香香燒 (已結業)

與朋友們一行5人在山林道搵食,山林道老食肆居多,因此今次要搵啲新鮮野試~雖然哩間店並不算新但未試過就試下啦！鵝肝多士:鵝肝很厚很creamy甘香,多士夠脆口感豐富;燒雞皮:雖然雞皮好肥,不過原來燒完啲油份燒走晒都ok唔太肥嘅,忍唔住食左一舊,好香口,不過都係少吃為妙~怕肥!一口燒雞翼:味道醃得唔錯,燒得都剛剛好,夠香;日式磯燒鮑魚:好正的磯燒鮑魚~味道好,口感彈牙,汁醬都好好味,仲唔係好貴;紅豆燒黑芝蔴湯丸: *一定要試* 甜品食得多,但燒出黎嘅甜品真係未試過喎~紅豆燒和黑芝麻的配搭新穎中又幾夾喎！芝麻嘅香與燒過的香味在口腔中形成After Taste,又唔係太甜,所以值得一試。