蘭香園 (已結業)

我一直想試蘭香園生炸雞脾餐,約咗貓爸爸食宵夜,我哋零晨十二點到達,我叫咗宵夜餐生炸雞脾+熱奶茶($28),貓爸爸叫宵夜即食麵餐豬扒米粉+熱奶茶($20).食物好快送上,落單時我聽到姐姐講最後一隻脾沽清.....雞脾正常size,炸得比較深色,雞皮有啲油,肉質較乾有少少雪味,沾茄汁食會好啲(平日我唔沾茄汁的),幸好有我最愛嘅奶茶伴食.而貓爸爸嘅豬扒幾大件,佢話香煎味道ok.可能我太夜到訪,雞脾翻炸後變乾,我唔夠能要求太多,又或者下次應該加$6配細啤酒,感覺會更好.我都係比較鍾意蘭香園嘅小菜多啲.