影片
更多
2008-05-17
57 瀏覽
上星期三係HONEY既生日，阿少爺一早就講明唔好食得太貴，佢又唔多鐘意西菜 (佢係一個傳統既男人黎)，所以就選擇左去翰騰閣啦。DBS近排出左好多飲食優惠，好似去翰騰閣就有套餐，都好抵死下架! 我地食左: 帶子沙律、燉湯、鮑汁花膠鵝掌、半隻龍蝦伊麵、百合炒甜豆同埋甜品係椰汁燉奶。我驚我honey 唔飽，所以再加一碟咕嚕肉，咁就一定夠食又開心啦。個帶子沙律就無驚喜，不過Honey 鐘意食生果沙律佢就食得好開心。燉湯就勁啦，你都睇到個碗有幾大啦，而且仲有好多料添 – 竹笙、雞、肉、花膠、螺頭等等，一人一盅，飲完食埋湯渣真係飽左一半，但係一d味精都無架。個鵝掌就麻麻啦，最主要係個汁唔多好味，所以晒左d材料，可以整得入味好多架麻。龍蝦伊麵d龍蝦好好食架，主要係八成熟，所以一d都唔老，好食! 個菜同咕嚕肉都好味，有水準，咕嚕肉係用里脊做，所以啖啖肉，男士食就最啱啦!甜品就唔多吸引我啦，男主角就好俾面咩都食晒!最唔好既就係佢地上菜好快，食都未食得切，而且一餐飯竟然由點菜到埋單唔駛個半鐘，你趕收工即我唔趕啵~ 全餐都係HK$550，當然係我俾錢啦~
DBS近排出左好多飲食優惠，好似去翰騰閣就有套餐，都好抵死下架! 我地食左: 帶子沙律、燉湯、鮑汁花膠鵝掌、半隻龍蝦伊麵、百合炒甜豆同埋甜品係椰汁燉奶。我驚我honey 唔飽，所以再加一碟咕嚕肉，咁就一定夠食又開心啦。
個帶子沙律就無驚喜，不過Honey 鐘意食生果沙律佢就食得好開心。燉湯就勁啦，你都睇到個碗有幾大啦，而且仲有好多料添 – 竹笙、雞、肉、花膠、螺頭等等，一人一盅，飲完食埋湯渣真係飽左一半，但係一d味精都無架。個鵝掌就麻麻啦，最主要係個汁唔多好味，所以晒左d材料，可以整得入味好多架麻。龍蝦伊麵d龍蝦好好食架，主要係八成熟，所以一d都唔老，好食! 個菜同咕嚕肉都好味，有水準，咕嚕肉係用里脊做，所以啖啖肉，男士食就最啱啦!
甜品就唔多吸引我啦，男主角就好俾面咩都食晒!最唔好既就係佢地上菜好快，食都未食得切，而且一餐飯竟然由點菜到埋單唔駛個半鐘，你趕收工即我唔趕啵~ 全餐都係HK$550，當然係我俾錢啦~
張貼
