影片
更多
2012-07-29
42 瀏覽
在尖東尖沙咀附近，找一間可以輕鬆下既cafe似乎都唔係易事。Crema地點就腳，方便，而且店舖唔算細，就算坐得耐都唔會有阻住佢做生意既感覺，所以去開呢區都鐘意來呢度坐下，飲杯拉花拉得靚靚既cappuccino 不過早餐就一次都未食過，今日就得登早少少起身食返個靚早餐。九點鐘來到，全店大約有十位客人用餐，唔算好多人。因為呢度係地面落一層，唯一淨係得一個角落有個天窗，所以二話不說就走左過去。侍應主動收拾枱上，遞上餐牌，很快就選定B3：磨菇芝士奄烈配茄汁豆及穀麥多士，另外加左＄8飲意式泡沬咖啡（仲可以轉脫脂奶）。等左大約5﹣10分鐘，早餐先上場。同相片差少少啫，不過都可以接受。先食個奄烈，切開明顯有唔少既芝士喺入面，磨菇切成片既，不過食落蛋唔香，多油；磨菇出左D水，影響芝士同埋蛋既質感；蛋同磨菇都無乜味，幸好有芝士既鹹味，整體只是麻麻，下次會選擇炒蛋就算。穀麥多士反而幾鐘意，輕微焗過既，仲有少少甜味，就算唔加牛油都OK。好喜歡呢度既拉花，每次見到都好開心，barista好有心思，唔忙既時候總會整唔同既拉花：）奶泡都幾綿密，但係唔算好厚實，所以飲左一半，個拉花都散散地，奶既比例比我偏好既多D
九點鐘來到，全店大約有十位客人用餐，唔算好多人。因為呢度係地面落一層，唯一淨係得一個角落有個天窗，所以二話不說就走左過去。
侍應主動收拾枱上，遞上餐牌，很快就選定B3：磨菇芝士奄烈配茄汁豆及穀麥多士，另外加左＄8飲意式泡沬咖啡（仲可以轉脫脂奶）。
等左大約5﹣10分鐘，早餐先上場。同相片差少少啫，不過都可以接受。先食個奄烈，切開明顯有唔少既芝士喺入面，磨菇切成片既，不過食落蛋唔香，多油；磨菇出左D水，影響芝士同埋蛋既質感；蛋同磨菇都無乜味，幸好有芝士既鹹味，整體只是麻麻，下次會選擇炒蛋就算。穀麥多士反而幾鐘意，輕微焗過既，仲有少少甜味，就算唔加牛油都OK。
好喜歡呢度既拉花，每次見到都好開心，barista好有心思，唔忙既時候總會整唔同既拉花：）奶泡都幾綿密，但係唔算好厚實，所以飲左一半，個拉花都散散地，奶既比例比我偏好既多D，所以Crema既甘苦味唔太濃，不過質素都好過好多連鎖店！埋單只係＄43！
有環境，有少許足夠既服務，有穩定既質素，不錯既開飯之選：）
張貼
