更多
2013-01-12
701 瀏覽
除夕加上結婚週年,為左避開倒數既人潮,我地揀左黎呢間名不經傳既泰國菜館慶祝。餐廳位處觀塘工業區近麗港城附近,由APM步行都要10-15分鐘,地點唔太方便,但見先幾日報紙介紹就黎試下。亦可能因為唔就腳,當日先訂位都仲有。冇諗到除夕夜都唔滿座,我地八點黎到只係得三枱客人,人少正合我地心意,但以為可以靜靜地傾下計時,VIP房傳黎一陣卡拉OK之聲,全部係懷舊金曲,難免破壞雅興!強烈建議改善隔音!講返食物,原本除夕有個套餐,我地睇過唔太岩食就另外散叫。叫左一個自選組合A+B+C,有燒豬頸肉沙律,藕片二重奏,水門豬脾浸芥蘭,另外加多個招牌冬蔭湯浸小籠包同泰皇咖喱海鮮炒飯。燒豬頸肉沙律(燒豬頸肉爽口唔靱,加埋大量沙律配菜,酸酸甜甜十分開胃,而少少辣亦係一般人可以接受既程度)冬蔭湯浸小籠包(呢味Fusion菜好有新意,酸辣既冬蔭湯正好代替平時既醋,帶出小籠包既鮮味,唯美中不足係小籠包皮偏厚,但同時亦比較飽肚)水門豬脾浸芥蘭(平時好少食豬脾,怕佢太肥膩,但呢度既豬脾皮爽肉滑,入味口感佳,墊底既芥蘭剛好中和食肉既飽滞感,值得一試)藕片二重奏(用蝦膠同鯪魚膠釀既藕片炸成黃香脆既多士狀,香口唔腥,可惜只有六件
冇諗到除夕夜都唔滿座,我地八點黎到只係得三枱客人,人少正合我地心意,但以為可以靜靜地傾下計時,VIP房傳黎一陣卡拉OK之聲,全部係懷舊金曲,難免破壞雅興!強烈建議改善隔音!
講返食物,原本除夕有個套餐,我地睇過唔太岩食就另外散叫。叫左一個自選組合A+B+C,有燒豬頸肉沙律,藕片二重奏,水門豬脾浸芥蘭,另外加多個招牌冬蔭湯浸小籠包同泰皇咖喱海鮮炒飯。
燒豬頸肉沙律(燒豬頸肉爽口唔靱,加埋大量沙律配菜,酸酸甜甜十分開胃,而少少辣亦係一般人可以接受既程度) 冬蔭湯浸小籠包(呢味Fusion菜好有新意,酸辣既冬蔭湯正好代替平時既醋,帶出小籠包既鮮味,唯美中不足係小籠包皮偏厚,但同時亦比較飽肚) 水門豬脾浸芥蘭(平時好少食豬脾,怕佢太肥膩,但呢度既豬脾皮爽肉滑,入味口感佳,墊底既芥蘭剛好中和食肉既飽滞感,值得一試) 藕片二重奏(用蝦膠同鯪魚膠釀既藕片炸成黃香脆既多士狀,香口唔腥,可惜只有六件,人多會唔夠分!) 泰皇咖喱海鮮炒飯(炒飯充滿咖喱香味,加上各式各樣既海鮮,包括鮮魷,青口同大大細細既蝦,用料同份量十足,兩個人未必食得晒) 炒飯食得多,有鮑魚既我係第一次見,仲要唔細隻,真係大開眼界! 臨尾仲送上 甜品,係紅豆大菜糕,冇諗過咁好味,為晚餐錦上添花! 呢度夜晚人客唔多,待應阿姐有時都幾得閒,所以我地叫佢幫手影相都好俾心機。同埋佢既份量唔少,今次我地就叫多左搞到飽得滯!如果一班人想食泰菜又唔嫌交通不便,呢度係值得一試的!
張貼