好運印尼餐廳

營業中

休息中

聞說呢度巴東牛好味道，今日特意來拜訪一下。 鋪子好舊式，舊裝修但環境乾凈，中午13：30約7成人客，以呢度頗偏僻的地方算多客人吧。言歸正傳，正當我點了個巴東牛飯加印尼kopi, 老闆娘建議試下個印尼黃錦飯 （佢話冇咁單調、多d配菜），真係幾好人  。 呢個黃錦飯有好靚嘅賣相 ～ 有巴牛、燒雞、旦同蔬菜，巴牛比其他配菜確勝一籌，夠淋入味；燒雞'鞋口'冇乜味，其他蔬菜及旦一般啦；再試口印尼kopi, 味道甚怪，口感唔香唔滑，冇乜咖啡味，差 , 嘥了十幾蚊添。整體食物質素一般，但勝在小店老闆娘友善, 在這兒亦可以嘗到一個寧靜、感覺舒適的午餐。