又凍又脆,口感一流,但係都幾甜架。
如果可以,我都想再黎食呀!(不過再咁食法,肯定肥死...但係,對住咁好味既甜品,試問又點忍口呢?)
張貼