元祖橫丁 (已結業)

聖誕節老公冇假放，未有跟囡囡慶祝，諗住食番餐放題補番數。因為有大盛日本料理[]既VIP卡，去佢地集團新開[]既元祖横丁食放題有85折，所以選擇左佢，點知失望而回，首先我點左三文魚，章红，立魚，八爪魚，甜蝦，帶子，象拔蚌，北寄貝，只有甜蝦，帶子，鮮甜好味其餘就味如嚼蠟 壽司更惨！D飯好似隔夜飯咁硬。 炸物就不過不失啦！脆口唔油膩，炸漿唔算厚。串燒就好壞參半，牛舌味道適中有肉汁，雞翼，羊架，虎蝦，乾凈凈叫左一轉都唔取再叫，燒菠蘿就又甜又多汁，想再叫可惜已經截單喇各種沙律細細杯上又幾好喎！冷麵，烏冬，D汁冇特別超市貨色鍋物，小炒就麻麻，碟炒牛肉咸到跳起，食左一片，就食唔落去喇！焗蠔就唔錯，元祖祕制醬汁又真係掂喎！ 甜品有雪糕，年糕，因為當晚冇年糕所以冇得試，雪糕係軟雪糕，下面放左D紅豆，紅豆好味不過太少。飲品有冷有熱都係任飲，啤酒，清酒就要額外收費喇！