壹碗麵 (已結業)

同事介紹, 話幾OK, 咪食晏一齊去。食左蝴蝶腩撈濶條麵。蝴蝶腩, 我個人口味比較鐘意較淋的牛腩, 同時佢無咩味。醬料方面都係麻麻地。濶條麵方面, 麵質OK, 係手拉, 同時麵質好濶, 出面好少食到, 但係麵條唔夠爽口。可以一試。第二次再去試食﹕食左肥牛麻辣QQ麵都只係麵條方面比較可取, 肥牛無咩特別 (我亦無期待), 麻辣就一D都唔OK, 我已經叫大辣, 但都唔係好辣, 而且一D都唔麻, 實在可惜。總評:午餐食茶餐廳 食得悶的話, 都可以一試。