The Coffee Bean & Tea Leaf (已結業)

好想食 Waffle, 又唔捨得去餐廳食七八拾蚊一份，之前買咖啡見到D相好吸引，所以專登來到這裡一試。好可惜通常 coffee shop 都被學生哥霸佔著，去到見到六成枱都放著電腦同paper，香港地方細少，要有一個聚腳做 project 的地方真困難，我都好明白，但香港地租金昂貴，做少兩轉真係好慘架。我只想飲杯 coffee 食件 cake 啫，好彩企咗 5 分鐘有一個 bar 枱位。呢度 Waffle 有3款選擇，我揀咗 apple caramel, 個 Waffle 好軟熟，但欠了蛋香，不過＄36 蚊還算ok, 仍然係會想再幫親的。