韓辛 (已結業)

之前見到團購$150買$300 現金卷. 就買左黎呢晚同朋友一齊食.早兩星期已經訂位, 訂了7:30PM, 到達後, 店員話未有位, 要等等..結果, 一等等左半小時有多... 坐低就睇睇menu, 由於買團購時已經睇過. 對價錢已有心理準備.叫了最貴既牛排$2xx, 其餘都係大約$100, 雞肉 , 豬頸肉, 尤魚,大腸,仲叫左韓式飯卷, 海鮮煎餅. 配菜:磨姑$15 =三片及年榚$15 = 3小條, 石頭飯.肉類一上枱, 店員就立即幫你放上爐上燒, 服務唔錯. 但份量就偏少...好似個牛排, 2百多元, 就只有6至7小件. 一行5人的我們, 只係剛剛好夠分享.韓式飯卷味道唔錯, 同日本壽司唔同, 少了醋味. 海鮮煎餅唔太夠熱, 料亦唔多! 最後食晒d野, 都唔太飽.一於試埋炸雞$180 及 炸醬麵 (大) $150. 炸雞原來只有原味, 食落好滑好香脆, 大約有10件.  唔會好油, 比kfc好.配菜既醃羅白, 酸酸地, 好開胃.炸醬麵, 雖然已經叫左大, 但份量亦不多, 而且味道偏淡. 要自行添加辣醬, 先食得下...總結, 味道只熟一般, 沒有驚喜. 如果冇團購, 咁既價錢,