煙燻玉子燒 (已結業)

荃灣食街鱟地坊，香港聞名，小店林立，自然要去試下。咁多選擇，係唔知決定食咩好姐。最後繞場一周，先食個紫薯玉子燒。$34/條即叫即整關係，加上是日人山人海，等個不亦樂乎，足足等左半個鐘先有得拎。等左咁耐，係唔係咁好食先，即刻開餐啦仲等咩。咪住，店員話要等多3分鐘先好食喎，好我等。終於有得食啦，一打開，熱氣四散，聞到既唔係蛋香，係一陣人稱煙燻味既味道洶湧而出，唔好講咁多，食啦，咬落去真係好熱好熱好熱(小心辣親呀)，食落蛋味不算濃烈，味道偏甜，仲要唔夠滑，好在佢都幾有咬口，夠堅挺。紫薯份量多又甜又香，好食過玉子，兩樣野放埋一齊，真係太甜，所以最後我決定分開黎食，先挑左的紫薯出黎食，再食玉子，得左。哈哈。食落唔差，但要34元先得咁既份量真係太貴啦，試下無妨，ENCORE就未必會啦。P.S 小街窄巷就唔好諗呢到有幾好環境，係唔會有台架。