三木日本料理 (已結業)

見到開飯喇啲評價唔錯，就約左個朋友黎試下是日選擇左1800-2015 呢段時間，我地兩個人但安排左我地坐四人枱，非常好呀! 唔洗咁迫，枱面一定夠位放野食!甫入座，每人送一隻特大甜蝦一粒帆立貝~ 好鮮甜好新鮮!刺身全部都幾好，起碼唔腥先啦，帆立貝繼續好鮮甜，甜蝦細隻啲啲，但一樣味美，反而第一次見咁既顏色的北寄貝!最驚喜係海膽軍艦! 超鮮甜 而且份量足，飯亦唔大舊 真係超值! 花之戀就真係第一次見無飯version 蕃薯仔，菠蘿都好好味，係翠玉瓜有怎油味 麻麻地另外仲叫過日式蒸蛋，不過味道就普普通通，元氣的比較滑同好味見到有牛乳湯同黑松露忌廉湯亦各叫一客，但牛乳湯淡忌廉湯濃，試左mix埋一齊反而岩岩好! 火炙壽司既三文魚都唔錯~ 不過無影到相就落左肚~甜品就見佢話係日本空運，全部叫左一球，有芝麻，綠茶，柚子，豆腐。個人就比較鍾意柚子，少少酸酸地，幾清新!原來呢間放題開業三個月，由25/10-7/11 做推廣，全枱客人like Fb page就可以有優惠! 今晚有9折!